بما ان الجو وايد حلو تمنيت اتمشى تحت المطر لحالي استمتع بجمال الجو والطبيعة ولكن زوجي بيرفض
وتمنيت لو كان عندي صديقة مقربة ازورها او تزورني ونطلع نتمشا
وتمنيت لو اهلي جنبي ازورهم ويزوروني

ولما اطل من الشرفة اشوف الناس رايحة جاية مرات اتخيل امي الحبييبة واقول بنفسي ااااه لو اشوفها مجرد شوفة مارة على الطريق هذا يكفي لان ينقص من لوعة شوقي لها

اصير اتخيل اتخيل لبين ما تدمع عيني وخلاص اطرد هذي الافكار وانشغل بشي
انا واااايد مشتااقة لها والدليل اني الحين بكتب وابكي من كثر شوقي لها

معذرة بس الغربة والبعد والزعل بيني وبين زوجي خلا المنتدى والنيت اكبر متنفس لي احكي فيه معاناتي

عادي ا قلوب فضفضي لنا علشان تطلع الطاقه السلبيه و تنتعشين من جديد...

ما شا الله يا طباخه مسويه حلويات بكميات... ريحتي نفسج يا حبيبتي...


انا طالعه لشغله عندي... بس ما ابيج تستسلمين لمشاعر الحزن.... المطر فيه اشيا حلوه فيه التفاؤل.... المطر فيه الرحمه... فيه الابواب المفتوحه للدعاء..... ادعي كل اللي في خاطرج اثناء نزوله كل شي تبينه و ان شا الله راح يستجاب الدعاء

دعيت كثير وربنا يستجيب

قلوب تعرفين متى بيكون الإختبار الكبير؟؟ يوم بتطلعين معاه و تشوفينه يناظر الحريم... تصرفج في هذه اللحظه شو؟ هني الإختبار بيكون لج.. هني هو بيعرف إذا تغيرتي فعلا او لا...

الرجل بطبعه بصري و راح يتلفت حوله... صحيح انه يطول النظر مب حلو... و لكن نظرة عتب بسيطه منج و بعدين امشي عادي.. مب لوي بوز و تكونين مب طايجتنه... يعني التصرف حسب الموقف يكون...

هي مجرد نظره.. ما تعني انه ما احترمج او ما يحبج (هذي كلها حجج ابليس في راسج)... مجرد نظره و تروح... هل انكد على نفسي بسبب هالنظره... لا طبعا... احنا بنخلي التصرف ثاني.. مجرد نظرة عتب...

حببيتي النظرة اللي نظرها واللي كانت السبب اللي وصلنا لما نحن عليه ممكن تقوبي اني نسيتها وما عاد افكر فيها

المشكل الحين واللي مزعلو عليا هو انفجاري الاخير وعصبيتي عليه هو ما يبي يفهم انها ردة فعل

وانا ما ابي اعتذر او اتنازل او اصالحو لانو السبب ومن جهة اخرى لانو مااا يتقبل الاعذار
فقلت خللييه لبين مااا يطيح اللي براسو ويبدا يتكلم
ماني مستعدة اروح افتح معو الموضوع وابكي عليه ويجرحني ويقسو عليا

الوضع الحالي اللي انا فيه اهون من اني اروح ابكي ويقسو عليا

ما ادري اذا فهمتي علياا

المهم انا مخلليتو على راااحتو ومصيرو يحكي ويرجع

وبنفس االوقت حيشوفني مو زي العادة ارووح ابكي عليه وافتح معو الموضوع

انا فاهمه عليج... بس انا اعطيج تنبيه للي ممكن يصير بعدين..

هو معتبر اللي صار من النظره.. لأن الحقيقه هي كلها تبعات لها... فهو راح يجرب حظه مره ثانيه... في عقله الباطن..

قلوب+نظره= انفجار

قلوب+انفجار=بكاء

و احنا نبي نغير هالمعادلات

حببيتي انا اتمنى ما يكررها ويطول النظر في اي حرمة ولو طولها وانفجرت رح تعني اني ما تعلمت من الدرس

ورح تعني يا حبيبتو انو هو كمااان ما تعلم من الدرس

لازم انا احاول وهو يحاول وما يحطني بمواقف تفجرني عليه

ايش تنصحيني اسويه الليلة بعد ما يجي

طيب خلينا نفكر في أشيا تقضين فيها وقتج و هو مب موجود:

1- حمام السبا (مره في الأسبوع)
2- الإهتمام بالبشره (مره في الأسبوع)
3- قراءة مجله
4- قراءة كتاب
5- متابعة برامج على اليوتيوب (هذا راح يفتح المجال لج للحوار معاه في اشيا مختلفه في هذه الحياه)
6- محادثة الأهل و الصديقات
7- زيارة الجارات
8- الطبخ
9- ارسال رسائل بسيطه له على الموبايل
10- تعلم اشغال يدويه
و انتي للحين ما قلتي لي شو هي هواياتج...

قلوب الصمت المشغول ما نقدر نستمر فيه طول العمر.. الصمت المشغول نستمر فيه لمدة بسيطه بس و أيام معدوده... و بعدين لازم شوية حوارات...

انتي خلي الحوارات تطول معاه شوي...

إذا هو سأل سؤال.. جاوبي على قد السؤال و بعدين من هناك اسألي سؤال ثاني... يعني هو يالس يفتح الباب شوي و انا ابيج تمسكين هذا الباب وتفتحينه أكثر...

الصمت ما ينفع بدون خطوات أخرى... و الرجال بالهم طويييييييييييييييييييييييييييييييييييييييل في الزعل... صحيح احنا ما نبي نتنازل... بس نقدر نخلي دفة الحياه تمشي بطرق أخرى....

عاد تراهنيني ان المره اليايه اللي بيطلع فيها راح يناظر وحده و يطول النظر بعد...

انا اراهن مليون بالميه انه راح يسوي هالشي... هو يبي يشوف هل هي فعلا راح تنفجر بسبب النظره او راح تتصرف بالطريقه الجديده..

انتي بتزعلين... بس بأسلوب جديد... بدون اسلوب الإنفجار ... عطيه نظرة عتب... و ممكن تحركين اصبعج. تعرفين حركه "لا" اللي نسويها للأطفال... أسلوب لطيف و بدون صراخ.. و بعدين تعدين الموضوع عادي.. و إذا حاول يراضيج تقبلي الموضوع منه.. و امشي و لا كأنه في شي صار...

احنا ممكن نقلب الموضوع لصالحنا و نخليه ينحرج من نفسه بدون انفجار...

دانه اشوف اسمج موجود...

بليز عطينا رأيج...