رد : خساره يازوجي ,, بيطلقني عشان ماضي؟
الرجل دا يتصل يتكلم كلمة ويسكر وخلاص محسب إنو الحق معاه و لو حتى لو إنو غلط على الكبار عادي
أنا أشوف إنك دحين تاخدي جوالك وتقفليه وتعطيه لأبوكي مقفل وتقوليله لا يعطيك الجوال لو إيش ما صار أو ضعفت ولا تحلولي بأي شكل إنك تتصلي بزوجك مهما صار وخليكي على كده فترة وحتى لو طالت ل3 شهور أو أكثر وفي أثناء هذه الفتره إلزمي صلاتك ودعائك وإستغفارك وصدقيني رح يتجنن ويجيكي ويحاول يكلمك ويوصلك بأي طريقة وخصوصا كلما دخل على الواتس اب ولقاكي أوفلاين حيصير عقلو ياخد ويدي يبغى يعرف أمورك بس الطريقه هادي يبغالها صبر وقوة إيمان شديده
ولو كنت بنت أبوك صحيح إذا أتصل على البيت لاتردي حتى ولو أبوكي ناداك وقلك كلمي زوجك خلاص صفية النفوس أشريله ولا تخلي زوجك يسمع صوتك وقوليله خلاص يا أبوي أنا ما أبيه ما أحس معه بالأمان خوني أول كل الناس وهو أقرب الناس كان المفروض يسكتهم مو يوقف مع الناس ضدي كل ما أحد قال عني حاجة صدقه وكذبني ولا تكلميه لفتره من الزمن ولو طالت لأن الطعن بالشرف أسوء صفة في الإنسان فكيف ولو جاءت من الزوج أعتقد إنها مصيبة ولو لم تفعلي ذلك سيذكر لك هذا الموضوع طالما حييتي
أسأل الله أن يهدأ سرك يارب