العزيزه cheery
أفهم كل اللي تحسين فيه ولا الومك ولكن قصتك ذكرتني بقصتي حصل لي تقريبا احداث مشابهة لقصتك
اختى اصغر مني بأربع سنوات وانخطبت مع ان ام اللي خطبتها شافتني وقالت انها تبيني على طريق المزح قبل لا تسأل امي عن عمري !! عجبها جمالي لكنها لما درت اني اكبر من ولدها خطبت اختي اللي اصغر مني وهي اختي الوحيده !!

كان شعوري متفاجىء ماتوقعتها جاده ولا هقيت انها بتخطب اختي مع ان بيني وبين ولدها سنه تقريبا ذبحتني نظرات الناس خصوصا في الاعراس والمناسبات لما احسهم يدورون الضيق في وجهي !! ودايما كنت احاول اخبي ولا ابين !! تخيلي انهم ما باركو لي خطوبه اختي علشان ما اتأثر !! انقهرت من جد !!

مع اني ماكنت ابي اتزوج اصلا وكان دايما الخطاب يجوني انا مو اختي لان فيه اجماع من كل اللي يعرفونا اني اجمل منها ! وكنت رافضه هالطريقه من الزواج زيك بالضبط !!

كنت ابي واحد يشوفني ويختارني مو امه تخطبني ويجي العريس يعاين البضاعه !! منتهي الاهانه !! يعني بصراحه كنت رافضه واحد يتزوجني لانه يبي يتزوج كنت ابي اللي اتزوجه يكون يحبني ومختارني بالذات مو اي وحده وبس !!

اللي صار بعدها ان الخطوبه تفركشت !! وانا انخطبت بعدها وتزوجت والحمدلله !

بس من هالتجربه اقول لك حاول ماتتأثرين !! ادري انه صعب بس محد يدري وين نصيبه لا تستعجلين رزقك !!
ادعي الله سبحانه وانا متأكده انه راح يرزقك بالانسان المناسب !!

لا تقولي خطابي قليل ماتدرين بكرا وش يصير

تفائلي ولاتشتكين لغير ربك !! الشكوي لغير الله مذله !!
وشوفي انا تزوجت والحمدلله مع ان ابوي مايرضا يزوجنا لناس من غير قبيلتنا !!

وش رايك ؟؟

عيشي حياتك واسعدي نفسك تسعدي

وساعدي اختك في جهازها ويوم الزواج اظهري باحسن حله

لاتدعي فرصه لشماتت الشامتين ولاتخسري اختك وتخسري نفسك بسبب وساوس
وايقني ان امر المؤمن كله خير والخيره فيما يختاره الله
والقادم افضل ولكن عليك ان تتعايشي مع الوضع بروح طيبه ويعوض ربي صبرك خيرا باذن الله
ولاتنسي الدعاء بالتوفيق

مشكورات اخواتي على ردودكم ..
رفعت معنوياتي .. بس والله حالتي حالة .. يوم نفسيتي زينة واحس ان الموضوع بيعدي بسلام .. و يوم ما اشوف اللي قدامي من الكتمة اللي تجيني ..
دعواتكم لي .. والله يجزاكم ألف خير ..

عزيزتي حصلي نفس الموقف و انخطبت اختي اللي اصغر مني باربع سنوات مع انه الخطاب كانوا يجوني انا من وقت ماكان عمري 15 سنه و كانت امي ترفض بس فكرت انه نصيب وانه لسه ماان الاوان عشان اتزوج مااقول اني ماحسيت بحزن بالعكس حزنت و فكرت انها لما تتزوج ح احس بفراغ كبير زياده على كوني قاعده بلازواج لكن بسرعه نسيت لما ركزت تفكيري على فرحتي باختي مع انه والدي كان منزعج اكثر مني وصار عصبي جدا بس انا نسيت و كلها شهر بالضبط و انخطبت لا تستعجلي مدام دعيت ربنا فهوا اعلم بمصلحتك و الوقت المناسب لزواجك و الرجل الانسب لك

الله يعينك يااختي والاخوات ماقصروا قالوا الكلام اللي كنت باقوله والله يعينك وزي ما وصوك الاخوات اكثري اختي من الدعاء واما عن كرهك لاختي فاختك لاذنب لها وان الله كاتب لاختك هذا الزوج واعانك الله .. وتحياتي...

