السلام عليكم ورحمة الله وبركاته

واسعد الله مساكم ..واشكر الاداره على هذا المنتدي الرائع

والى الامام ان شاء الله ..

مشكتلي ما لها الا الله ثم انتم::وهي

تملكت في عيد الاضحى وصار بعدها مسجات حب وغرام ومسجات حول مستقبلنا .وطلب منها ان نبدأ بالمكالمات .من الملكه الى الحين ما كلمتها الا 4 مرات تقريبا ..بس المسجات ما تنقطع ..ولكن حاولت بشتى الطرق ان اكلمها وتقولي انها مشغوله وما عندها وقت فاضي .علما بأني اهديتها جوال مفوتر واكثر المكالمات على صديقاتها ..والفواتير بدت تزيد ..وتحستف اني اهديتها الجوال .
وبعدها خففت المسجات قلت يمكن تحس ولكن للاسف ..تركتها اسبوع لا حس ولا خبر ..ما اني ارسلت رسايل عتاب لها .ولا حياه لمن تنادي ..وما ترد على اي مسج مني ..ويوم اكلمها واقولها ابي اكلمك انا محتاجلك تقول خل المكالما ت قبل الزواج بشهر وانا من الناس اللي ما اقدر اصبرررر ...وسويت كل الطرق على انها تكلمني ولا يوجد فايده .... تكفوووون ابي همتكم ...لاني بصراحه بديت اكرهها من الحين ...وهي طبعها خجوله حيل وكل ما اقولها كلمه حلوه تخجل ما تقدر ترد علي فيها ...واذا سألتها ليش ما تردين قالت خل الكلام في ليله الدخله خايفه يخلص الكلام ..وقلت لها انا اقدر وضعك اذا انتي مشغوله بأمور التجهيز بس ما يمنع انك تتصلين على الاقل بالاسبوع مره ....


ولكم خالص تحياتي

الاشراف : عذراً تم تغيير العنوان ,,
اخي لفظ المشيئة يكتب على هذا النحو إن شاء الله, بالتوفيق .

بارك الله لكما وبارك عليكما وجمع بينكما

أنت جاوبت نفسك

يا أخي الفاضل بارك الله فيك

مدام متجاوبه معك بالرسائل فهيه تحبك ولا توجد مشاكل

أما عن المكالمات وكما تقون أنها خجوله

وعلى قولتها
ربنا يسعدك ويسر أمرك

الله يجمــــــــــــــــــــع بينكم بخير يارب


صدقني اكيييييييييد خجووووووووولة عشان كذا ماتتصل


والله صعبة ترى احنا البنات



نلقى صعوبة في تلقي مثل هالكلام الحب


ومانقدر نرد علية


عشان كذا تدز مسجاااااااااات بس


واركد لين تكلمهااااااااااا وتسمع منها


الله يوفقكم

بصراحه حياها مو في محله ,, وأحلى شي المكالمات في الفتره هذي ,,
يعني انت تسدد لها الفواتير عشان تكلم صديقاتها !! انا من رأيي لاتسدد الفاتوره الجايه وارسلها ترا الجوال بينفصل اذا تبين اسدد كلميني.. يمكن ينفع معاها وأن شاء الله تلاقي حل أفضل..

يا خوي انا كنت نفس خطيبتك ما اتكلم مع خطيبي واخجل منه كثير وصار لي سنه على الحال هذا بس هو تجرى وقام يلح على اني اتكلم واذا ما تكلمت بيزعل مني وخفت وبديت اتكلم معاه لمن مافلت الحبل كله كانه وحده من صديقاتي




حاول انك ترسل لها رسايل من تعبيرك


قولها
*صوتك يرد روحي لي وترضين انحرم من روحي*

*اذاما بتسمعيني صوتك سمعيني انفاسك حبيبتي *

*من سمعت صوتك ردت الروح فيني والله اني احبك يا نظر عيني *

وفي اخر الليل اتصل يمكن اهلها مايسمحون لها تكلمك بالليل ماحد يحس وارسل لها
مع هدوء الليل وسكوت البشر حبيت اسمع صوت حبيبتبي واقول لها احبك يا قمر

واذا كانت تراسلها وتراسلك اول ما توصلك رسالتها التصل فيها واذا ماردت عليك قول لها الحلو مايعجبه صوتي ؟


والله يوفقك
وانصحك تقرا الحمد والمعوذات والزلزلة كل وحده سبع مرات بنيه انها تتعدل معاك

ألتمس لها العذر
أخى
يمكن فعلا خجل منك

__________________

مع أحترامى ماحبيت كلمة أبتديت أكرهها

لان الله أعلم فى مابداخلها ناحيتك
البنت الخجولة لما بتحب اوى بتتعذب كل لحظة
لانها تعجز عن الكلام أو تحب تخلى كل كلمة حلوة بعد العرس ان شاء الله

بجد بجد هى ممكن تكون بتحبك أكثر من ما أنت تحبها

لو كانت خجولة .... ما سمحت لنفسها أن تكلم صديقاتها وترمي الفاتورة على ظهر زوجها ...


هي زوجة زوجها ... وليس زوجة صديقاتها ...!!!


هذي وهي خجولة ... الله يستر لو وحده ثانية ...


من الذوق ... أن لا تفعل مثل ذلك .. بل من الحياء أيضا ...


يا أخي ...


نصيحة من أخوك اللي يحبك ....


لا ترمي نفسك رمي ... أمسك نفسك واثقل ... حتى لا تستمرأ الوضع ويصبح عندها عادي ...


عشت سنين كثيرة من غير كلام ... فلا مانع من أن تزيدها بعض الشهور ...




* لا تفهم من كلامي أني أخرب ... لا والله ... بل وضعت في عقلي نمطا لشخصية زوجتك وكتبت بناء عليه هذا الحل ...


فإن لم يكن موافقا لنمطها فلا تأخذ به ....



أسأل الله أن يألف بين قلوبكم ... ويصلح ذات بينكم .... ويهديكم سبل الرشاد ...

اللهـــــــــــــــــــــــــم أمـــــــــــــــــــــــــين






دمت بحفظ الرحمن ...

__________________

اللهـــــــــم ألن قلب زوج دمعات الروح ... ورده إليها ... وردها إليه معززة مكرمة ...

اللهـــــــــم أجعلني خيرا مما تظن زوجتي ... وأجعلها خيرا مما أظن .. ويسر لنا امورنا ...اللهـــــــــم آمين ...

,
,

إذهب إلى الشركة واطلب منهم فصل الخط

ستأتيك وتقبِّل رأسك لكي تعيده لها

كن حازما في هذا الأمر

هذه النوعية لاينفع معها إلا العين الحمرا

عجل تكلم صديقاتها وتترك زوجها ..!!

,
,

لااستبعد ان صديقاتها اقنوعها بعدم مكالماتك بدعوى انك قد تمل منها بعد الزواج

تفاهم معها واعرف شخصياتها قبل فوات الاوان

__________________