اعرف المنتدى من فتره بسيطه وعاجبني واليوم بقولكم قصتي

انا اسمي مهند عمري 16 وانا عصبي مدري ليه بس قبل امس اكتشفت ان امي مو امي صدق امي من الرضاعه واخواني اخواني من الرضاعه داسم امي ما تعاملني مثل الباقي وانا اكبر واحد فيهم بس احس فيه فرق في معاملتها لي وكنت اقول لازم اتحمل لاني الكبير ويعاملوني كذا بس قبل امس جالس مع ابوي وامهم وكانوا يتهاوشون عشان انا ابي ادخل نادي وبالأخير قالت هي ترا ولدك مو ولدي ولاتتوقع اني بهتم له اكثر من خالد وانا استغربت وابوي حاول يخلص الموضوع دون ما انتبه بس انا سالت ابوي ليه امي تقول كذا وليه ما تعاملني زين وقالي السالفه كامله انه كان متزوج وحده وجابني منها وطلقها واخذ هذي وجابت ولد اصغر مني بـ 9 شهور بس ورضعتني معه اللي هو اخوي خالد سالته عن امي الصدقيه وقالي موجوده بس ماتبيك وقلت ابروح اشوف شكلها ووداني امس وسلمت على اخوانها اخوانها كبار مره بس هي ما شفتها لان اخوانها يقولون مو موجوده الحين عاد انا من يومين وانا ما اكلم امهم وهي ما تكلمني بس مدري تصير مثل امي او لا احس اني غريب مره ولاحظت كل هالسنين ابوي يهتم فيني اكثر منهم ويدلعني ولا يخلوني اروح معهم لأخوالهم اللي كنت احسبهم اخوالي الا قليل مره ويقول ابوي لا ما ابيك تروح انت ابيك تجلس عندي وانت كبير وما يصلح تروح مع امك حتى لم ولدت راحت هي واخواني جلست عندهم شهرين وانا جالس عند ابوي ما رحت

وابوي يقول لا تقول لأخوانك شي عندي اخو اسمه خالد اصغر مني بسنه واختين وحده ابتدائي وحده متوسط وواحد صغير مره

احس اني موب ولد احد كني ضايع ولاقيني في الشارع بس بطاقتي باسم ابوي

والله يا اخوي قصتك ما كان ولد خالتي يقولي إياها من باب الضحك والمطنزة

وما كنت اعتقد في يوم من الايام بتصير سالفة حقيقية


ما اقول الا الله يعينك ويصبرك.


بس حاول انك ترجع الأوضاع مثل ما كانت مع زوجة ابوك

__________________
لا اله الا انت سبحانك اني كنت من الظالمين

تدري انا لما كنت بعمرك بسن المراهقه
كنت مثلك احس ان اهلي يعاملوني معامله مختلفه ويفضلون اختي اللي اكبر مني علي
مع انهم اهلي الحقيقيين
سبب احساسك هذا مو انها مو امك الحقيقيه
لكن طبيعي كل اللي بعمرك يمرون بالمشاعر هذي وتصير تصادمات ونزاعات مع العائله
وبعدين كيف تقول انت مو ولد احد هذا ابوك مدلعك اخر دلع ويهتم فيك اكثر شي

لا ليوسوس لك الشيطان وتقول مو ابوي وبعدين ابوك ليه يغلط مخلاك تعرف امك من زمان

مدري ليه ما علمني بأمي

انا مستغرب مره من السالفه

صح انا رجال بس عمري صغير ما في يدي اقدر اسوي شي لو اقدر كان طلعت من بيتهم وانا احب امهم وهي مثل امي واحب بعد امي الصدق بس اني ما شفتها بس ابي اشوف وش شكلها واحب راسها واسلم عليها ولا ابي اعرف ليه تركها ابوي ايه ابوي مدلعني بس انا وحيد عكس اخوي خالد يعني دايم في البيت بس اكثر شي اجلس في غرفتي لحالي ودايم انام لان ما في احد يسولف في البيت حتى آكل في المطبخ وارجع للغرفه عند التلفزيون والانترنت بس انا مو متحمس اشوف امي الصدقيه بس ابي اشوف وش بتقول اذا شافت ولدها بس وبشوف شكلها هي شكلهم تجار مره لان بيتهم كبير مثل القصر وسياراتهم فخمه وساكنين في منطقه زينه انا ما ابي اشوفها دايم بس ابي اشوفها مره كل شهرين او ثلاث شهور وجدهم يلبس بشت مدري ليه

بشرنا شفت امك اخوي وبعدين ودي ادري ابوك ليه ماعلمك عن امك واذا تقدر تساله اسال

رحنا اليوم ومرينا عليهم

وقابلتني بس سلمت علي بالكف يمكنها استحت مني لأني بشنب وسكسوكه وقالت لي شلونك قلت بخير وسألتها عن احوالها وقالت الحمدلله قالت لي صرت رجال قلت ايه الله يخلي لي ابوي وكنها ما عاد تدري وش تقول وصارت تحرك يدينها
بس ما جلست الا اقل من خمس دقايق مع اننا طولنا عندهم وابوها كان يسألني وشلوني وتنزل دموعه وصحت انا معه تأثرت به
بس فيه شي ما عجبني هي ما لبست كويس يعني لبسها عاري يمكن هم متعودين كذا بس انا ما تأثرت ابد
بس كنت ابي اشوف شكلها وشفتها بس والله ما تهمني ابد اصلا وش بعده بهتم فيها ولا تهتم فيني ؟
بس ابي اتواصل معها كل ثلاث شهور واسلم عليها عن القطيعه وقلت لجدي وقال الله يحييك تعال حتى لو ما كانت امك موجوده انت ولد الغالي
انا اصلا من زمان مالي والي الا ابوي
وما سألت ابوي عنها ولا أبي أسأله ليه افكر في شي ما يعنيني بس الصدق حسيت بالوحده واني مالي أهل بس لا اقول ابوي عندي

لا اخوي قصدي يوم تسال عشان تعرف ليه حياتك كذا يعني المفروض متواصل مع امك وانت صغير
الله يسعدك ويهدي امك الى الصراط المستقيم