اختك في الله ...مبتدئه...

__________________

	لا اله الا الله محمد رسول الله

[align=justify]يابنات انا مستغربه من ردودكم يعني بخصوص زواج الصغرى قبل الكبرى عني انا بتزوج بعدشهرين واختي اللي اكبر مني ماتزوجت طبعاً هي اختي تقدم لها عرسان من اقاربنا كثير لان احنا عندنا مانزوج الا من الاقارب المهم اختي طبعاً ترفضهم لان هي اختي ماشاء الله عليها ملتزمه وماتبغى الا ملتزم واللي تقدموا لها مو ملتزمين ويدخنون وبصراحه اختي ماقصرت معاي خطوه بخطوه وانا اجهز اشيائي اشياء الزواج وبصراحه الله لا يحرمني منها تخيلوا الحين هي قاعده تفكر في ترتيبات الزواج وبعد قاعده تسوي من وراي اجتماعات مع اخواني اش يقدمولي هدايا على بالهم اني مو عارفه ايش يخططون فيه بس انا بصراحه ما حسيت ان اختي شايله علي على اني باتزوج قبلها والله لا يحرمني منها وادعوا لها يابنات بصراحه هي لي الاخت والصديقه ومع تمنياتي لكن بالزواج ........

اختكم في الله مبتدئه.........

وانا استغرب من الاخوات اللي علاقتهم مع بعض فيها كره وحقد وخاصة الاخت اللي تحاول ترفع ضغط اختها اما الناس وماشاء الله اختها اشغلت نفسها فالندوات الله يرزقها........[/align]

__________________

	لا اله الا الله محمد رسول الله

انا مريت بنفس الشي
كان المتقدم ولد عمي ولما جاء الطلب
كان لاختي الي اصغر مني
فعلا بكيت بحرقه لذلك انا
احس فيك وما الومك
احس كرت كل عيلتي
لكن الامر اتضح
وكانو بغوني انا لكن
عمي خربط في الاسامي
بيني وبين اختي
لكن مع كذا انا رفضته
لاني كنت اعتبره بمثابة اخي
بكائي كان لما اخطبو اختي
مش عشان ولد عمي لا كان لانهم اخطبو اختي كان بس يوم
وبعدين اتضح انا وكان غلط بننا لكن ما يسوى احراجي
جنب اختي لما كنت ابكي جنبها لكن على الاقل بكيت
لكن هي الى صارت احسن مني
وما بكت على الرغم انها فرحت لما ضنت انا
هي ......
مجمل هذا الكلام انه والله فعلا صعبه
تخطب الصغيره قبل لكن مالك الى الصبر
وبالـــــــــــــــــوفيق ....

اهلكى الصواب جانبهم فكيفى يستقبلون الخطيب دون ان يحددو الخطيبه
والك ليكن الله معكي

السلام عليكم ورحمة الله جميعاً


صراحة يا اختي هذي مشكله ، تعاني منها اكثر الفتيات في اكثر العائلات ، والله يكون في عونك .

لكن في اشياء مهمه لابد انك تعرفيها ، ومثل ما اعرف فانتي تعملين يعني انتي انسانه متعلمه ولله الحمد وتقدرين تستوعبين كلامي , وانك تحبين عملك وهذا يدل على انك انسانه مثابره ومجتهده وهذا قل ما يتواجد في بنات هذي الايام .

ثقي ياختي تمام الثقه انه / ما اصابك لم يكن يخطئك ، وما اخطئك لم يكن يصيبك .


