بسم الله
درن درن ابدخل ع طول بالموضوع

ابعرف هل البنت تفقد الثقه في خطيبها او زوجها اذا فضفض لها بشي متضايق منه او كان هو محتاج لها بشده او نقول تصير ماتستططيع تفضض او تشكي له لانها ماتحس انه راح يساعدها ع قولتهم( فاقد الشي لايعطيه) وسبب سؤالي امرين :::
لاني وايد متضايق ونفسياتي تعبانه حيييل ودي اطلع اللي بصدري والوحيد اللي ارتاح له خطيبتي؟؟؟

والثاني انه ولد عمي متزوج قريب وحس انه زوجته ماصارت تفضض وتطلع اللي بصدرها مثل اول وبعد محاولات معها ليه ماعدت زي اول قالت انت دايم تشكيلي وتطلع اللي بصدرك واحس انك ماراح تقدر تساعدني فانا مابي يصيرلي مثل موقفه لان خطيبتي وايد حساسه وانا معودها انها تفضض وتحكي وانا اسمع واكون معها

هل اغلب البنات كذا ؟؟؟
كيف استطيع اوازن بين الامرين يعني كل واحد يشكي ويفضض لثاني بدون مايصير بينهم زي ماصار لولد عمي؟؟؟

والشي الثاني الحمد لله لقيت وظيفه راتبها 3الاف موقته لين اتخرج وجتني فكره اني اكفل يتيم وبغيت افتح الموضوع مع خطيتي ونشترك بهالشي بس كيف افاتحها ادخل بالموضوع دغري وان نكسل فكره اليتيم ونخليه صدقه اخر كل شهر حسب مانستطيع وششششششش رايكم وش اقولها؟؟؟
وتتوقعون بتوافق ولالا لا
سووررري طوووووولت وايد عليكم
تحياتييييي

اكفل يتيم

واخبرها و فضفص لها

مره فضفض ومره تغزل واستمع لها

انو ان ما ارتحتو لبعض وتتكلمو مع بعض

اتكلم وارتاح

يتيم وصدقه ولو خمسه ريال

__________________
http://live.gph.gov.sa/
اللهم اني استودعك اولادي

يعطيك العافيه وتسلمين

ماشاء الله عليك يادنيا الوفاء بارك الله فيك وهذا ان دل دل على انك انسان صالح والله يوفقك ويتمم عليك صارحها ولا تخاف ..من تجربة شخصية انا خطيبي ماكان يفضفض لي وكان يقول ان في اشياء يبغى يقولها بس يقول ماراح اقول وكنت اخاف من عدم ثقته فيني او ان في عنده سر مايبي يبيحه خايف اتغير عليه وكنت دايم اقول له تكلم عن نفسك وفضفض مايقول وهذا اللي خلى العلاقة بينا فيها خوف وتوتر ومشاكل .. فلا تخاف اصلا بتكبر بعين خطيبتك لانك تبي تكفل يتيم وتطلع صدقه هذا الشيء رايح يزيد ثقتها فيك وراح تحس معك بالامان .. فلا تتردد لانها واضح انها تعتبرك اقرب انسان لها وارتاحت لك لانها بدأت تفضفض لك ..
والله يثبتك على اعمال الخير

بالعكس فضفض لها وطلع اللي في قلبك
قوله انا مضايق وانت الوحيدة اللي اقدر افتح لك قلبي
وبتلاقيها اذان صاغية
وكفالة اليتيم لاتفوتك لانه وراها خير كثير
ترى الموضوع مرة سهل
انا كلمت الندوة العالمية للشباب الاسلامي
تروح عندهم وتختار يتيم واكثر اليتامى حيكونوا من خارج المملكة مثل افريقيا وغيره وتشوف صورته وكل المعلومات عنه
ومايكلف اكثر من 1500 ريال في السنة هذا اقل شئ يعني كل سته شهور تدفع 750 او كل شهر اعتقد 150
شئ عظيم والله وبازهد المال
وفي اسعار اكثر على حسب قدرتك
ونهاية كل سنة يرسلوا لك شهادته ودراسته وانجازاته
وحتنبسط مرةة
وربي راح يفتح لك ابواب خير كثير
غير اجرك عند الله ومرافقتك للنبي صلى الله عليه وسلم في الجنة
الله يتقبل منك

يعطيك الف عافيه ردك ريحيني كثييييير ومدري شنو اقول بس ربي يوفك ويسعدك ويسخر خطيبك لك
تحياتي

مشكوره وصراحه ماكنت اعرف من وين يكفلون الايتام بس انت ماقصرت جاوبت من دون اسال
وجعلها في موازين حسناتك ومنا منك صالح الاعمال تحياتي

فكرة كفالة يتيم فكره رائعه فأقدم عليها
فأضيف ان مؤسسة مكة المكرمه الي بالرياض فما أدري عن الغربية
عندهم كفالة يتيم

وفقك الله وبارك لك في زوجك ومالك

الله يخليها لك ويخليك لها .. وييسر امركم ويشرح صدرك ..

انا ماأدري وش نوع الفضفضه اللي تقصدها بالضبط ..

ان اقول اذا هالمشكله تخص حياتك وحياتها وتأثر على علاقتكم .. تكلم معها فيها .. لكن اذا هي مشكلها خاصه فيك او في ششغلك او بينك وبين اصدقائك او اهلك يُفضل ماتقول ..

انا بنت واعرف البنات لذلك نصيحة مني اذا هي خاصه فيك لاتقول .. اما اطرحها في منتدى اذا انت تبي حلول .. او تكلم فيها مع رجل مثلك قريب منك ..

موفق..

__________________
قمة الألم ..
أن يكون الزوج آلة صراف
والزوجة آلة تفريغ رغبة..!!

اولا : بالنسبة لكفالة اليتيم اقترح عليها الموضوع وكانك متردد واسالها عن رايها وبعدين قلها ابحثي لي عن فضل كفالة اليتيم وحسسها انها هي اللي اقنعتك و كانت مجرد فكره منك.
ثانيا : بالنسبة للفضفضه تختلف من شخص لاخر
انا خطيبي يفضفض لي عن امور تافه ويحسسني كانها مصيبه مثل خوفة من مراجعه طبيب الاسنان (انا عارفه يدلع علي ههههههههه)
وساعات يفضفض لي عن علاتته القديمه مع البنات بصراحه احيانا افرح من فضفضته واحيانا احس بجرح واحباط منه
الفضفضه تعتمد على نوع الفضفضه وعلى شخصية وتفكير خطيبتك

موفق يارب

__________________

اللهم أرزق شباب المسلمين زوجات صالحات
واللهم أرزق بنات المسلمين أزواج صالحين.