هو يومياً بيقدم أشياء لي عشان يرضيني و يفرحني .. و يحاول قدر المستطاع ..
بس أنا ( نفسياً ) .. مختلفة تماماً ..

مو عشان الموقف الأخير ..
بس شك ، خوف ، عدك اطمئنان ، رغبة بضمان المشتقبل .. إلخ ..

هو يقول إنه مقدر كل وقفاتي معاه و تحملي له ، و تغييري له للأفضل ووووو إلى ما لانهاية ..
و يبغى يثبت إنه الآن ( مختلف ) ..

الله يبارك لك في رجاحة عقلك وثقتك في نفسك كلمه في سرك الزوجه الذكيه تعرف وش نقطة ضعف زوجها وتحولها في صالحها بحيث تكون نقاط قوه لها دايما اقول واكررررر استغلو السحر الحلال بكل هدوء تسيطرين عليه وهوراضي بعد
ومقتنع الله يسعدك ويوفقك

__________________
سبحان الله وبحمده ..سبحان الله العظيم

برافو عليك عصامية.... تعجبيني...

خليك على هذا المنوال و حقك خوذيه بدون اي استحياء او حياء...

و الفصل ي امور المادية طيب و حسسيه بالمسؤولية...

و عادة بعض من الرجال يتهربون من المسؤولية و يخافون منها و اماد اجزم بان المسؤولية هي القفص الذهبي الذي يقصدونه

الفكرة في جعل المسؤولية مححببة لدى الرجل بمكافئته على كل عمل بالكلمة الطيبة التعامل المريح و غيره

مثل الصلاة اولها صعب لانه تركها و هو كبير و لكن مع الوقت سيحس بالفرق

اسأل الله لك التوفيق يا اختي

استمري يا عصامية
وقلوبنا معك

كل ما قلتيه رائع وجميل
الا نقطة واحدة قد لا أوافقك عليها
نقطة الدفع بالمطعم والفصل بينكم وبينه
تجاوزي الموضوع ولا تتركي أثر نفسي عند زوجك في هذا الجانب
تذكري ان زوجك جنوبي وستؤثر فيه جدا نقطة الفصل
وقد تحبطه وتشعره بأنه منبوذ
نقطة البطاقة كافية جدا ليشعر أنه فقد ثقتك فيه

اما يدفع هو أو أنتِ وينتهي الموضوع
لا تجعليه يشعر أنكم كيان منفصل عنه كأسرة
لأجل أطفاله قبل أن يكون لأجلك
لا تجعليه يشعر أنه يسهل التخلي عنه
الجنوبي لا يعيش بدون أمان والامان عنده هو العاطفة

تحياتي لك يا غاليتي

__________________
الحمدلله الذي بنعمته تتم الصالحات

استشارة سريعة لموقف حصل امس

زوجي وقت كلمني على أساس يبغاني أرجع له و أضع شروطي ..

قلت له من ضمن الشروط ..

- ما أتحمل السهر ، و السهر لحد الفجر ممنوع .. لإني سكتت كثير و شفت النتيجة بالنهاية ..
- ما أعرف أنام لوحدي بالليل .. و هذه مو حياة ينام بالنهار و يسهر بالليل ..
- إنه لا يخليني أتحمل أي مسئولية لو يبغاني أعامله معاملة ( أنثى لزوجها ) ..
- إني ما أصرف أي شي و هو رجال البيت ..
- إني ما راح أصبر على أي ظرف بعد كذا ، لإني صبرت بما فيه الكفاية و شفت النتيجة ..
صبرت على جلوسه بدون عمل ، صبرت على غيابه بفترة الموسم و بالأخير راتبه يصرفه على نفسه ، و غيره ..

قال لي طيب ..

.
.

