الخيانه ..
جرح غائر لن يندمل ولن يغتغر ..
هذه سنة الحياة ..

ولعظمة الفعل تجد الشرع امر بغض البصر ..
ادنى خطواته ..

وزوج او زوجه ..
حينما يصبر و يعفو فهو من اجل امور دنياه
كرحمته بإطفاله .. او رغبه في ستر حاله وبيته عن الناس او او ......الخ

لكن ؛؛ ذلك الشخص الذي اخطأ وعصى و احاد عن جادة الصواب ..
لماذا لا نسعى للعفو عنه والصبر على مصابنا فيه والعمل على تعديل سلوكه ..
ونجعل ذلك عملاً خالصاً لوجه الله .. ونكسبه لصالح المسلمين ..

يحزنني جداً عظم سلبيتنا حين نواجه اخطاء اقرب الناس لنا بقطعه
ليكون ميتاً او جرثومه موبؤه ..
عاقب وعاتب واضرب ... ولكن من اجل إصلاح الحال و الهدايه ..
وتصور انها اخت لك او ابنه تشفق على حالها و يهمك امرها ..

اجبر الله مصابك وعوضك خيراً مما تظن
والله يهدي زوجتك و يصلح حالها

__________________

يُمنع ؛؛

20 ـ النقد غير الموضوعي الذي يوجه لذوات الأعضاء, أو التعرض لهم بالتجريح
أو الجمل الاستفزازية والتهكمية.


الإشراف

تعقيب بسيط ..

الحديث لا يصح

فقد رواه ابن النجار والديلمي عن أنس بن مالك ولفظه: من زنا زني به ولو بحيطان داره.
إلا أنه لا يصح بل حكم عليه الألباني رحمه الله في السلسلة الضعيفة بالوضع،،

ومن تاب ،، تاب الله عليه ..

وقوله تعالى: {وَلَا تَزِرُ وَازِرَةٌ وِزْرَ أُخْرَى} [الزمر: 7]

ويمكن زوجته تتوب وتكون خيراً من الف رجل صالح عند ربك ..

__________________

أولا اخي الكريم اسمح لي ان ارد عليك ...

كلامك هذا غير مقبول نهائيا ً نحن في المنتدى نحترم بعض على أساس اننا اخوان ونعين بعض
ونحاول نحل مشاكل بعض ... وكل واحد مسؤول عن رده في النهاية ، طبعا كل واحد بالتأكيد
يحاول ان يحل المشكلة بطريقته وبخبرته ولا احد يلوم اي شخض في رده نهائيا ً لانه يرى ان هذا
الحل هو المناسب ،، ولكن بدون تجريح يا اخي الكريم وبدون انتقاص من احد سواء ذكر ام انثى ...

ثانيا ً صاحب المشكلة المفترض انه يوجه له نصيحة اخويه تؤخذ بعين الاعتتبار من قبله هو شخصيا ً
لأن المشكلة تخصه هو ولا احد غيره ، ومو من المعقول انك تجي انت ولا احد غيرك ويقول ياخي طلق
وجا الثاني وقال ياخي طلق احسن لك وجات الثانية وقالت ياخي طلقها ،، طيب وبعدين ؟؟ أنتم حليتوا
المشكلة الحين يعني ... ؟ طيب طلق وراح كل واحد في طريقه والبنت المسكينة بتروح هي الضحية
كل يوم في المحكمة وانواع الجلسات سنه ولا سنتين علشان الحضانه ... في النهاية محد منكم حل المشكلة
لأخونا الكريم ...

اتمنى من كل قلبي اللي بيرد مثل هالرد ياليت والله يسكت احسن له لأن خراب بيوت الناس حرام ..
مو لعبة كل شوي طلق وطلق ،، صارت البيوت كلها مطلقه ولافيها احد والضحية الأطفال ...
والمتسبب هم ضعاف النفوس الي لو مايعطي رأية يمكن افضل بكثير وتنحل امور وتتيسر ...

