السلام عليكم

بالله وشرايكم بالشخص اللي جالس اغلب وقته يلعب بألعاب الانترنت.. والبلياردو ومسجل بموقع معروف وضايف بنات خلق الله من كل مكان؟

اكل ماقام ياكل
طلعات ضروريه بالمضاربه حتى مواعيد الطبيب يأجلها
انا وياه بالبيت مانتكلم هو يلعب ومايحس بالوقت الا اذا نعس واحيان ينام عالكنبه من التعب؟!!
حاولت معاه فهمته هو يقول عادي انا اتسلى ما اسوي شي حرام واللي مجنني صار يشتري ببطاقة البنك انا انصدمت؟!!
يقول اشتري علشان احمي قريتي
انا اللي صار معصبني ان حتى الصلاة صار يصليها بالبيت علشان لا تفوته الالعاب

اليوم جلست معاه وطلبته يفتح صفحته في الموقع وفتحه والله لا يوريكم00بنات من كل مكان ومن مدري وين عنده وبينهم مسجات وهو يعلق على صورها وهي تعلق على صوره
انا اعرف هذا الموقع وسبق وسجلت فيه اسبوع بس وقفلته لانه ماينفع بصراحه
عاتبته وقلت بكره بيجيك بنات وياويلك من ربي
قال هم حاطين صورهم انا ما غصبتهم

والله قمت اخاف عليه من كل شي اهماله لصلاته وعلاجه واكله وحتى انا

بس انا مابي اسوي مشكله فقلت اخذ رايكم وش اسوي؟

__________________
saapna81
اللهم صل حبالهم بحبالك واجعلها من احب احبابك واكفها شر عبادك
واكرمها بعطائك00اللهم ارح قلبها ونور دربها ويسر امرها وكن حسبها
في جميع امرها00يقوم حمودي بالسلامه

أنا حالي من حالك و ما عندي غير الشكوى لله.... أطلبي له الهداية في جميع أوقاتك و أتمنى العدوى ماتنتقل لأبناءنا........

الله يهديهم يااارب يمكن الروتين وهدوء البيت ساعده على هالشيء حااولي تقضين وقته وتكسرين الروتين وتملين الفراغ عليه لعله يتركه وذكريه بالله وعقابه ..

__________________
وإني لأرجو الله حتى كأنني ... أرى بجميل الظن ما الله صانعُ .

اهمال الصلاة شيء خطير يا جماعة الخيــر

ما سمع الآية الكريمة الي في سورة مريم ؟

قال تعالى : " فخلف من بعدهم خلف أضاعوا الصلاة واتبعوا الشهوات فسوف يلقون غياً"

اضاعتها مش معناته تركها .. اضاعتها معناتها تأخيرها عن وقتها ..

غيا : الغي نهر أو واد من جهنم من قيح بعيد القعر خبيث الطعم يقذف فيه الذين يتبعون الشهوات‏.‏

مشكلة صعب يقلع عنها .. السالفة محتاجة وقت وصبر لين ما هو بروحه يمل ..

لان لو قطع يومين راح يرجع مرة ثانية لها الشي بس الخوف كله ان المدة تطول

ما اقول إلا الله يهدي ويهدي جمييع ازواج المسلمين

وانا يا اختي من خلال مواضيعك شفتك انسانة جدا صبورة .. وما عليك إلى النصيحة مرة وحده وبدون إلحاح لان الكلمة توصل للشخص من اول مرة .. بس لو كانت بالحاح راح يتضايق ويسوي سالفة ..

ماعليك سوى الصبر والطلب من الله سبحان وتعالى ان يهدي زوجك ,,

او ممكن اتحاولين تغيرين جو البيت وتسوون شي بحيث انتو الاثنين تلعبون مع بعض .. ليش ماتشترون جهاز Wiiوتلعبون فيه مع بعض .. جدا ممتع ومسلي وسهل جدا ووقت الصلاة واحد يذكر في الثاني ..
تحياتي

__________________

متى زرت والدك آخر مرة ؟

يعني ضايف بنات عنده في صفحته في الموقع قدامك وبعلمك ويترك الصلاه عشان الالعاب والله شر البليه ما يضحك هذا الحين قدامك اجل وراك وش بيسوي يا اختي ممكن اسألك سؤال بس ارجو انه ما تزعلين مني

انتي وش مزعلك فيه مدام انك قبلتي فيه من البداية مثل هذا الرجل ما عنده لادين ولاخلق حتى الصلاه ما يصليها الا في البيت عشان الالعاب ليش اهلك ما سألو عنه قبل الزواج

اصلا واحد مثل هذا واضحه اخلاقه ما يحتاج تسألون عنه اعوذ بالله كان الله في عونك هاذي نتيجة البعد عن دين الله

كلنا نعاني منك يالغاليه

وانا بعد زوجي يدفع لهم فلوس عشان يحموا قرييته

بس مالنا الا رب العباد

ربنا يصلح حالكم و يهدي زوجك و يهدينا جميعا
يا رب

__________________

الله يعينك ويعينني والجميع ان شاء الله00انا ماعندي اطفال

__________________
saapna81
اللهم صل حبالهم بحبالك واجعلها من احب احبابك واكفها شر عبادك
واكرمها بعطائك00اللهم ارح قلبها ونور دربها ويسر امرها وكن حسبها
في جميع امرها00يقوم حمودي بالسلامه

هلا هناوي للأسف حنا مانملي وقت فراغنا الا بالهواش علشان كذا انا ساكته مابي مشاكل
وهو مايحب يطلع ولا يروح وحتى التفلزيون مايحبه00قبل امس خرب الدي اس ال من المطر
بس ساعتين لو شفتيه تقولين احد ميتله غالي

__________________
saapna81
اللهم صل حبالهم بحبالك واجعلها من احب احبابك واكفها شر عبادك
واكرمها بعطائك00اللهم ارح قلبها ونور دربها ويسر امرها وكن حسبها
في جميع امرها00يقوم حمودي بالسلامه

اختي ياليت تنتبهين لكلامك

بنت غامد قالت بعد ما بدا يلعب اللعبه يصلي بالبيت يعني قبل كان يصليها بالمسجد