طالما و انه الاتصالات بينكم كانت موجودة و الرومانسيات كانت على مايرام
فا استبعد موضوع انه مايحب او مايفضل التواصل اثناء الملكة و الا كان من البداية ما اتواصل
و طالما انه الانقطاع صار فجأة .. فكمان استبعد موضوع الملل .. لانه الملل يقطع الاتصالات بالتدريج
مو مرة وحدة ..
اعتقد و الله اعلم انه في شي استجد بشغله خلاه مهموم ... او مشكلة مع اهله
او مع اصحابه ... كونه ماخبرك عن مشاكله .. هذا ما يعني عدم وجودها .. قد يكون في ضيقة معينة خلته
ماله نفس للرومانسيات بالوقت الحالي
ومو حابب يقولك على مشاكله عشان لا يشغل بالك
قلتي انك صارحتيه .. طيب كيف صارحتيه ؟؟ بشكل مباشر ولا بالرسايل ؟؟
باللوم و العتب و لا بالدلال و اللين ؟؟
اذا تبي نصيحتي .. لا تقطعي تواصلك معاه .. حتى لو هو وقف .. ظلي انتي ارسلي له رسايل
مثلا الصبح . صبحي عليه و ادعي له بالتوفيق
و في المساء قبل النوم ...
اتصلي عليه كل يومين او3 ايام مثلا .. لا تتوقعي منه كلام او مبادرة
خليك انتي المتحكمة في المكالمة ..
الو كيفيك حبيبي .. ايش عامل .. كيف الاهل كيف الشغل ... بس حبيت اطمن عليك و اسمع صوتك
خلاص مابطول يمكن مشغول ولا شي مع السلامة حياتي
من وقت للثاني ارسلي له رسالة وقولي له حبيبي اليوم طابخين
الاكلة اللي تحبها .. سويتها لك بايدي .. اذا في امكانية انك تجي
لا تقصر مشتاقين لشوفتك ... (بحيث مايشعر انه مجبر عالقدوم ويحس انك مقدرة وضعه)
وقت مايكون عندك .. لا تضلي ساكته و مستنية انه يتكلم .. او تثقلي عليه باللوم و العتب
اكتفي بالابتسامة و الكلام عن الاشياء الي تثير اهتمامه هوو مو الاشياء الي تحبيها انتي
اذا كان له بالسياسة ..ز افتحي مواضيع عن اللي يصير حاليا بالدول العربية ربي يفرج كل هم
اذا كان يهمه الاقتصاد نفس الشي (اقراي قبل مايجي و طوري نفسك عشان تكوني فاهمة ايش تقولي )
اذا كانت تهمه الرياضة لا تقصري
اذا يحب الوناسة و الضحك و الفرفشة .. اشتري لك ورق و لا اونو و لا اي لعبة و العبيه معاه على حكم
عزيمة او اي شي تبيه .. او حتى نادي اخوانك و العبوا كلكم سوا ..
وقبل ما يطلع بوسيه على خده واهمسي له ان هذا اليوم كان من اسعد ايام حياتك
او حطي بجيبه رسالة ورقية فيها كلام حب وشوق و اغمزي له (اقرأها في البيت )
يعني خلي زيارته متنوعة مرة رومانسية و مرة ضحك و فرفشة و مرة لعب و مرة اشكي له همومك
و هكذا
اما الغرض من التواصل المستمر بالتلفون و الرسايل ... انك تحسسيه انك معاه دايم و على طول الخط و مو مستنية مقابل
بالتالي بتكوني دايما على باله حتى لو ما اتصل او كلمك .. فا
اول ما تثقل همومه زيااادة و مايقدر يشيلها لحاله .. اول شخص بيفكر يحكي له هو انتي
لانه شاف منك الاهتمام الدايم و التواصل
لكن لو هو وقف اهتمامه لسبب ما... و انتي وقفتي و طنشتيه
مع الوقت بيتعود على بعدك و جفاك و اول ما يزول السبب
ماراح يرجع للتواصل لانه اتعووود خلاص .. فهمتي علي؟؟
الله يوفقكم و يسخركم لبعض
__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله
07-03-2011, 01:31 PM
ضوابط المشاركة
العرض العادي
