حط نفسك في المشكلة
شخص له قوة السيطرة عليك يمنعك من دوامك والسبب ليه ماكلمت فلان
وتجي تبي تتفاهم معه يقلك مزاج على كيفي وترا أنا تفاهمي مع أهلك
ثم يحبسك عنده ثلاث أيام وتجي تحاول تلم السالفه معه يقوم يغلط في ابوك ويقول ماشاء الله صار أبوك رجال متعافي من الجلطات وتعتزي فيه ويقول هالشايب المخرف ماعاد يفهم
لما تسمع النص السابق وتنحط في هذاك الموقف أتحداك تسكت وتواصل حياتك مع ها الأدمي
حتى كفار قريش لما اختلفوا مع الرسول ما سبوا أبوه ولا تكلمو عنه بشر

حطوا انفسكم بالموقف وكل واحد يقلي بيقدر يتصل فيه او عاد يكلمه ؟؟ أو تكون له مبادره طيبه لعلاج الموقف ؟؟؟

بعد هاللي صار شلون ارجع بدون حق ووعد بعدم تكرار ماحصل

والله هالكلام اللي قاله لي ماقلته لأبوي ولا قلته لأخواني مو حبا في الأفندي بل حفاظا على مشاعرهم من واحد مايسوى وعشان أخواني لايصيبهم قهر ويصل الأمر الى تصفية حساب بين الرجال

انا ابي ارجع لبيتي موب عشانه والله عشان نفسي ادخلوا قسم المطلقات وتشوفون المجتمع والتعامل والمعاناة
ان طلقني هو باختياره والله ما اركض وراه ولا باقول غير حسبي الله فيه وفيمن اغواه
وان كان الاختيار لي فانا ابي بيتي والأحترام لي واحترام عقد الزواج وشروطه بدون تفريط الا لعذر قاهر

الموضوع عناد منه هو وتعنت وشايف الدنيا فوضه وأنا ما باهين نفسي واهلي .

__________________
من عاش لله ومات لله فقد ربح دنياه وأخرته...

بنت غالية

كيف زوجك بغض النظر عن موقفه الأخير هل هو طيب وحسن المعشر وأخلاقه جيده؟!
وانتي قبل هالسالفة هل كنتي تحبينه؟!

للامانه كان كويس لكن مقصر بالصلاة وتعدل
عشرته يجي منه الكويس والبطال واخلاقه كويسه معي
بس فيه عيوب طهرت مؤخرا كرررررهتني فيه
السنة الاولى كنت احمل مشاعر الحب السنة الثانية لاء بس اخاف الله فيه

__________________
من عاش لله ومات لله فقد ربح دنياه وأخرته...

وش مثله العيوب..
لاشك مافيه انسان كامل لاهو ولا انتي ولا انا
بس فيه اشياء يمكن التعايش معها واشياء لا

وش نبي بتعداد العيوب ولاالميزات .. 😣

__________________
من عاش لله ومات لله فقد ربح دنياه وأخرته...

تحجيم المشكلة
رسم تصور واضح لحياتك معه

بنفس الوقت انصاف جميع الأطراف..

كتبتي قبل هذا الموضوع عن حياتك
كنتي تطالبين بدرجة قريبة من الكمال
تفتقدين للمرونة كثير..
شخصيتك عاشرتها كثير ياأسود ياأبيض

انتي الان كارهته ومتمسكة بإبقاء الزواج
ليش؟! واجهة اجتماعية مثل مالمحتي له
طيب هل هو فعلا سيء لدرجة نعطيه دور الواجهة فقط!!

سألتك عن عشرته
لان تلميع الواجهة ماينفع اذا الداخل خراب
ليش مانهتم بإصلاح الداخل أيضا..

أنتي وزوجك مشكلتكم كل واحد بينتصر لنفسه وفقط
وهو بداخله محطم منكسر متهشم
والسيء ان سبب الشتات اشياء خارجية
حميته لأخته وحميتك لوالدك..
مشكلتكم بتكرر كثير اذا مافصلتوا تماما بين حياتكم الشخصية وارتباطاتكم الاجتماعية
وايضا دامكم مرخين اذانكم لأملائات اللي حولكم عمركم ماتستقرون..
لو منك اسأذن ابوي تكتبين معه مباشرة
انك شاريته وعشرته معك كانت جميلة والسبب كذا والحل كذا ولاتجبين طاري الشرط ولا كأنه طلب ولا كأنك سمعتيه

