السلام عليكم ورحمة الله وبركاته ,,

بالنسبه لطلبات زوجك فأنا مريت بنفس موقفك وحيرتك , لكني ثبت وفرقت بين العقل والعاطفه وقلت له مليوون مره اني استحي منه لما ما نفع وحسسني بعصبيته من شدة رفضي
قعدت اسبوع وانا كل مره اسئله سؤال وافتح موضوع
خلنا نتكلم عن حياتنا الجايه , كلمني عن نفسك مبادئك هدفك من الزواج هل تلبيه للشهوه او انك تحب تكون اب وزوج وحبيب وصديق واخ و والد لزوجتك
وقلت له انا اذا حبيت الشخص يرتاح معي فخلي هدفك انك تحببني لذاتك مو بطريقه اخرى انا زوجتك العمر كله ان شاء الله
بعدها بدأ شوي شوي يسألني اسئله موجهه لعقلي مو طلبات جنسيه سخيفه جدا في هالمرحله

طبعا انا احذرك انك تعطين زوجك كل شيء خليك غامضه خليه كل مره يكتشف فيك شيء جديد , لا تكشفين له كل اوراقك ؟؟
لا يعرف شخصيتك حاولي دائما انك تخيبين توقعاته تجاه اي موقف يسويه ؟؟
مثلا خليه يقول اكيد بتطير من الفرحه !! وانتي فعلا فرحانه لكن سوي نفسك عادي جذي يحس بغموضك وينجذب لك اكثر

لكن الان بصراحه اسمحي لي انتي احرقتي نفسك بنفسك عند خطيبك !! خلاص الان لو رفضتي او قلتي له مستحيه يقول شو عدا ما بدا ؟؟ !!
فالطريقه الانسب لك افتحي مواضيع شيقه خاطبي عقله وقليل من قلبه بنص الكلام صدقيني بيحس انك احسن منه وبيقعد يحاول ينافسك وقتها افسحي له المجال وامدحي اي عباره تحسينه تعب بصياغتها
بصراحه انا استفدت من كتاب الدكتور العريفي استمتع بحياتك وخاصة تجربة كن لماحاً ,,

اختي لا ترسلين له صورتك لا ترخصين له نفسك بهالسهوله هو زوجك لكن مو 100% ما تدرين لو صار شيء وانفصلتوا !!
بسألك شلون بتتكون نظرتك لنفسك !! لا تجاوبيني لكن جاوبي على نفسك مع نفسك بصراحه !!
انا ما ابي اكسر مجاديف حبك له لكن الان في هالفتره فكري بعقلك كثير لانها فترة بناء , انتي بتبنين فكره عن زوجك وشخصيته وهو كذلك . وصدقيني بيقيس عليها عمرك كله . وصعب جدا يغيرها الا بعد اثباتات فعليه قاسيه ومتعبه !!
فانتي اختصري الطريق على نفسك وقولي لو انفصلت شنو راح يقول عني وتعاملي معه على اساس انك تطبعين بذهنه اجمل صوره من جميع النواحي
الحنسيه تمنعي بدلال وسمعيه كلام حلوو ولكن مو كله دفعه وحده كل خمس مكالمات غيري فيه
الذهنيه خليه يعجب بافكارك وذلك عن طريق اتقانك لطرح الاسئله عليه واجاباتك دائما خليها دبلوماسيه على اسئلته لا ياخذ منك جواب كافي باي موضوع نقاش خليه متردد
لكن لو قالك تعالي ابي اقولك التزاماتك قولي له انت فصّل وانا البس بهاذي عطيه اللي يبي
الروحيه ,, اقولك تعلقي بربك هذا الشيء بيأثر ايجابياً جدا وانتي ما تحسين فيه
كوني سكن له ,, الدعاء له واذا قالك تعبان طالع من الدوام عطيه محفز قوي مثلا قولي له فكر انه بيجيك خطاب شكر والا علاوه والا ترقيه لانك متقن ومجد بشغلك والله يوفقك ويفتحلك ابواب رزقه بوجهك

اطلعي من مواضيع الحب الفتره الجايه عشان تبعدين عن الجنس لكن لا تهملين الكلام الحلوووو وخلي جرعتك قليله عشان يطلبها ويكتفي فيها مو يروح يطلب شيء اقوى

