حاليا بأضمن بيت للاولاد و قبول دكتوراة

مشكلته مع ساهر كيف احلها له ؟

اللي كل شوية يقولوا انت اخدتيه لبلاد الغرب
جوابي :
ماحد ضربه على يده.. وقت تقدموا لي قلت لاخت زوجي انه مستقبلا ممكن اسافر اكمل دراستي برة
هما فرحوا انه فرصة تجي لولدهم يكمل دراسته

بالعكس.. سفره معايا كان ممكن يستغله لصالحه
و يكمل تعليمه

و جلوسنا هنا ماكان لصالحنا .. لانه كان بالحالة هذه عاطل و مفصول من عمله و المسجد

يعني كنا حنجلس هنا و انا كنت حاجلس اصرف

و سفري للخارج اجباري
و الدكتوراة اجباري

يبغى يجلس هنا براحته
خلي شيطانه يفيده و ينفعه

انا اعرف الزوجة مسكينة تظطر تسرق من زوجها لانه بخيل ويصرف برة على بنات الحرام اما الزوج اللي ياخذ وبدون ما تدرين
هذي قوية والله يا عصامية
الله يفرج همك امين
انا من راي مشكلتك كبيرة وعويصة ومتشعبة وبما انك موظفة لو تروحي استشارية اسرية تعطيكي خطة تمشين عليها
استخيري الله وتوكلي عليه

__________________
انا لله وانا اليه راجعون

متفائلة بالله
الشهر الي فات كان بشنطتي
500 كاملة

الشنطة كانت جنبه
جيت لقيت الفلوس اختفت

شنطتي هو يفتحها بطريقة اعرف اميزها فعرعت انه هو
كذب علي و قال طاحت منك اكيد

شنطتي تتقفل بحزامين لها ( تك تك ) ماعرف ايش تسموها ؟
هو ما يعرف انها تنفتح كذا
فيجلس يفك الحزام نفسه و مايعرف كيف يرجع يقفله
هو الحزام على شكل زينه

المهم اخدها

روح
لا تضيعي وقتك كثير

فرصتك الاخيرة - مادام الدكتوراه اجباري - انكم تروحوا تكملوا دراست( ـــكم )
راتب المبتعث حسب علمي مو بسيط ويقدر يشيلك فيه انت وأولاده
وانت روحي تدللي هناك وادرسي وقومي بمسؤولياتك- الانثوية - تجاه زوجك وأولادك

اشرطي عليه يكمل دراسته

لا تتعبي نفسك كثير بالتحليلات
انت عارفة مشكلتك وين متمحورة وبدقة

فركزي على الحل
وعلى الفرصة المتاحة لكم

انا اؤيد لكل شي حد
انك مستعجلة كثير , وهذا سبب تقلباتك المتقاربة

الله يفرج همك غاليتي
صدقيني حاسة فيك
بس جزء من الحل بيدك أنتِ مو بس بيد زوجك

__________________
الحمدلله الذي بنعمته تتم الصالحات

فاكهة .. عشان أخلص من إجراءات الإبتعاث يبغالي سنة تقريبا ..
عشان كذا بديت دحين بداية جدية بالمراسلة ..

أكثر شي ضحكني ( شر البلية ما يضحك )
أهل زوجي يبغوا يورثوني بالحياة ..

قلت لأم زوجي عن التمويل العقاري ، إنه في حالة وفاة اللي يدفع الأقساط
البيت ينتقل ملكيته ( للورثة )

قالت لي
( من جد ؟ و الله ؟ طيب حلووو )
و انبسطت ..

ما تقول الله يطول بعمرك ؟

بس ما راح أخليها تفرح كثير ..
و بأسجله بإسم أولادي بإذن الله ..

مرتاحة بردودك ونفسيتك اليوم أكثر من أمس .. الحمد لله
وبما اني ما عندي منهجيتك بالتفكير ما شاء الله عليكي فراح أجلس على جنب أقرأ واتطمن عليك مع دعواتي لك بالتوفيق
الله يرضى عليك ويتقبل منك يا رب

__________________

قراري الأخير بالنسبة للفلوس :

ما راح أساعده ( مادياً ) بمبلغ ثابت ..
يبغاني كذا ، حياه الله .. ما يبغاني .. حياه الله ..

.
.

و راح أستمر على طريقتي بالصرف معاه ..
أساعده بإني أشيل مصاريفي ، و مصاريف الكماليات ( فقط ) ..

.
.

فقط تعاملي بيتغير معاه للأفضل ..

.
.

لكن راتبي ، ماله دخل فيه .. لا هو و لا أهله ..
و مخالفات ساهر .. هو يسددها ..

.
.

المشكلة دحين بعد ما تصالحت مع أهله ..
كل مرة راح يرجوني ، و يطلبوا ( دين ) و ما يرجعوه لي ..

مو ناقصني ولدهم ، هما كمان ؟؟؟

دحين أخوه اتصل و طلب مني أعطيه فلوس .. و اعتذرت ..

و لسى أمه حتتصل و أخواته و أخوانه و خالاته و بناتهم .. إلخ
قال إيش ؟؟؟؟؟؟؟؟؟؟؟؟
أجيب لزوجي سيارة جديدة ؟
و أعطيه راتب 5000 كل شهر ؟؟؟؟؟؟؟؟؟؟؟؟؟؟؟؟؟؟؟

هبلة قالوا لهم ؟؟؟؟؟
بدل ما يقولوا أمها و أبوها ميتين نحن نوقف معاها ؟؟؟؟

.
.

* فلوسي لأمي و أبوي و أخوي ( الله يرحمهم ) أخرجه لهم كل شهر بإذن الله ،، و لأولادي و بسسسسسسسسس .. و لأهلي أنا فقط .. حتى لو كانوا زعلانيين الفترة هذه .. هما أهلي *

اللي مو عاجبه منهم .. يطق راسه ..

ما ادري بس حسيت اهل زوجك استغلاليين وجالسين يستغلوا فيكي استغلال عاطفي ومادي
ديري بالك
عن تجربة سنوات زواج
ما بينفع الوحدة غير صحتها وفلوسها
علشان هيك لا ترحمي حدا نهائيا حتى لو كانوا من المقربين منك

__________________
انا لله وانا اليه راجعون

متفائلة بالله ..

إيوة هما كذا ،، عشان كذا قاطعتهم سنتين .. و كانوا أكثر من كذا .. كان لسانهم طويل و يجرحوا ..
و كنت زمان صريحة و أتكلم بوجههم و ما أسكت ، ارد بإحترام و صراحة .. فما أخلص منهم و لا من المشاكل ..

بس دحين تعلمت كيف ( أقول كل شي .. إن شاء الله خير .. و ابشروا ) ..
و اعمل اللي براسي .. و تعلمت ( التغابي ) ..