rقبل ماارد يامصونات نفسى اعرف بتختفى تروحى فين
هو انتى عاوزه تسألى والناس تجاوب بعد كده تختفى ..
الحياه مشاركه واخد وعطا ولازم تدخلى تشوفى مشاكل الناس والردود عليها ايه ..
على العموم نرجع مرجوعنا لسؤالك ..
بتقولى خطبنى واحد
يعنى حصل خطوبه وهنا السؤال متاخر شويه ..
فارق السن عادى مقبول انما فيه نقاط نريد ان نستفسر عنها
عنده اولاد ولكن هل هو ارمل ام متزوج ام مطلق نرجو ايضاح ذلك ؟
ايضا نريد ان نعرف لماذا يريد ان يتزوج ثانية وما اعمار اولاده ؟
لماذا تخشين حدوث مشاكل مع ابنائه هل حدث اى نوع من النقاش معهم ؟
من اين اتى لك الفكر بان احد لا يبغاكى فماذا يريد الخاطب اذن اذا كان لا احد يبغاكى ..
هل علم بموضوع الحبوب وبماذا ستفسريه له ..
ما مدى ارتياحك له وقبولك لشخصيته خاصة انه مطوع ؟
ما رأى اخوتك بالخاطب هل يشجعوكى ام مترددين وتاركين لك حرية القرار ؟
انا كترت فى الاسئله لاجبرك على الحديث اكثر حتى نستطيع ان نقول راينا وان اختفيتى مره تانيه فلا تلومن الانفسك ..

بعد اذنك اخت فردوس
شفتى يامصونات الناس بتحبك ازاى وبقى ليكى صاحبات هنا
اوعى تقولى ماحد يبغانى تانى
واهى فردوس مدياكى رشوه اهه .. روحى عندها وحاترد على موضوعك ..
روحى عندها وفضفضى من غير مانرد عليكى ..
موضوعها جميل وحايفيدك ويريحك

اولا انسى موضوع طليقك ده تماما واللى قاله احنا بنصلحه
انتى مش اجتماعيه اه مش اجتماعيه بس ده مش غيب وله حلول واولها انك بقيتى تفضفضى معانا وتحكى وعلى قد ماتحكى على قد ماترتاحى وتسمعى اراء مفيده ..
عارفه يامصونات انتى لو حكيتى كل اللى جواكى واللى تحرجى حد يعرفه عنك حاتبقى جريئه وتعرفى ان اللى مكسوفه منه شئ عادى كلنا بنعمله وعندنا زيه
حتى الاكتئاب وانفصال الشخصبه كلنا مصابين به بدرجات متفاوته وحسب قدرة كل منا على الاحتمال ..
بالنسبه للخاطب هو مطلق فهل ليس عنده النيه للعوده اليها ام ماذا
ثم موضوع اولاده .. هل هو يريد مربيه لهم ام يريد زوجه يانس اليها ..
سيبك من كلام اخواتك وارميه ورا ظهرك
بس المهم تعرفى المعلومات دى وياريت الشوفه تتطور لمحادثه حتى تعرفى شخصيته ولكن لى سؤال
عموما هل تحبى المطوعين ؟

كويس انك بطلتى الحبوب والاهم انك تتغلبى على الاسباب اللى خلتك تاخديها
لو قالولك انك مش احتماعيه ولا اكنك سمعت حاجه وردى وده يضايقك فى ايه انا عاجبانى نفسى ومن وراهم اصلح نفسى واحده واحده ..
عندى زميلة بنتى رحت فرح اختها
اختها دى مطلقه بعد الدخول واخدت ولد عازب ويعمل طبيب بشرى
يعنى جواز المطلقه من اعزب ليست بدعه
حقيقى نسبتها قليله ولكنها تحدث
لذا لا تشغلى بالك قوى حاييجى اعزب ولا مطلق ولكن نصيحه خذيها كمبدأ
المطلق وعنده اولاد يجب ان تتريثى كثيرا وتعلمى الاسباب والدوافع لطلاقه وكذلك للغرض من الزواج ..
هو صاحب تجربه واكيد تجربه سيئه وكذلك مطوع يعنى يحمل فكر معين لذلك لا تتسرعى بالموافقه تحت ضغط العنوسه وتفشلى قتؤكدى للناس ولك ان العيب فيكى ..
خدى وقتك وهاتيلنا كل المعلومات علشان نساعدك