عادي موجودين هالنوعيه واشوفهم احمد ربك غالبا يكون لهن حظ كبير وتبارك عليك حلال وعيال الله يحفظك ويسعدك

هي وش تحب .. وش تكره .. شي دايم تطلبك توفره لها

شخصيتها كيف تحسها دايم تدور ع الوناسه والفله
تطفش وتتضايق اذا مر يومين او اكثر وهي لحالها وتطلب منك توديها لاهلها دايم
تحب الملاهي والالعاب الكهربائيه .. طفوليه يعني..


تصدق شي ..
اليوم اذا استرجعت ذكرياتي بداية زواجي افكر بصراحه كيف زوجي تحمل كمية البرود
والسذاجه اللي كنت فيها وكيف كان ساكت ما اشتكى لأحد من اهلي .
مثلاً يسألني زوجي عن غرض اوكى .. انا في الاساس مدري وينه تمام بس اسوي نفسي جالسه احاول اتذكر وينه وانا في هالتمثيليه انسى هو وش قال اصلاً فيرجع يسألني في اقل من دقيقه واقول انت وش قلت اصلاً .. فيقوم يدور بنفسه . مدري ليش بس والله هذا الحاصل

فرق كبير بصراحه بداية زواجي والحين انا تغيرت كثير بسبب توجيه زوجي باللطف وبالقوة احياناً
ابذل الاسباب .. صارحها شفهياً وكتابياً .. ودها عند طبيب نفسي وسلوكي .. اغمرهاا حنان ومدح وهدايا .. لا تيأس هذي شريكة العمر .

__________________
استغفر الله العظيم وأتوب إليه .. سبحان الله ..الحمد لله.. الله أكبر

بعض الاشخاص يتوقف عندهم الادراك بسن معين ..
بمعنى تجده فوق العشرين اورالثلاثين لكن بعقلية طفل
بالثالثة عشر او اقل ..

هناك من الاسر من تلاحظ ذلك على ابنائها .. في قلة
التركيز و الادراك والاستيعاب ..
فيبدأون بالتشخيص ثم العلاج في وقت مبكر ..
وتدارك ما يمكن ادراكه بالتأهيل والتعليم ..

وهناك من لا يلاحظ و يحسب ان طفله كسلان وبليد وصعوبه
في الحفظ والفهم فقط دراسياً ..

اعرف اثنتين من عائلتي نفس الحاله ..
واحده منهن تداركوا اهلها الوضع وهي صغيره فكانت افضل ..
فأنت مثل اللي تقلص سنوات الفارق بينها وبين اقرانها اذا
كانت ضمن برنامج علاجي وتأهيلي ..

لكن من اعرفهم لم يكملوا تعليمهم وحدهم شهادة الثانوي ..

طيب ..
كيفها من ناحية النظام والنظافه .. في نفسها وبيتها ؟!
و هل لها علاقات وانسانه اجتماعيه ولها قبول ؟

ولي ملاحظه ..
هي لن تخرج منها بشئ .. مثل هذه الشخصيات
تعطيك ما يرضيك وتتجنب تتصادم حتى لو فعلت
ضد ما تريد وتتمنى منها ..

فجلسات نفسيه مع دكتور نفسي كفيله بإخراج ما تعاني
وتشخيص لحالتها ... ربما تكون تعرضت لصدمه انقلب حالها معها ..

__________________