والله سبحانه له حكم ومشئية في ذلك ، ونحن لا نعلم ، لو اطلع ابن ادم على الغيب لأستأثر الواقع اي فضله وهذا كلام اشرف الانبياء والمرسلين ، نحن البشر نريد ونريد ونريد ونحتاج الى هذا وهذا وشياء لا يمكن ان نتوقف عندها من طمع ابن ادم وجهله بالغيب .


شوفي يا اختي انتي والاخوان والاخوات هذي العبره والحكمة لأحد الحكماء :


احد الحكماء كان له خيل جدا جميله واصيله وكانت هذه الخيل مقربه الى قلب الشيخ جدا وكان يحبها جدا ، في احد الايام فرت هذه الخيله وذهبت دون رجعه ، فتكدر هذا الشيخ واتاه افراد القبيله يؤازرونه على ما اصابه ، فقال لهم الشيخ / وما ادراكم انها مصيبة ، بعد عده ايام رجعت هذه الخيل ومعها قطيع من الخيول ، فاجاوا اليه افراد القبيله يباروكون له على هذا الخير ، فقال لهم الشيخ / وما ادراكم انها خير ، بعد ايام قام ابن الشيخ يروض احد الخيول فسقط وكسرت ساقة ، وحضر افراد القبيله يؤازرونه على مصيبته ، فقال لهم الشيخ / ما ادركم انها مصيبة ، وما هي الا فتره بسيطه حتى اندلعت حرب وتم اخذ تجنيد شباب هذه القريه الا ابن الشيخ وذلك لكسرا في ساقة ، فلم يرجع احد من شباب هذه القرية من هذه الحرب .
وهكذا ضل هذا الشيخ مقتنع وراضي بحكم الله وما اعطاه وما اصابه ، يعطيه الله سبحانه وتعالي مصيبه ليختبر عبده فيجازيه على ما صبر ، ويعطيه خير جزاء على ما شكر . مصيبة تاتي بخير ومصيبة تدفع بشر لتاتي بخير سبحان الله .

اختي خلي ايمانك بالله كبير ، وحاولي قدر الاماكن تملين وقت فراغك ولا تجلسين اوقات كثيره بدون ان تشغلين نفسك فيها بالشيء الطيب طبعا . وانتي زي ما قلتي انك تشتغلين شيء طيب جدا ، العمل عباده ، وابدعي في عملك ولكن لا تخلين هذا العمل هو الهدف الاول لكي وهو غايتك اجعليه طريق للابداع والتفاني في اداء اي عمل اخر .

اختك الصغرى ما لها اي ذنب بالعكس كوني لها عون ولا تكونين عليها ما ادرك يمكن يكون زواجها هذا غير سعيد ما احد يعرف ، اتمنى لها التوفيق ولكي ولكل الاخوات .

ثقي ايظاً تمام الثقه انك ما دام انتي انسانه طيبه ونيتك طيبه لا يمكن الله سبحانه وتعالى يعاقبك بارسال لكي شخص خبيث ( الطيبيين للطيبات والخبيثيين للخبيثات ) ، او يعاقبك بامور اخر ، يمكن ان يبتليكك الله باي امر هو يختاره عز وجل ، وهذا لأن المؤمن مبتلى ، فاذا ابتيلتي باي امر اصبر وسترين النتيجة على ما تتمنين انتي .


ابعد عن كثرة الوساوس والشكوك ، والاهم من ذلك ابعد كل البعد عن الوهم ، وخلي نظرتك للحياة متفائله وحلوه ، تفألوا بالخير تجدوه .


وعلى فكره انا عندي اخت لي وهي يمكن اكبر منك وما جاء نصيبها الى الان ، وعايشه حياتها على احسن حال وشاغله نفسها طول الوقت ، وهي انسانه عاديه جدا جدا ما اثرت عليها اي مشكله تاخذ امورها بكل هدوء ورحابه صدر ، واسمع عن بنات يعشن مثل هذه الحالات ولكن يعشن وكانه الامر عادي ولا يؤثرن عليهن في شيء .

هذا اللي اقدر اقوله وان شاء الله يكون كلامي مفيد ويكون وصل للجميع ، واسف على الاطالة .

__________________