تقبلوا مروري واسف على الإطالة

يااااااارب يستر على كل بنات المسلين ويهدي بال كل الأسر ويهدي النفس الأمارة بالسوء

قبل ما تعاقبها اسال نفسك وش اللي ناقص فيك وخلاها تكلم غيرك ! وبنفسك اعترفت انك ماتحبهاااا وهل العاطفه امر هين ؟ انت اصلا لو ما تعطيها الا اقل القليل ومغرقها حب راح تشوف انها ماتبي شي من الدنيا كافي عليها حبك وحنانك احنا الحريم اقل كلمه تكفينا عن الدنيا ومافيها بس انت للاسف ماعفيتها عاطفيا وانت اللي حديتها تكلم غيرك. !

سامحها وعطها فرصه وقبل ماتحاسبها حاسب نفسك بعد.

هذا راي والله يهديك ويسعدك يارب

احترم وجهت نظرك ولكني عندي تحفظ على بعض ما قلت..
اخي تبنى البيوت على ميثاق غليظ (متين) كتاب الله وسنة رسولة.
أخي المراءة التى لم تعرف كيف تحفظ نفسها من الفتن وهي محصنة
اكرمها الله بزوج وبيت وذرية ومع ذلك تتجة للحرام.
كيف بالله تأمنها على تربية اولادك كيف يمكن لرجل شريف
ان يتشرف بان تكون أم لاولادة ..

الحين لو رجل هو اللي له علاقات بالتلفون كانت معظم الحلول بتقول اصبري يا حرمه... و انتي عوضيه يا حرمه و اكيييييييييييييد العيب منج يا حرمه و ووووووووو.... بس لأنها حرمه... ما راح أزيد في الكلام لأني صدق انقهر من هالمواضيع...

أخوي صاحب المشكله... تعرف وين القهر... انك استهنت بتصرفاتك قبل الزواج... و كلمت بنات... نسيت ان هالبنات هن اخوات رجال غيرك و بنات رجال غيرك و عرض رجال غيرك... بس الحين حسيت بالقهر لأن زوجتك كلمت رجل...انا ما أبرر تصرفاتها و لا غلطتها لأنها غلطت... و لكن غلط عن غلط يفرق... انت قريت مسجاتها له و لو كانت المسجات فيها شي جنسي كنت راح تذكره في سياق كلامك... بس حسب ظني ان المسجات عاطفيه مب جنسيه...... و وااااااااااااااااااضح تقصيرك العاطفي اتجاهها... الأشيا الماديه ما تغني عن العاطفه يا خوي.... و الشيطان شاطر يزين الرجال لها مثل ما زين البنات لك قبل الزواج...

عموما الرجال يجنون يوم يعرفون عن هفوات نسائهم... و يعطون اعمارهم مليووووووووووووووووووووون عذر لهفوات و كبائر تصل للزنا... و يطلبون المغفره و السماح... بس لأنها امرأه فالكل راح يجهز لها حبل المشنقه على طول... و يقولون اختلاط انساب حتى لو كانت مجرد مسجات عاطفيه غير جنسيه ما وصلت للزنا الجسدي..

الله يختار لك اللي فيه الخير...

اتق الله يا اخي وقول خير او اصمت !
اتحداك تقول هالكلام لو كانت صاحبه المشكله زوجه كاتبه ان زوجها يكلم وحده


والا الشرف والاخلاق على الحريم والرجال مرفوع عنهم القلم.


عفو تعف نساؤكم! اساس المشكله اصلا الرجل واهماله وتقصيره مهب الحريم. لو كان محتويها وكافيها ماكلمت غيره. هذا لو ما كان اصلا ظالمها.

اتق الله وارحمو من في الارض يرحمكم من في السماء

شكرا لردك اخي المتفائل بالله
ولك الاحترام بالمثل
..
لكن لازلت برأيي
عاقبها و سامحها
لاتطلق
خصوصا انك اعترفت...انها تعرف انها لا تملك الصفات التي تحبها!
،وكنت تكلم
قبلها!!
..
اخي الكريم..وبصراحة
انت..لا تستطيع مسامحتها
لأنك لا تحبها
ففراقها عادي
..
اعطها فرصة اخيرة.على حسب الرسائل..و على حسب
اظهارها
للندم
ارجوك فكر
وهذا الموقف لا اعتقد يرمز للدياثة
وليس فعل الأعرابي بحجة..في هذه المواقف

__________________