ماطلقتها لسا ::::
ولا ودي اطلقها اول شي لانها تقرب لي واهلها ناس طيبين بس البنت مو عارفه كيف تتصرف نهائيا وخجوله بشكل يجيب الهم
وزيادة على كذا تنفخ يعني شين وقوي عين
وتنجرح على طول واذا حاولت اني افتح مواضيع معها قالوا انت متسرع وتكتفي هي بالرد علي ب ايه ايه ايه
والبنت حبوبه وتنشرا وانا احبها موووت بس ادعوا ان الله يهديها وتهتم اشوي لزوجها وتزين امورها
انا وش ابغا منها الا اني احس بوجدانها كزوجه وتسال عني وتهتم لي وتحطني ببالها ماهوب تدخل على الواتس اب تسوي مهتمه وتسالني سوال واجاوب عليه وتطنشني ساعتين واذا فضت جت وقالت اوه ماعليش مااانتبهت للجوال
يعني جايه تساليني السوال وتسحبين علي وش الاهتمام ذا والله تسوي حركات تنرفز

كلنآ يالبنات كذا خجوولات واحيانا كثييرة مآنعرف نتصرف و ننجرح بسرعة
بالنسبة إنهآ تنفخ صدقني إنهآ مو منتبهه لنفسها وإن مآقصدها تنفخ
كثيير اسويهآ بس بدون قصد والله :$

كويس إنهآ تقرب لك وخذ الشور من اختك
ارسل حرمة عاقلة تقرب لك وتقرب لهآ عند خطيبتك وقول لهآ تسألها كيف تعاملهآ معاك
وخلها تقول لهآ إنه لازم تهتم بخطيبها ومآتطنش عشان ربنآ يرضى عليهآ
وإنها لو اعطت راح تلقى الخير يعني خل الحرمه هاذي تقنعها إن تصرفاتها مو كويسة وتعلمها الصح
اهم شششيء لآتدري خطيبتك إنك أنت إللي ارسسسل الحرمة عشان لآتزعل
وإذا مافي احد يقرب لك روح عند احد من خوالها ولا عمآنها قريب من البنت وقوله ينبههآ على اسلوبها
وبدوون لآتدري إنك أنت إللي قال له

في مليووون حل و حل
الطلآق مآيجيب خير والشيطان هو نفسه مآ تغير من عهد ابينآ آدم
هدفه الأول إنه يفرق بين الزوج وزوجته لآتخليه يسيطر عليك
و في حيــآتك الجآية لآواجهتك مشاكل ومهما كانت تأكد إنه في حلول مآتعرفها ويبغالك تدور عليهـآ
موفق

اخوي الفاضل
شوف زي ماقالو لك اخواتي واخواني انه طبيعه البنات انهم يستحون ويالله تطلع الكلمة منهم بالعافيه
انت شكلك مررره رميت عليها فجاة بعواطفك ومحبتك لها والله انا ماالومك لكن شكلها ماقدرت تستوعب الكم الهائل من العواطف
وسرت بالنسبه لها واحد لصقه وشخص غير مطمئن بالنسبه لها
الان ان شاء الله بعد ماتعود المياه لمجاريها خفف شوي من عواطفك واندفاعك لها اتكلم معها في مواضيع تهمك انت مستقبلا
يعني انت وش تحب من زوجتك واسالها انت مقدما هي وش تحب من زوجها وش تكره حاااااول تكون مستمع لها اكثر مما تكون متحدثا ...... حاور افكارها وارائها اطرح عليها مواضيع في الحياه الزوجيه وخذ رايها فيه واعطيها رايك ( ابدا لاتتطرق لاي امور جنسيه بتاتا )
شوف ترى البنات تحترم الرجل الرزين العاقل الغير مندفع اللي يحترمها ويقدرها ولا تكثر من كلام الحب لانه راح تفتقد البنت
طعمه وحلاوته , امراخر اذا شفت منها تصرف صحيح او منطق حلو منها لاتقصر في ذي الناحيه امدحها قلها والله انا عجبني تفكيرك في ذي النقطه واذا وجدت حسن تعامل وطيبه منها امدحها في ذا الجانب واذا وجدت مشاعرها بدات تميل لك امدح مشاعرها الحلوة تجاهك
اهم شي لاتجعل محور محبتك لها على الشكل الخارجي فقط وانا لا انكر انه جزء يتجزء من محبتنا لهم لكن اسال البنات هنا وهم يجاوبوك صدقني بعد فتره ستجد البنت اطمئنت لك وارتاحت لك وستجدها تعلقت فيك واحبتك وانت لاتدري وستخبرك بيوم من الايام انها تحبك من كل قلبها
الله يوفقك يارجل

