ردودكم خلتني اتراجع واصبر مثل امس
يارب اكون غلطانه ويطلع كلامهم هو الصح
وتنزاح هالغيمة على خير.. عاجلا غير اجل


علما اني منتظره زوجي يقول لي كلمه تطيب خاطري
كلمه وحده بس
بعدها اقول له اني حسامح واتغير
بشرط مايعيد اهانته لي عند امه او الناس
وهذا حقي كانسانه وزوجه وام
ما ابي منه اكثر من كذا خلاص تعبت

كنافه ركزي معاي
رحتي بيت اهلك قعدتي يوم يومين اسبوع شهر سنه!!!
بهالغرفه الصغيره!!
شنو رح تستفيدين!!!؟
تنازلتي عن بيتك ومملكتك. وزوجك لامور بسيطه.. حلها سهل بشوية تنازل !!
وانت الادرى !! هل زوجك وبنتك يستاهلون تضحين فيهم !!!
اهلك اكيد بيستقبلونك بس لي متى؟؟ رح تحسين انك ثقيله وعاله عليهم!!
زوجك لاهو سكير ولا مدمن ولا خاين،، عشان تفرطين فيه بهالسهوله!!
الرجل لو طلق بسهوله رح يتزوج !! لكن المطلقه باولاد صعبه تسنح لها الفرصه بالزواج واذا حصل واح تقبل باي واحد!! اسمها تزوجت!!!
لا تاخذك العزه بالاثم وتخربين بيتك !! كلنا نغلط ونتنازل ،،، نشد ونرخي وهاذي هي الحياه!!
أإأذأإأ تحبين زوجك وبنتك حلي مشاكلك بدون تدخل الاهل ،،،،

__________________
اللهم احفظ لي زوجي وسخره لي واحفظ لي اولادي

لا تعتبين الباب وش تبين تفرحين الشيطان

معلش حبيبتي ... انتي قدها

اصبري شوي وان شاء الله بتسمعي منه اللي يطيب خاطرك ... المهم نفسيتك تجاهه تكون هديت لأن نظرتك لشخصه تنعكس بنظراتك وانتي تطالعيه ... يشوف فيها اللي ما تقوليه ويتصرف بناءا عليه .. ما يقدر يرد عليكي لأنك ما قلتي حاجة لكن يطلعها بتوترات واستفزاز
أحسك هديتي وان شاء الله لما يرجع بيشوف بعيونك نظرة حنونه ونظرة عتاب حزين وما راح يقدر إلا يقول كلمة تطيب خاطرك ... بس ساعتها حبيبتي أجلي المحاسبة والشروط شوي ... خلي النفوس تهدأ أكثر وتجاوبي مع مبادرته بكلمة طيبة بمقابلها تزيد المودة بينكم ... الحساب والعتاب لسه بكير عليه . لازم تمهدي الأرضيه بالأول حتى يتقبل وانتي كمان تتقبلي .

__________________

اختي كل الي يسويه زوجسش يبي يكسر كبريائش مو كرامتش في فرق بين الكرامه والكبرياء الكبرياء هي الغرور والانا الشموخ وعدم التذلل هو شعور الشخص الزائد عن امكانياته يهتم الشخص عن ذكر محاسنه ويغفل عن عيوبه جربي هالمره ومارسي كرامتك وتخلي عن كبريائش ماراح تخسرين ان شاء الله بس المشكله اشوفكم انتم الاثنين فيكم كبرياء زايد يمكن لتخليتي عن كبريائش هو بعد بيغير من نفسه

اشكرك اختي على هذا الطرح

لقد ابصرت لي سبب مشاكلي مع زوجي

هناك كثير من ردات فعلك تشبه ردات فعلي وسبحان الله مثلك ابدا بالمشاكل واتعجب من ردة فعل زوجي

جزاج الله كل خير ابصرت لي طريقي

احس اني اشوف نفسي فيج

ياربي يسخر زوجج لج ويهدي باله

تدرين اختي احسن شي تسوينه انج تمثلين دور المتألمة من نفسها وانها شلون غلطت بحق زوجها وان اللي تحب زوجها ما تتصرف مثل ما تصرفتي
وظلي سرحانه - بس مو بكآبة او نكد - واذا سالج شفيج طالعي في عينه بنظرة حب وقوليله ماكو شي هو اكيد راح يبعد عينه لان حبج راح يصيب قلبه وراح يهدا

حبي زوجج على كل ما فيه حبيه راح تلقين العجب العجاب
مشكلتنا نبي ناخذ بعدين نعطي والاصح ان نعطي وبعدين ناخذ
لي عودة ان شاء الله