بعدها بأسبوع قال لي ، إنه الموسم بدأ .. و هو يحب شغلة الموسم ( لإنه يعشق العمل هذا و يلاقي نفسه فيه ) ..
و السنة هذه ( أعطوه ترقية فيها ) .. أفتكر السنة اللي فاتت ( كنت أشجعه بها .. و وعدوه بالترقية هذه السنة ) ..

المهم ، إنه الشغلة هذه مستحيل يتركها لو إيش ما صار ..
و أصلا أنا أؤمن بشغلة إنه الواحد لو اشتغل شغلة يحبها ( يبدع فيها ) و هو بجد يلاقي نفسه فيها ..
و أول مرة أشوف زوجي يحب يشتغل شغلة من قلبه .. و التغيير هذا بدأ يظهر فيه من العام السابق ..

.
.

المشكلة إنه الشغلة هذه فتراتها 3 ..
من 7 الصبح لحد 3 الظهر ،، من 3 لحد 11 ،، من 11 الليل لحد 7 الفجر ..

.
.

زوجي اختار من 11 الليل لحد 7 الفجر ..

لإنه كان يشتغل بشغلة مؤقتة ( ما يحبها و كان ناوي يتركهم من زمان .. بس خلاني حجة عشان يتركهم )
الشغلة هذه كان وقتها من 9 الصبح لحد 7 الليل ..

.
.

يعني المختصر ..

إنه زوجي كان دوامه من 9 الصبح لحد 7 المغرب ،، و من 11 لحد 7 الصبح ..
يعني ما راح نشوفه غير من ساعة بالصبح ،، و 3 ساعات بعد المغرب يادوووووب ينام و يرتاح فيها ..

.
.

اعترضت ..

دحين راجعة ، الغدا عالنار ..

اعترضت .. لإنه أبدا مو وقته و أنا بأمر بفترة ( زعزعة داخلية ) و أي هزة بتهدم حياتنا ..

قال لي : شغلة الموسم .. مستحيل أتركه ..
و الشغلة التانية لو تركتها ، فراح اجلس بعد الحج بدون ( وظيفة ) ..

إلا في حالة وحدة ..
ترضي لو تركت وظيفتي ، تعطيني كل شهر ( راتب كامل ) لحد ما ألاقي وظيفة ؟

قلت له ( كم يعني ؟ )
و كان كلامنا مو اتفاق .. مجرد أخذ و عطا ..

(( بس زوجي كذا دايما ، الكلام اللي يعجبه .. يثبته بمخه .. و اللي ما يعجبه يطنش ..
و الشي اللي أقوله حتى لو مزح ، يعتبره وعد قاطع ،، و هو الوعد اللي يعطيه بمواثيق - ينقضه من راسه ))

المهم قلت له ( كم يعني ؟ ) و أنا أقولها بتريقة ..

قال لي ( 3500 )

قلت له
( لا ياحبيبي .. 1500 إيجار البيت اللي وعدتني ترجعه لي كل شهر ،، يعني يصير 2000 ) ..

غيرنا الموضوع ..
على أساس إني رافضة حكاية الشغلتين هذه .. و ما خرجنا بحل يرضي واحد مننا ..
لإنه وعدني وقت رجعت له ، يعوضني و يثبت لي إنه تغير و إنه و إنه ..

فين طيب إذا ما راح نشوفه غير سويعات و مافي أي يوم اجازة كمان ؟؟؟

.
.

رجع بالليل و قال لي أنا لقيت حل خلاص ، عشان لا أخسر بيتي و زوجتي ..

قال ( راح أقدم على استقالة من الشغل حقتي عشانكم ) <--- و الله شكلهم هما اللي طردوه و يكذب علي ..
قال بأقدم على استقالة و شغلة الموسم أخليها بالفترة الصباحية ( عشانك ) ..

قلت له ( لا .. لا تخسر عملك و بعدين تقول عشانك ،، لإنك لو جلست بدون وظيفة بعدين أنا ما راح اصبر هذه المرة ) ..

