السلام عليكم و رحمة الله و بركاته

من فترة شريت كريم اسموavalon
للتفتيح

هوة كريم طبي

وانا شريتو عشان افتح منطقة الركب عندي لانو غامقة بعض الشي وفشلت كل الاساليب في علاجها
بشكل واضح

المهم قرات في النشرة انو يجب الحذر في استخدامه من قبل المرضع

ومكتوب من مكوناته انو يحتوي على الهيدروكينون بنسبة 1.9%
وانا بعرف هالمادة ازا دخلت كريمات اثناء الحمل والرضاعة مش مفضل استعمالها

ولكن انا صراحة من كم يوم استخدمتو ولكن نقطة قليلة جدااااااا مسحة خفيفة على الركب وبس

ولما اعالج المشكلة بدي اوقف استعمالو

فهل انا بعمل غلط ؟

يعني هل مضر على ابني وياثر عالرضاعة

نسيت اقول الكريم يحتوي ايضا على مكونات اخرى زي فيتامين E C ويحتوي على حمض الستريك واشياء اخرى

هل ضروري اكتبها عشان صاحبات الاختصاص يفيدوني ولا خلص

انا الي بعرفو الهيدروكينون و الكورتيزون لو تواجدو في كريم فهما ممنوعين للمرضع
شكرا الكو مقدما




تم تعديل العنوان للتوضيح..الاشراف

__________________

السلام عليكم ورحمه الله وبركاته
اختي العزيزة من الافضل الابتعاد كليا بالفترة الحياه عن هاذا الكريم لانه مضر جدا بالرضيع والي كتبوه في الوصفه حقيقي ولم يكتبوه اعتباطا يعني ميصير انك تستعليمه مدام ذكر انه خطر خلص لازم اتوقفي صحه ابك اهم من كل شي
وان شاء الله الصحه والعافيه

اخت ام سنو شكرا للتفاعل السريع يعني حضرتك عندك خبرة بالموضوع ؟هل الكريم هادا معروف عنو بالزات انو مضر عالرضيع؟؟؟
شكرا الك ومش قصدي اشكك بكلامك لكن كلامك عنو شجعني اسالك اكتر حسيت انك مجرباه او حد قلك عنو اشي
بكرة انا رايحة الدكتورة بدي اخدو معي اشوف شو حتقلي

__________________

طالما حاطين تحذير للحامل والمرضع من استخدامه معناته فعلا خطير
بلاش تجازفي والضحيه ولدك بالاخير مش انتي..

__________________