جربي اشفطي الحليب بشفاطة يدوية جيبيها من الصيدلية
حطيها في ماء مغلي لتعقيمها
اذا نزل الحليب كثير و بسهولة هنا تكون حلمة الثدي قاسيةعليها فتتعب من الشفط و تمص شوي و تريح شوي
عشان هيك تأخد وقت طويل
ادا ما طلع الحليب بسهولة تكون فعلا جوعانة و ما تشبع
هنا خدي مذرات للحليب و استمري علي دعمها بالصناعي

__________________

توج في أول الطريق يا منفردة .... لازم تطولين بالج.

أكيد بنتج راح تعاف الطبيعي إذا تعطينها في اليوم أربع أو خمس رضعات صناعي!! .... وأساساً مع هالعدد كيف صدرج بيدرّ حليب؟!!!

مثل ما قالن البنات .. استمرار الرضاعة هو الضمان لإدرار الحليب.

وعن نفسي ما كنت آخذ أي شي يدر الحليب .. اللهم إلا إني أواضب على الرضاعة الطبيعية .. وأشرب سوائل .. وشوي شوي الحليب يكثر والرضاعة تنتظم.

حتى رمضان صمته كله وحليبي ما تأثر والرضاعة كانت ممتازة .. وسوائلي كانت عبارة عن ماي وشاي بالحليب وعصير برتقال .. يعني العادي اللي أشربه حتى بدون رضاعة.



سؤالي .. بنتج تكون صاحية أساساً وقت الرضاعة؟

الرضّع غالباً ينامون خلال الرضاعة .. ولازم تحاولين تخلينها تصحصح شوي عشان ترضع زين.


الشي الثاني .. نظمي مواعيد الرضاعة .. كل ساعتين حالياً .. وكل ما كبرت شوي زيدي الفترة الفاصلة بين كل رضعة والثانية.

تنظيم الرضاعة بيرحج على المدى البعيد .. وبيخليج قادرة تنظمين باقي أمور يومج بدون ما تكون الرضاعة عائق أو تعطيل لج.

وخلي الرضعة الصناعية آخر رضعة في الليل قبل ما تنام .. عشان تنام لج طول الليل .. وبالتالي إنتي ترتاحين شوي.

طبعاً لما أقول تنام طول الليل يعني حوالي خمس ساعات في المتوسط حالياً .. لأن الرضيع ما يقدر يتم بدون حليب أكثر من جذي .... وشوي شوي وكل ما كبرت شوي نومها في الليل بيطوّل.



بشكل عام أول شهر أو شهر ونص الأمور كلها تكون مخربطة .. لكن مع الوقت والتنظيم كل شي يترتب.

بخصوص مدة الرضاعة .. عن نفسي أبدأ أفطمهم لما تبدأ أسنانهم تطلع.

غالباً على سبع شهور.

__________________


اللهم طِيبَ الأثر .. وحُسْنَ الرحيل.

أختي منفردة
اسألي الله يبارك لبنتك فيما رزقها
ولا تتذمري من البنت
انت بأول الطريق ولازم ترضع البنت طبيعي حتى تبني جسمها بصحة وعافية ومناعة قوية

ونصيحتي لك
كل ما تنام بنتك نامي صدقيني بترتاحي
لا تقري ولا تبحثي
نامي معاها وانسي النظام القدبم فالنوم لما يقارب 3 شهور


ولا تتكلمي عن رغبة البنت بالرضاعة أمام أحد

__________________
الحمدلله الذي بنعمته تتم الصالحات

حبيبتي الوضع عادي

هذا يدل ان حليبك مايشبعها بغض النظر عن كمية مارضعت منك

يمكن حليبك خفيف ومايشبعها
ترى مو كل الامهات نفس الحليب

انا لما ولدت كان ولدي اربع وخمس ساعات ع صدري ومايشبع

واضطر اعمل صناعي

ورحت طبيبه كنت مسويه متابعه مابعد الولاده

قالت طبيعي اذا حليب الام مش مكتمل ويشبع بيضله يرضع ولا يشبع

لذلك لاابد يتم تدعيم الطبيعي بالصناعي

عشان المكونات الغير متوفره والمهمه لتكوين بناء طفلك بحليبك

متوفر بالصناعي

وصرت اعطيه مايقارب عشر رضعات مابين صناعي وطبيعي

ولا تاثر حليبي ولا تاثر طفلي
الى حد انا ماتركت الرضاعه الطبيعي

الاطفال في هذا العمر بيشربوا سوائل فقط عباره عن حليب
فطبيعي بسرعه يجوعوا ويسهروا ويبكوا

الى حد مايندرج الاكل وتبدا المعده. تمتلى ويرتاح وينام الطفل
ويخلد في نووم طوويل

والله فعلا أموري ملخبطه يبغالي ارتب وضعي شوي مع البنوته
راح اطبق نصائحكم وان شاء الله القى نتيجه


ادعولي الله يسعدكم
وشكرا لكم وربي يبارك لكم بأولادكم ..

__________________

منفردة انا كنت زيك بالضبط والله الرضاعة الطبيعية يبغى لها صبر .. وقفي الصناعي من دحين وغلط انه الحليب الصناعي فيه اشياء تنوجد فيه افضل من الطبيعي العكس تماما الطبيعي تتوفر فيه مميزات ماتلاقيها في الصناعي ومنسوب الحليب يكث. كل ما الطفل رضع .. بكاء الطفل بعد الرضعة مو معناه جيعان احيانا يبغى الدفئ حقك يبغى يحس بالعاطفة لاتخافي انه يتعود ع الشيل ودي الحاجات الطفل يبدأ يتعود بعد عمر الثلاثة شهور ..

انا في الشهر الاول عانيت جدااااا البيبي كان كل ربع ساعة يطلب حليب ماانام احطه بس على الارض بعد ربع ساعة يبكي ولو طول نص ساعة وكنت اعطيه صدري بس كنت خلال الارقعة وعشرين ساعة انام ممكن بس ساعة بالكثير ساعتين وياريتها متواصلة كل الحريم الي قريت عنهم وسألتهم وقالوا لي انهم دخلوا الصناعي مع الطبيعي عيالهم يرفضوا الصدر بعد عمر 3 شهور او اكبر لما يفهموا او حتى اذا شفطي واعطيتي الطفل بالرضاعة احتمال يرفض الصدر لانه حلمة الرضاعة اسهل من الصدر والاطفال كسالى يفضلوا الشي السهل انتي لسه يمديكي تلحقي نفسك فوقفي الصناعي والرضاعة نهائي ومدة الرضاعة كنت اقعد في الرضعة الوحده ساعة ساعة غلا ربع في الايام الاولى تدريجي راح يقل الوقت بعمر الاربعة شهور ممكن الرضعة ماتأخذ خمسة عشرة دقايق لاتشيلي هم هذا الشي .. ولاتحددي مدة بين الرضعات كل مابكيت بنتك اعطيها صدرك فترة وترتاحي صدقيني كنت زيك حتى لو بعد نص ساعة اعطيها انتي المستفيدة حليبك يزيد والنوم سيبي كل الي في يدك ونامي معاها .. شدي حيلك مريت وربي بنفس الي تمرين فيه واحلى قرار اتخذته الرضاعة الطبيعية ومافي اسهل منها دحين بس اصبري ..