مرحبا
انا عمري 28 نحيفه موظفه حكوميه جامعيه مثقفه جدا جميله لكني عصبيه نوع ما جدا على حسب كلام الاخرين من عائله معروفه
تقدم شاب لي وارتحت له مبدئيا بسبب السمعه الطيبه هادي ، عمره 32 ، موظف حكومي، قبيلي لكن كان اقل مني من ناحيه الاصل
مشكلتي الاولئ تمثلت اني مابغى اخذ ..... شخص يكون اقل مني
ومعليش على هالكلمة اذا بتجرح احد وسمعت كلام احد الاخوات وقابلت اهله واعجبت جدا بهم
وانحل الي كان مخوفني

مشكلتي الثانيه شفته شوفه شرعيه وهو اول خاطب اشوفه شوفه رغم كثرة خطابي لارتياحي له مبدئيا
انصدمت من شكله من قوة صدمتي جلست اقل من دقيقه وماتكلمت معه كان ضخم ميل للسمنة طلعت وانا مصدومة من شكله وانغثيت مب هذا الي متخيلته
قاله الوالد يومين ونكلمك
تضايقت من سمنته كثير وعجزت اتقبله او اتكلم معه بسببها.. ونسيت جوهر الانسان و صارت ثقافتي كلام فاضي
امه دقت ع الوالدة بنفس يوم الشوفه وقالت ان ابني معجب ببنتكم مرة وانه هذي البنت الي ادورها وسالت امي وش راي البنت لللن ابي اعرف رايه واهيئه نفسيا اذا هي رافضه ..الوالدة قالت لها للان البنت ماقررت من بكرة دقت امه وسألت وقالت لامي الله يخليك قولي لي الصدق..
قالت لها امي ان بنيتي ماعجبها شكله لانه سمين.. ردت والدته انه مب هذا جسمه وانه مهمل روحه من سنه وتارك النادي وكيذا.. وان ابني لما جاء من برا كان كانه مسطرة..
صراحة تصرفت انا والوالدة تصرف جريء قلت لها اذا هي قلقانه هالكثر و باغيني والدها
انا عندي شرط ينحف.. امه استعبت علينا هالام باسلوب راقي جدا بالكلام.. وقالت انتي انسانه مثقفه تعرفين ان الوحدة تاثر علئ زوجها وكيذا وانتي تاكدي انه حبيب ويسمع الكلام واذا طلبتي منه بأيام الملكة هالشي اكيد بيسوي المستحيل ويرضيك.. خصوصا انه مرتاح لك..
مادري ياجماعه.. محتارة بعد كلامها.. احس بمشاعر متضاربه حتئ بعد الاستخارة كررتها كثير
اخاف اني جالسه اظلم نفسي واخذه ثم مااحبه خصوصا اني اعاني من ضغط اهلي لي بالزواج وانه عمر العنوسة قرب منه عمري..
ابي احد يفكر تفكير عقلاني انا طول عمري بخطوباتي اسمع لقلبي وخذلني وبعدها اشعر بالندم اني ضيعت الفرص

هالنقطتين هم سبب مشاكلك
عدليها بتلقين الجواب بنفسك ، وتأكدي لو كان كويس ورفضيه لاعتبارات مو منطقية بيلقى إلي تاخذه وتقبل فيه
وإنت انتظري !!
موفقة إن شاء الله

__________________
## مهم ##
هل تتعرضين للابتزاز في الانترنت؟


هنا من ينقذك

صحيح كلامك.. جزاك الله خير

من حقكك ان تريدي رجل بصفات معينة لكن ليس من حقكك ان تتشرطي هذا الشرط

اختي العزيزة هو راضي بشكله و منظره فأن كنتي غير متقبلة فغيرك من يتقبل و كان من الافضل ان ترفضيه من البداية دون ان تكلمي والدته و قولك بأن منظره لا يعجبكي انتي لا تظلمين نفسك انتي تظلمينه هو ارفضيه و دعيه يبحث عن نصيبه و انتي انتظري رجل احلامك !!

__________________
· خير ما أتمنى في الوجود دعائك لي عند السجود ومرافقتك في جنةالخلود

............مو عاجبك اتركيه يشوف نصيبه وانتي أنتظري فارس احلامك الله يوفقك

__________________
[

بعضكن تدعي أنها ضحية المجتمع وهي ليست الا ضحية تفكيرها وقناعاتها

لست ملزمة بقبول من لا ترغبين , لكنك تحملي نتيجة اختيارك المبني على فكرك

عموما الأجدر بعائلتك الجلوس مع الخاطب قبل النظرة الشرعية ثم وصفه لك

بدون احراج .

................
اختي الزواج اقتناع . إذا مو مقتنعه فيه من اﻻن فما راح تقتنعي فيه بعد الزواج و هذا راح يكون اول خطوة في زواج فاشل

الزواج قناعه

اذا تبينه اخذيه ماتبينه خليه

شوفي اختي كلمتك له انه سمين ومدري ايش احس مالها داعي جدآ

كان رفضتي ب اسلوب رائع

قولي الولد مافيه شي بس انا مافكر بزواج حاليآ او انا لا اريد الا من اقاربي

ومن هالكلام

يعني كان ارتقيتي بالاسلوب يكون احسن لك

الله يصلحك

الانسان مو بالجسم الانسان بالقلب والعقل

ياما شفنا وسيمين يضربون زوجاتهم وويغالزون من وراهم وخيانات وغيرها

وياما شفنا ناس اشكالهم غير وسيمه

ومحافضين على نسائهم وخلقهم ومرتاحين مع بعض

الكتاب قد يكون شكله سيئ بس محتواه جممممممميل جدآ

ف انصحك اختي الكريمة لاتهتمي بالشكل اهتمي بالجوهره الداخليه

اهتمي بالاخلاق والاسلوب

اهتمي بالتعامل

اهتمي بثقافته وتصرفه ومعيشته

لاتهتمين لشكل لأن الشكل لايكون هو الحل الرئيسي

صلي صلاة الاستخارة وتوكلي على ربك اذا ارتحتي له

الله يكتب لك الخخخخير

__________________
* المقابِر مدُن ممتلِئه ، سُكانها غُلِفوا بَ الصمت الأبدي ، تُحكي مشاعِرهُم الوحده ، يُرقِبون دُعاءً يهتِفُ بَ اسماِئهم ، إياكُم و نسيانهُم . , !

مثقفة ومشغولة بالخرابيط أقل مني أصل أكثر منه أصل!! مادري شلون يجتمعن

كونه سمين ليست المشكلة في نظري، المشكلة برجولته وشخصيته وتفكيره، وهذا اللي يجب تركزي عليه، لأنه لدينا نقص حآآآد في الرجولة، أما الشكل بعدين إذا وفق ربي يبي يصير الشكل آخر خياراتك لأن في معترك الحياة الزوجية ستطغى أمور أهم، التنحيف شدي حيلك عليه، ومن أجل عين تكرم مدينة لو تبينه يصير هيكل بيصير ليه لا مو خق من أول نظرة؟
أتمنى لك التوفيق والخيرة.

__________________
ياصبحِ لاتِقبل !!
عط الليل من وقتك..

قريبتي دخلت على خاطب لها و هي سمينة
من بكره قال ما ابغاها سمينه
ما فكر بمشاعرها ابدا

__________________