التطبيق دوماً صعب علينا ، واسئلي الله المعونة ولن يُخيبكِ أبداً ..

صباح السكر ياسكر

شوفي حبيبتي انتي ساكنة عند أهله في العمارة يعني الوضع أمان كذا ماتنفع الافلام الهندية
ندخل على الامريكي خخخخخخ
اول حاجة روتين حياتك مع زوجك مش حلو ابدااااا يا سكرة
الرجال متحكم بالوضع وبقووووه
شوفي راح اضرب لك مثال يسهر براحتة ينام براحتة تتصلين مايرد
اول ما يتصل فيكي تردين وتخرجين بالعربي مشيكي بالريموت كنترول
ايش تسوي بالحالة هذي
اقلبي علية الطاولة
هذا بيتك يمشي بنظامك
راح اضربك مثال بما انة يسهر للفجر ويطلع للدوام بدري
اكيد يرجع بتغداء وينام للعشاء يصحى يتعشى ويطلع مع اصحابه صح او لا ؟
ايش تسوي انتي اذا رجع من الدوام ونام
اتركية ينام ساعتين بعدين خليكي شاطره وصحيه
مو بدلع لا لا لا
سوي نفسك طحتي بالمطبخ وانتي تعملي حلى وقهوة
وتكوني مخلصة الحلى والقهوه
واجلسي صارخي وابكي بيجي يركض
خليه يوديكي للصالة واطلبي مسكن من الصيدلية
عشان لازم يصحصح ومايرجع ينام بعدهها
اتقهوي معاه عاااادي واذا طلب منك تسوي العشاء
ارفضي قولي مو جوعانه انت اطلع اسهر
واذا رجعت نتعشا واصري على موقفك
واطبخي عشاء محترم اكل هوه يموت فيه
وارسلي الصور على الواتس
بدون ولا كلمة
وبيجي ركض
وبلغيني كيف النتيجه😘😘🌹🌹🌹

من عيوني عندي خطط تدميرية لعيونك😁😁

أضحك الله سنك يامرام ..
ماتنفع الخطط التدميرية مع كل رجل

احباط وتعب نفسي وعقلي وكل شي ......
وحتى مانفع مع زوجي كل شي انا مليت بسراحه
والله يااخت مرام مانفع مع زوجي كل الي تقولي
( اكتشف انه ماعنده ذرة احساس )
طبعاً الحين انا تعبانه موت واحس بدوخه وتعب وانا عند اهلي الحين وعارفه انه مراح يجي الابكره الظهر او العصر او المغرب
راسلته يجي ياخذني البيت وقلت له انا تعبانه فيني دوخه والام في بطني << ماعبرني احساس معدوم همه الوحيد هو السهر مع اصحابه ايش اسوي
افكار وساويس براسي
نفسي اعمل مثله
اسهر كل يوم برى البيت ماارجع الاالساعه 3 ص
وفي الويك اند ارجع 9 ص << لكن ياحسرتي بس على مجتمعنا مايساعد
والله طفشت كل يوم على هذا الحال ،

__________________

انتي امام مشكله واضحه

لكن اتعجب متئ ينام زوجك وكم ساعه ينام

حتئ لو نام الظهر متئ يصحئ لصلاة العصر

ولنفترض نام بعد صلاة العصر متئ يصلي المغرب

وكيف له ان يجعل الليل سهر والنهار سباته

اول شي اتركزين عليه الصلاه
ان يصلي في اوقاتها

وانظري كيف يضطر ان يعود للبيت حتئ يرتاح لانه جسمه سيتعب
وبعدها تنامين مطمئنه بجانبه

واؤكد لك اصدقائه لن يفضوا له الا اخر الليل وانتي اجعلي نومه وراحته في الليل وتنتهي المشكله اذا فهمتيني وتصرفتي بالطريقه الصحيحه واللينه ومنها تأخذين اجر مساعدته على الصلاه في وقتها ويرتاح بالك من السهر الزائد عن حده

واذا بعد الصلاه طار النوم لا تنسين تذهبين للسوق ناقصتك اشياء وكثري من المشي
يرجع لك تعبان ويدور الوساده

افضل له الف مره ينام الليل ويدوام الصبح وياخذ قيلوله ويتفرغ لك لان العزابيه نايمين هالوقت بسبب السهر

موضوع الصلاة مشكله لحالها الله يصلحه ويهديه
دئم انصحه يصلي لكن هو مايتقبل مني هذه النصيحه
زوجي يفهم النصيحه غلط
يفهمني غلط بكل شي في اي كلمه اقولها يفسرها تفسير ثاني
المهم انا تعبت منه وماادري ايش اقول انا افكاري مشتته بين هذا وذاك
وغيره انا عندي دراسه وماابي هذه المشاكل تأثر علي والله تعبت منه صرت مااحس بالامان معاه
ايش اقوله ؟!
ايش اتصرف معه ؟!

__________________

يا اختي هل يصلي ام لا يصلي

وهل يأخر صلاته والى متئ ياخرهم

اول ما كتبتي مشكلتي تخيلته غير ملتزم بالصلاه لذلك الشيطان يزين له السهر وهذا كله يؤثر حتى على صحته

انا متأكده من شي واحد

انك انسانه جدا طيبه وتبتعدين دوم عن المشاكل

وتتجنبين زعل زوجك وحتئ لو في امور تحتها خط احمر حتئ صلاته

الكثير هنا في المنتدئ يعاني من الطرف الاخر في مسألة الصلاه وتركها الا انهم يحاولون ولله الحمد

ولابد من المحاوله والاستمرار لوجه الله وبإذن الله ستجدين حل لهذا الامر اولا وبعدها ستجدينه لن يسهر بالخارج الا قليلا او ايام الاجازه

هو يصلي لكن يأخره
واذا كان نائم يجمع اذا صحى من نومه

__________________