قلت له ..
( خليك بالشغلتين و لا تتركهم .. بس بشرط .. لا تعتبر بعد ما تنتهي فترة الشهرين إنه الشهرين هذه
- راح تنسيني اللي صار- و تقول لنفسك .. خلاص الشهرين هذه تكون مداها نسيت و سامحت )

قلت له
( استمر بالشغلتين ،، و راح امشيها بالطول و بالعرض .. لكن لا تستنى مني أي شي بالفترة هذه ..
راح يكون جلوسنا مع بعض عشان الولدين .. بس بعد الشهرين راح اعتبر إنه اللي صار ،، توه صار ..
لإني ما راح أنسى من حالي بمجرد ما تخلص الشهرين و كله يعتمد عليك )

.
.

قال لي
( لأ .. إيش الفايدة ؟ )

و طنشني و راح تاني يوم و قدم استقالته من شغله ..
( مع إني أشك أصلا إنه قدم استقالته ، أظن هما طردوه .. بس بيعمل حاله إنه عشان عيوني استقال ) ..

.
.

للأسف ..

استقال - مثل ما يقول - .. و شغلته تبع الحج .. جلس دوامه فيها بالمساء من 11 لحد 7 الصبح ..
يعني ما استفدنا و لا استفاد شي من تقديمه للإستقالة ..

(عشان كذا ماني مصدقته ، و يزعل إذا قلت له أصلا هما فصلوك .. لإنه كل مرة يقول لو ما أحبك ما كنت استقلت عشانك)
لو صحيح استقال و يحبني - كما يدّعي - .. ليش دوامه التاني ما زال كما هو بالليل من 11 لحد 7 ؟؟؟

شايفني ( جحا ) ؟؟؟؟

.
.

المهم ..

استمر 6 أيام تقريباً و هو يداوم لحد الفجر .. و في الليل أنا ما أنام و ولدي تعبان من 4 أيام ..
و بالصبح أروح شغلي و ارجع و هو في الصبح يروح يخلص أي أشغال حكومية أو أي شغلة ..

لحد يوم أمس ..

أحط الغدا .. معليه ..

معليه تأخرت ، بس بأكتب على عجلة ..

كريستالة ،،
وظيفته حقة الموسم هذه من قبل الزواج و هو كل سنة يدخل فيها ..
السنة اللي فاتت ( عشان كان بيثبت لي إنه تغير و إنه تحسن و بدأ يهتم جديا بعمله .. قام اترقى فيه )
فرافض يضيع تعب سنوات لحد ما وصل للمرتبة هذه ..

و هناك المسئولين مرة مبسوطين منه و من شغله معاهم ..
و دحين رشحوه يدخل لدورة ، و جاب الشهادة لي قبل كم يوم و مرة ( مفتخر بنفسه ) ..
و مدحته و قلت له عقبال البكالوريوس ..

أما الوظيفة المؤقتة هذيك ( بيني و بينك أنا كنت كارهتها لإنه من الصبح لحد المغرب و هو مو مرتاح فيه أصلا )
بس ما عمري تكلمت و لا قلت له ماهي عاجبتني الشغلة هذه ..

بس نشوف بعد شهرين ..
لو ما لقي وظيفة ( ما راح اتحمل ) ..

.
.

المهم ..

طبعا من تقريبا 6 أو 5 أيام .. أتوقع فلوسه خلصت ..
و أنا مالي دخل فيه ..

صح صرف علينا و سفرني مكة و تمشينا و ما قصر معانا ..
بس مالي دخل ..

هو أظن اتوقع إني راح أساعده .. بس قلت له بصريح العبارة ..
( لا تتوقع أي قرش راح اصرفه )
و شافني رحت البنك و معاملتي تغيرت له و غيرت الرقم السري للبطاقة و ما أخليه يسحب لي ..

.
.

المهم ،، وعدني إنه الأربعاء خلاص بيتغير دوامه و يصير من 7 الصبح لحد 3 الظهر ..
يقول ( عشانك ، غيرت الموعد .. عشان لا تجلسي لوحدك بالليل ) ..
و كان كل مرة يقولي استني و اصبري ..

