الحمدلله وصلت بالسلامه لاهلي ولعيالي
حسبي الله عليه كارهته فيه بخل وقلبه اسود ويقلب الكلام
حتى العمره ماخلاني اعتمر عطاني بطاقة شحن وكانه جمره على قلبه وهو وعدني قبل مااطلبه بطاقة شحن يوديني للعمره
وطلبته يجيب وكانه موب راضي وبعدها قال يالله المدينه وقلتىابي عيالي انت ماتشتاق لعيالك وجينا الرياض
كارهته كل يوم كرهي يزيد عليه ه
فرق بينه وبين طليقي قبل ادمانه من تصرفاته التعبانه فيه فرق شاسع ويكذب
هذا اللي يصلي يسوي بزوجته كذا موتني من الجوع
ماالوم طليقته فيه وكان يسبها عندي ويقول فاهمه الدين غلط واكرهها واحس ماعليها قصور
مره مدحت اخته قلت اخواتك محترمات قال وش دراك عنهم حكمتي عليهم على طول

__________________
《اللهم استودعتك أطفالي الذي لا تضيع ودائعه》

انتي تقارني بينه وبين طليقك
عشان كده ما حبيتيه ‏

__________________




سبحان الله وبحمده ♥
سبحان الله العظيم ♡
♥♡♥♡♥

ام محمد مابديت اقارن الا من تصرفاته معي وعناده حتى اصدقاءه مع زوجاتهم ماشاء الله
هذا يساومني على كل شي
تخيلي رافع على صوت المسجل اغاني طبعا سيدي وقلتله قصر على الصوت شوي
قال حطي فاين على اذنك
وحطيت على إذني مانفع عنيد ويحب يضايقني
حتى ساعات نومه خفيف جدا وماينوم الا الصبح

__________________
《اللهم استودعتك أطفالي الذي لا تضيع ودائعه》

لاترجعين ..

اذا قلب تقول ماابا ارجع لزوجي .. خلاص لاترجع مافي شي بالغصب
انتي موب متقبله تصرفاته وسبق وحملتي اسم مطلقه وهو سبق وله تجربه الزواج فاشله
يعني حتى لو تفارقتم ماراح يكون شي جديد عليكم اثنينكم
وبالمره تكونين بالقرب من عيالج وبعيده عنه بترتاحين وهو بيرتاح بعد
( ماتحبينه موب متحلمتنه اصبح سيء بنظرج تسريح باحسان )
قرار اتخذتيه عن قناعه وفيه مصلحتج مايحتاج تشاورين اي مخلوق ولاتضيعين باقي عمرج في الحسره والقهر والضيم وتدفنين بنفسج تصرفي بناءا على قرارج و لانه القرار يخص المصير ومصيرج انتي تحددينه وبسسسس ...

حبيبتي انتي للحين ما شفتي خيره من شره لا تحكمي عليه من اكم موقف وانسي طليقك
فكري ميه مره قبل لتتكلمي ترى هذه تجربه ثانيه اعرف انها صعبه عليكي لكن يجب ان تحاولي التأقلم معاه شوفي الجانب الجيد وانسي الجانب السيء
وفقك الله

__________________
سبحانك اني كنت من الظالمين

جزاك الله خير تصرفاته نفرتني منه وعناده
تزوجت ابي السعاده وراحة البال ماتزوجت ابي العب لاني بحاجة رجل طيب وكريم وحنون هذا الي كنت اتمناه منه
كلامك جيد بنت ابو ظبي ويعطيج العافيه

__________________
《اللهم استودعتك أطفالي الذي لا تضيع ودائعه》

امي تفاجأت من شكلي تقول وجهك نحف
فيه عناد مو طبيعي يساومني على كل شي
حتى في الاكل ماشفت كذا مثله كل مجتنعي عند زوجاتهم ماشاء الله طيبين عندهم
حاولت اغيره ماقدرت صرت انفعاليه بسببه ويكذب واحيانا يتمنن علي دام هذا اوله ينعاف تاليه
الله يكتب الي فيه خير لي

__________________
《اللهم استودعتك أطفالي الذي لا تضيع ودائعه》

عندي تعليق بسيط اختي قلب مشغول
ياليت تكتبي النقاط الرئيسية الواضحة و القوية من انزعاجك كنه
اما خلط امور بسيطة لا تؤثر.فلن يفهمك احد.
فمثلا..نومه خفيف! وعلى شاكلة ذلك..الخ في مواضيع سابقة
تابعت موضوعك.لكن ارى الامر لا يصل للتفكير بالطلاق

__________________

مقهوره اختي اذا طلبته شي يقول انتي طمعانه فيني انسان دقيق جدا

__________________
《اللهم استودعتك أطفالي الذي لا تضيع ودائعه》

يمكن ما عنده
لساتك عروس اختي فخففي الطلبات
او قوليها بوقت مناسب..
....
لا زلت اكرر اختي اذكري النقاط الرئيسية الهامة و المصيرية و التي تزعجك
لدرجة الانفصال

__________________