وجبذا لو تقدرون تنقلون عن ديرتكم بتكون حياتكم اكثر استقرار

أشكرك عى كل كلمة
أبوي أصيب بجلطة بعد مشكلتي منعته من الكلام ثم تعافى شهرين وأصيب بالثانية
ردا على من يقول أن أبوي قصر كلمة بالجوال فوق خمس مرات وسافرمن من ديرتنا إلى جدة عشان يقابل زوجي مرتين زوجي يتهرب مايبي يواجه ماعنده رد على نقاش ابوي حول الأسباب اللي دفعته لهذي المعاملة

فكرتك جريتها وما ذاب الجليد اتصلت على زوجي بداية المشكلة ابي الأم السالفة مارضي بل زاد الطين بلة وهاوش وغلط وتحدى وبعدها حبسني عنده ف البيت ويقول لي أنا ابي اتفاهم مع رجال

خروجي من البيت كان لسببين من كثر النزيف ولكي لا افقد وظيفتي

لن اعود لحياة مافيها حقوقي وماراح اتنازل وأنا اصلا ما اذنبت ولا أجرمت بحقة ولا حق أحد من اهله يعاقبني لأني اسبوع ما كلمت اخته المصون وبالمغرب كلمتها وكنت ابي ازورها قالت ما أحنا في البيت والله ماله حق عندي ... الله يحاسبه

__________________
من عاش لله ومات لله فقد ربح دنياه وأخرته...

أشكرك على أهتمامك الطيب
ما اقدر أكتب لك عيوبه والله م اقدر أنا ماقلت عيوبه لأهلي عشان قولها لكم ف المنتدى لو أكتب لك عيوبه قلت انتي تددقين أنتي تسعين للكمال أغلب رجال هالوقت ماينشد فيهم الظهر
انا صبرت على عيوبه لما وعدني يتغير وواقفة معه اساعده على ان يتغير
اي نعم واقفه معه يتغير
ابيض او اسود بموضوع الصلاة فقط غيرها ياما عديت والله ياكثر ما اعدي ولا ادقق ولا كأني أشوف
استقامته بالصلاة يعني تجاوزه لكل وساوس الشيطان لسبب ((إن الصلاة تنهى عن الفحشاء والمنكر))
ماني صغيره واقول هذا الكلام من فلسفة أن خلصت 30 سنة كل اللي شفتهم على غير استقامة بصلاتهم ينعكس العوج على سائر حياتهم

أبي أحافظ على الزواج لأني قادرة على أدارة حياتي معه بدون تدخلات
أحتاج يكون عندي بيت وزوج وعيال يدعون لي اذا مت

أخته يوم يجيني يخاصم ويهاوش عشانها أصلا أنا ماني غلطانه عليها بالعك أنا أحتفظ بغلطاتها علي ومشيتها لها وكبرت عقلي ولا قلت له وش صلحت ولا حتى شكيتها لهلي لكن اقسم بالله اني لأعلمه بكل اللي صلحته سواء رجعت له أو مارجعت له عشان يعرف من اللي محترم ومن اللي يدور المحاريش انا ولا هي ؟؟؟

أنا لما اقول غلط في ابوي ترا مافيه خير لو سمعت منه وهزيت راسي وبكيت لي دمعتين قهر وسكت له أبوي هذا لو ان به كل عيوب الأرض ومصايبها مو من حقه يجيب طارية بشر دام أن أبوي ماغلط عليه

قارنوا بانصاف
بين موقفي ضده في غلطه على ابوي
وبين موقفه ضدي وانا فقط ماكلمت اخته المصون اسبوع ....ترا فيه فرق

الكلام اللي بالأحمر مافهمته

أبوي ناداني قدام اخواني وقالي
تبين أرجعك له بكره بارجعك له وباجلس في بيتك لين يجي واتكلم معه واشوف وش عنده وابشري بالخير بس ترا شروط على الرجال مافيه بيقول انت اللي جايب لي بنتك للبيت ليش تتشرط علي ، وبيذلك ولا بيقدر لا هو ولا أهله وبعدها لو تهاوشتي انتي واياه او منعك من دوامك او حتى حبسك مثل كل مرة ترا ماعاد اقدر اتدخل او اقول له شيء فانتي قرري وابشري بما يرضيك يابنيتي
قلت والله مانيب عجله على الأهانة أما حياة محترمه ولا بلاشي ليش انا وش جريمتي عشان انذل واتنازل عن حقوقي
فالي قرارك النهائي ؟؟؟ قت قراري النهائي

__________________
من عاش لله ومات لله فقد ربح دنياه وأخرته...

الله ييسر أمرك ويفرجها عليك ياارب🌼

جزاك الله خير الله يسمع منك.

__________________
من عاش لله ومات لله فقد ربح دنياه وأخرته...