__________________
لا اله الا انت سبحانك اني كنت من الظالمين

والله انا كل اللي اسويه الحين عشان احافظ على بيتي
لو براسي شر كان طلعت من قبل امس او حتى ماجيت
لكن واضح ان رجعتي هي اللي قوت باسه علي

وكيف اضحي بزوجي وبنتي
ليه مايصر هو اللي جالس يضحي فينا
هل لمجرد كوني امرأة يعني انا اللي اضحي واتحمل الاهانه

والان صار موقفي ممكن يفتح له باب للخيانه
انا ما اعرف ليه المرأة حقيره جدا جدا بهالمجتمع
وهذا اللي مخلي الرجال يتسلطون عليها بعنف


انا حزينه لواقعي وواقع كل اللي مثلي

انا الى الان ممهده له كل ابواب الصلح
جالسه بالبيت وقايمه بواجباتي كزوجه ومقابله بنتي

هو لو في راسه ذره عقل بيعرف يهدي الامور
انا من ناحيتي هديت
جالسه اتصرف ولا كأن صار شي
وهو وجهه كله بؤس وصاير اسود ومنصفق
وساكت طول الوقت

اما كبريائي فهو موجود
بداخي احتقره بعد تصرفاته.. واشوفه أخس الرجال
بس ابدا مو جالسه ابين هالشي ابدااااا
اكل واشوف التلفزيون واكتب لكم الخ الخ
وماحطيت عيني بعينه ابد

ما اقدر احب واحد حط من قدري قدامي وقدام نفسه والناس
ما اقدر احبه بعد ما سفل فيني ورفض اعتذاراتي
بعد ماجرحني بانسانيتي وانوثتي وطعن باخلاقي
هذي تصرفات عدو.. مايسوي كذا الا نذل ولئيم
وانا مصبرتني امور ثانيه.. والا بداخلي عايفته
للامانه هو على الصعيد الشخصي مافيه اي ميزه
قليل دين/ بذيء لسان/ شين/ تعليم متواضع/ عقد نفسيه

انا مستغربه اصلا وشلون ضيعت نفسي وقبلت اتزوجه
كان مصور لي انه انسان حنون وراقي ومهذب
ومع العشره انكشف القناع

انا الان معصبه ويمكن عشان كذا كلامي قاسي شوي
وهو تجاهله لي مخليني اكرهه اكثر واكثر

قلت لكم ما ابي اخسر بيتي بس
بيتي يا ناس بيتي والله احب بيتي
حتى لو اعيش فيه ارمله ماعندي مشكله
بس ما ارجع لغرفه صغيره

ي كنافه بالبدايه قلتلك
ركزي معي!!

ماقلت رح تفتحين باب لحيانة زوجك

قلت

زوجك مو سكير او مدمن او خاين عشان تتركينه بسهووله!!

هذا هو الرجل شئنا ام ابينا !!

طالما زوجي فيه صفات زينه يحق احافظ عليه !!

اكيد مافي وحده بنـْْ♡ـْْت كرام ترضى بالاهانه !!!

بَعَــ♡ـدْ مايصفى الجو بينكم .. كلميه وعاتبيه وقولي كل اللي بخاطرج واللي مضايقك !!
صدقيني ماراح تهونين عليه ورح يتجاوب معاك ،، هذا زوجك جنتك ونارك ،،، مٍْْـٍْْ♡̷̴̬̩̃̊ـٍْْنٍْْ كلامك شايفه انه زوجك يستاهل تصبرين عليه وتستميلينه وتعدلين سلوكه !!

زوجك يعاند وهالنوع مٍْْـٍْْ♡̷̴̬̩̃̊ـٍْْنٍْْ البشر مايحب النصيحه المباشره اللي تكون بصيغة الامر!!
ادعي له ان الله يهديه وذكريه بالله .. كثر الدق يفك اللحام .. هذا بخصوص الصلاة والاغاني!!


اما ترديد مجتمع حقير ووووو الخ!! هالكلام مايوكل خبززز !!
هذا واقعنا وانتهى!!!


لاخسرتي بيتك واستقرارك العاطفي محد بيفيدك !!
كلن عايش حياته بعلاتها ومتحمل!!!

المجتمع الحقير اظهر لنا رجال بهالمستوى !!! عليك باصلاحه وانتي ماشاءالله على حسب كلامك تملكين المقومات !!

__________________
اللهم احفظ لي زوجي وسخره لي واحفظ لي اولادي