أوكي ، جاء الربوع .. و صار دوامه الصبح .. عشان قام بالتبديل مع صاحبه بشكل مؤقت ..
بحيث إنه زوجي لو لقي ( وظيفة تانية بالفترة الجاية ) يرجع دوامه اللي بالموسم لليل ..

لحد هنا كل شي تمام ..

أمس قال لي إنه صاحبه طلب منه يغطي عنه من الساعة 11 الليل عشان عنده ظروف ..
فقال لي زوجي أمس بس أروح اغطي مكانه من الساعة 11 لحد 1 و ارجع البيت ..

صارت الساعة 2 الليل و دقيت عليه و كان بالعمل .. قلت له تأخرت ؟
قال لي طيب بالطريق دحين أجي ..

صارت 3 و دقيت عليه و لسى بالعمل .. و قلت له ،،
شووووف ،، لحد هنا و كفاية ..
ساعتين ، صاروا 5 ساعات ..
و ما تجامل صاحبك على حسابنا نحن ..

وعدتني اصبر على دوامك اللي بالليل لحد الربوع ،، جاء الربوع و رحت مسكت مكان صاحبك كمان بالليل ؟
و بعدين .. فهمني و بعدييييين ؟

رجع 3 و نص و جاب برجر .. عشان ولدي كان جوعان ..

جا بيكلمني و أنا مطنشة خلاص و مقفلة معاي ..
ناداني و قال بأتكلم معاك ..

جلس يتكلم ( كان جاد وقتها .. و أعرفه لما يكون جاد بكلامه ) ..
و هو قال
( إنت تعرفيني لما أكون جاد بكلامي و بنفسك قلتي مرة .. مرات تتكلم و تكون أعقل واحد ،، و مرات أحسك بدون عقل )

قلت له طيب تكلم ..

قال لي:
شوفي فكري معايا و كلامي دحين كلام عقّال .. و أنا وعدتك إني تغيرت .. بس افهميني ايش بأتكلم ..

أنا تركت وظيفتي هذيك عشانك ، و لإنك ما تحبي تجلسي بالليل لوحدك ..
و بنفس الوقت وظيفتي هذه مدتها - شهرين - و الراتب حقهم باستلمه في بعد 4 أشهر ..

إنت ما تبغي شغلة بالليل ، و نفس الوقت تبغيني اصرف عالبيت ..
طيب أنا ما معايا فلوس دحين ، و إنت ما راح تساعدي بأي قرش ..

قلت له
( إنت تعرف إني ما عمري اقصر و وقفت كثير و السنة اللي فاتت مثل هالوقت تحملت و شلت كل شي عنك ..
و بالأخير بعد ما أخدت راتبك .. قلت لي مالك دخل براتبي و رحت صرفته .. و شفت جزاتي بالأخير ..

فلا تلومني .. )

قال
( أنا ما أبغى قرش منك ،، و أنا لو طمعان كنت من يوم ما قلتي بأسدد عنك مخالفاتك ..
كنت على طول وديتك للبنك .. بس أكثر من 5 مرات قلتي لي و طنشت و لا كأني سمعت ..
عشان أثبت لك إني ما أبغاك عشان الراتب و لا الوظيفة .. أنا أبغاك عشانك إنت ..

و لو أنا بايع أو بألعب .. بدل البنت ، 20 وحدة ممكن )

قلت له
( و إنت بدالك مية واحد ) ..

قال لي
( طيب .. أنا بأبين لك إني ما أبغى منك شي .. بس إنت قلتي هذاك اليوم لو تركت شغلك ..
بتعطيني الراتب اللي استلمه هناك لحد ما ألاقي وظيفة )

قلت له
( أنا ما قلت و كنا وقتها بنمزح ، و حتى ما كملنا كلامها )

المهم ..
عشان لا نقول قلت و ما قلت ..