والله اذا تبون الصراحه انا بديت اغير نضرتي عن الزواج وعن الحب وعن زوجتي
انا صراحة زي اللي انولد ومات وهو في المهد
موتت احاسيسي وكرهت شي اسمه زواج
شكلي بااطنشها واذا جا وقت الزفاف تروح تتزوج لحالها ولاتاخذ حد من اهلها يجلس معها على كوشتها
انا كرهت الحب وكرهت الزواج لاني عارف لو طلقتها وتزوجت ماراح القى نفس المشاعر اعطيها لزوجتي الجديده
واذا حست فيوم وسالت راح اقولها شكرا انك قتلت الحب في قلبي

عاد تصدقون اني قلت لها ذا الكلام ومانفع
هههههههههههههههههههه ميتت احساس متزوج صنم والله
والله اني اضحك ودمعتي في محجر اعيوني

ياخي لاتلومها
صععععب الجرح ينسا او يعدي كذا واسال مجربه
ترا زي ما انت مصدوم هي بعد
ويمكن اكثر منك بعد والناس تختلف فيه اللي يسامح بسررعه
وفيه اللي يبي له وقت وفيه اللي ما يسامح ابدا
وبعدين روح لها البيت وكلمها فيس تو فيس
والله الله بالكلام الحلو وان شاء الله ترضى


الله يهديكم الى متى اعلم >>مع نفسك حطمووك

__________________
... هذا المستخدم لم يعد موجودًا...~ حللونا ~

همسھٓ ....
إن مرت ذكرايےّ علےّ قلوبكم فاذكرونيےّ بدعوھٓ فيےّ ظهر الغيب..

It doesn't look to bright right now
معك حق ياحطموك بس انا اشوف انها ماقاعده تحاول حتى تفهم وجهة نظري يعني زي اللي جسد بلا روح هددتها بالطلاق ماقالت حتى ليه قالت بكيفك وتتهمني اني بخيل يعني ماتبي تفهمني ابد وسحبت علي وراحت تبكي ولاتبين انها مهتمه ابد
واكلم ابوها يقول نكدت علينا
انا متزوجها ولا متزوج اهلها ودي اعرف
البنت ماعندها شخصيه ومعتمده على اهلها اسالها سوال تقول ايه ايه وتروح تسال اهلها وتجاوب ولاقلت شي وسكت وماعندي مانع انهم يساعدونها بما انها صغيره ومو فاهمه بس مو لدرجة اني اذا سولفت معها احس اني اسولف مع امها ومن تملكت عليها وكل شوي على الوتسب يتغير اسلوبها احس كل عايلتهم يطقطقون علي
والحين لها اكثر من اسبوعين زعلانه مافيه كلمة حب ماقلتها ومطنشه تدخل تشوف وش كاتب وتطلع وانا محترق بناري
يعني ماتفكر ابد فيني اهم شي تسوي اللي بابا وماما يقولون لها سوي على بالهم يعني بنجر وراها واذا قلت شي جرحتني
خييييير متزوج ليه انا كان المفروض هي اللي تدفع المهر ماهوب انا بمااني بقعد اطارد فيها وامن لها بيت وتكاليف زفاف وباصرف عليها وموراضيه حتى ترجع تقول سامحتك مع ان سبب تهديدي لها بالطلاق كان منها هي وارجع للقصه وشوف
على العموم انا ماعاد تفرق معي وباانسى اني في يوم فكرت احب واذا الله كتب وتزوجت البنت هذي وهي مازالت على وضعها مااتوقع تكون حياه سعيده

طيب
العن الشيطان اللحين
وهد وبلاش النظره التشاؤميه ذي
بما انك حاولت وكل شي
احقرها يعني لا عاد تدق ولا ترسل ولا تسال فيهم ابدا
لمدة اسبوع
وانتظر ردة الفعل وحتى لو دقت اوارسلت اسحب
ok
وان شاء الله ما يصير الا كل خير
وترا بعض الاحيان طريقة تربية الاهل فيها بعض الاخطاء
يعني لو راحت قالت لهم وش تقولها ولقت من يقول لها لا
لاتسوين كذا ما كان عادتها لكن الغلط من الاهل

__________________
... هذا المستخدم لم يعد موجودًا...~ حللونا ~

همسھٓ ....
إن مرت ذكرايےّ علےّ قلوبكم فاذكرونيےّ بدعوھٓ فيےّ ظهر الغيب..

ايش رايك تناقش ابوها في جلسه وديه وتوضح له
كل الامور اللي مضايقتك