قلت له
( شوف .. لما مرة تانية نتكلم بموضوع .. ما تقوم غير بعد ما تسأل - إيش قررتي - ؟؟؟
مو الكلام اللي يعجبك تاخده تخليه قرار و وعد و اللي ما يعجبك تنساه ؟ )

قال لي
( طيب من دحين راح أطبق الشي هذا .. )

قال لي
( لا وظيفة بالليل تبغيني أداوم ،، و تبغي اصرف عالبيت دحين و راتبي بأستلمه بعد 4 أشهر ) ..
الحل ؟؟؟

قلت له :
شوف .. أنا دحين متوترة و تعبانة لإني من كم يوم ما بأنام و بأسهر بسبب دوامك اللي بالليل ..
فما راح أقدر اقرر ..

بس حالياً ، إنت وعدتني اتحمل لحد يوم الربوع و تصير وظيفتك للصبح ..
خلاص تنفذ وعدك اليومين هذه و تجلس معانا و تعوضنا عن الكم يوم اللي تحملته لحد ما أهدأ ..
مو لما الربوع يجي ، تقول لي الكلام هذا ..

.
.

قال لي :
على بالي إنك راح تساعدي و تنفذي وعدك من غير ما أتكلم أو اطلب ..

قلت له
أنا ما وعدتك بشي ، و الشي هذا مرفوض ..
إنت الرجال و إنت المسؤول ..

.
.

المهم ..

قال إيش قررتي ؟

قلت له :
1. السبت ارجع لدوامك اللي بالليل .. و بالنهار روح دور على وظيفة ..

2. بعد شهرين لو ما عندك وظيفة ، لا تتوقع إني بأصبر مثل زمان ..
* قال عشان كذا لازم استغل الفترة هذه و أدور عن وظيفة ، و أنا اليوم تأخرت بالعمل لحد 3 الليل .. لإنه الرئيس كان بيكلمني
و طلب إني أجيب له السيرة الذاتية يقدم لي بالعمل عنده ..
قلت له : و لو قلت لي كذا وقتها .. ما كنت راح افرح لك و اتفهم سبب تأخرك ؟
قال لي : اعطيتيني فرصة اتكلم وقتها ؟

المهم ..
3. دام إنك بترجع تداوم بالليل .. فإنت تتحمل كل مصاريف البيت و ما تخليني اتحمل أي شي ..
إنت الرجال و إنت المسئول .. و لا تستنى مني شي ..
* قال لي ( موافق )

4. خلال الشهرين هذه ( و بسبب عملك بالموسم ) .. أنا بأروح و أجي لعملي مع السواق ..
مالك دخل فيا ، أعيش حياتي الشهرين هذه و أبدأ أراسل و لا تتدخل فيا .. المهم تعدي الشهرين بالطول و بالعرض ..
لك مكان تنام فيه ، و الأولاد عايشين ببيتهم و مستقرين و ما تقصر معاهم بأي طلبات مثل مستشفى أو غيره ..
و لا تنتظر مني أي شي .. و لا تزعل لو شفتني قالبة وجهي .. لإني قلت لك دوامك بالليل يتعبني ..

5. بعد الشهرين هذه ، لا تعتبر اللي حصل إنه ( انتهى ، و أتنسى ) مثل ما قلت قبل .. الجرح بيظل مفتوح ..
الشهرين هذه بسبب عملك بالموسم ، راح تمشي بأي طريقة .. بس عشان الأولاد و عشان تنتهي من شغلك ..
بسسسس .. بعدها ..
( قال أوعدك كل شي بعد شهرين راح أحققه لك مثل ما وعدتك و أنا مقدر تغييرك و متفهم كل شي و لإني أستاهل ..
و راح أنسيك كل شي )

.
.

المهم ..

قال لي أروح أتعشى معاه .. ( طبعا سحور صار ،، مو عشا )
جالسة أتعشى و كان بيتفرج على فيلم ،، انفتح موضوع و أنا بأكلمه افتكرت موقف (( و ضحكت وقتها )) ..
طبعا أنا من زمان ما ضحكت أبدا .. و كل اللي بالعمل معاي يقولولي ( فيه عندك شي تخبيه .. لدرجة الأربعاء مسكتني
وحدة و جلست تسألني .. أولادك كويسين ؟ بيتك كويس ؟ عيلتك كويسين ؟ شكلك مو عاجبني أبدا .. إنت تعبانة مرة )

زوجي شافني ضحكت و انبسطططط و قال شوفي كيف لما تضحكي كل شي يتغير ؟

بعدين وجهه تغير و خشمه تحمر ..
تأثر من شي ؟

مسكته و قلت له ( ويي حبيبي جالس يبكي ، إيش فييييييه ؟؟؟؟ )

المهم ..
( قال نفسي ترجعي تضحكي مثل زمان ، و نعيش من غير مشاكل .. فرحت يوم شفتك تضحكي أخيراً ) ..

.
.

هذا اللي صار أمس ..

و جلس معايا صاحي لحد الساعة 6 عشان يتأكد إني ماني زعلانة ..
و صحي ولدي الصغير ، قال لي زوجي نامي و هو نيم ولدي و بعدين راح شغله عالساعة 7 ..

.
.

و دحين و أنا بأكتب ..

جلست أفكر ..
ليش طيب ما يخلي شغله اللي بالموسم من الساعة 3 الظهر و لحد 11 الليل ..
و يصير من الصبح يلف عالدوائر الحكومية و يدور له على وظيفة لحد الساعة 1 الظهر ..
نتغدى الساعة 2 أو ينام من 1 لحد 3 .. ؟؟؟

.
.

بأقترح عليه دحين ..

معليه ، أنا ما عاد لي طاقة افكر بشي ..
فأكتب هنا ، عشان مخي ( متوقف ) عن العمل ..

.
.

أم عبد الملك ..

أنا بجد ما صرت أدخل للمنتدى مثل زمان ،، و لا أدخل أي موضوع إلا بالنادر ..
لإني مليت من المشاكل الزوجية ..

و عادي صرت مثل زوجي ، أقول له كلمة و بعدين ( أقول له .. وي ما كان قصدي ) ..

منها كمان ..

أنا خلال الشهرين هذه ،، أبغى اتفرغ لنفسي و أبغى أجلس أراسل عشان الدكتوراة ..
و أبغى أتفرغ لعملي شوي ،، لإني من يوم داومت و أنا مهملة الصراحة و لا أدري عن شي ..
و أبغى أروح أسواق و أغير كل ملابسي ، و أبغى أقرى بالدورات هذه ..
و أبغى أفكر مع نفسي ..

يعني حتى أنا مستفيدة من الشهرين هذه ،، و أحسن يكون بعيد عني شوي ..
بس ما قلت له طبعا .. عشان لا ياخدها حجة له ..

.
.

فيه شي حابة أقوله ..

زوجي ما عمره ( كان كذا ،، يجي يطلب مني اجلس و أتكلم معاه ) ..
كان دايما يتهرب و يطنش و لا يسمع و لا يتكلم

ماشاء الله عليك تعجبيبنى وربى يوفقك

__________________

خليك زي ماانتي ولا تتنازلي عن اي حق يخصك وخليه يتحمل مسؤلية قراره.

__________________

عصاميه
انا على عجاله
بس عندي سؤال
شلون يترك وظيفه اساسيه عشان وظيفه موسميه تنتهي بانتهاء موسم الحج !!

وبعدها بيقعد في البيت؟

اصري عليه يرجع يسحب الاستقاله ويرجع يداوم زي ما كان
او يدور وظيفه ثابته ثانيه

ابو طبيع مايخلي طبعه هذا هو ترك وظيفته وين الوعود وين الشروط