بخصوص الصوره احرجيه وقولي له وان شافها احد صدفه والا بدون علمك ؟؟ وان انسرق جوالك ؟؟ وان ضاااع ؟؟ وان بعته وطاح بيد شخص غير سوي وعرف يسترجع الصور ؟؟ انت ترضاها لي ؟؟

اذا اصرّ عليك وخطأك في كلامك وطالبك بالصوره ,, ارفضيها بشكل قطعي وجدي جداً ةاعتبريها حريه شخصيه لازم يحترمها وعلى طول بعدها ادهني سيره بكلام منمق وزيدي الجرعه شوي

اتمنى اكون افدتك بدون لا تملين من كثافة الرد

السلام عليكم ورحمة الله وبركاته,
اختي "ام البراء" الف مبروك عا العقد والله يتمم لكم على خير بالنسبة للطلب الثاني فأرى ما فيها شي اذا تعطينه صورة لك ولكن قولي له انه ينتبه عليها...أما الطلب الاول فأعتبره من أسرار الزوجين الي ما تظهر على العامة وممكن تسألين شيخ في ها المسألة "فاسألوا أهل الذكر إن كنتم لا تعلمون".
بالتوفيق.

__________________
لا إله إلا الله عليها نحيا وعليها نموت وبها نلقى الله

تحياتي...
أحمد أبوسند

الف مبروك وربنا يتمم علي خير اتمني ان تستقبلي تعليقي بصدر رحب ولكن انا مع milkwayفي رده واقول لكي شيءا هل يكفي كتب الكتاب او الملكه كما تقولون في اعتبار هذا الزواج متكامل من جميع الجوانب؟ بالطبع لا لان لا احد يعلم ما سوف يحدث الا الله ما هو شعورك اذا لا قدر الله انتهي كل شيء فجاه وهذا وارد الحدوث فكل شيء بأمر الله لذلك ارجو ان تغلقي كل تلك المواضيع نهائيا وبشكل حازم ولا تضعفي امام استيائه منك فاذا كان حبه لك حقيقي سيقدر كلامك وخاصه اذا قلتي له ان من ترك شيءا لله عوضه الله باحسن منه وصدقيني عن تجربه كل شيء بعد اتمام الزواج يكون له طعم جميل جدا اذا كنا مراعيين لربنا قبل الزوراج اما لو عصينا الله صدقيني انا الله لا يضيع حقوقه وزواجك لم يكتمل بعد واقول لكي ان هناك فتاه قريبه مني جدا وحدث لها ماحدث لكي ولكن لم تتم خطبتها فصار خطيبها السابق بالتحدث مع كل الناس واخبارهم بما كانت تتحدث فيه معه واخبرهم بكلامها معه عن تللك الاشياء وبالرغم من انه ايضا كان يضع وجهه بالارض ولا نكاد نسمع له صوت لذا اختي الغااااااااااااااليه احذررررررررررررررررررررررررررررري وشكرا

عادي حبيبتي سويها معه بالجوال ولا يدور بالحرام

اما الصوره لاتوفقين

انا مارضيت اعطي خطيبي الصوره
وبالتوفيق

موفقه اختي والف مبروك
بس غريب انه يتجراء ويطلب منك هلطلب

عموما هو يفترض انك من البداية وضحتي النقاط والحدود المسموح فيها والباقي مرفوض لكن راحت
الان لازم لازم لازم توقفين هذا الشيء
اولا لانه التعود على ممارسة العادة السريه قد يتحول الى ادمان, بعض الرجال حتى بعد الزواج يستمر في ممارسة الهعادة السرية لانه لايرتاح الا بها..!
الامر الثاني حاولي بقدر الامكان ان تكون مكالمتكما اوقات النهار وتعذري وابتعدي عن الدلع الزايد والغنج
وحاولي اختيار مواضيع لم تتحدثوا فيها مستقبليه
ووضحي له ان المستقبل يشغلك ومستقبل ابنائكم وكيف سوف تكون حياتكما



احذري اختي ترا المسألة مصير متعلق مو لعب مراهقين
واعتذر عن هذه الجمله ان كنت تجرح ولكنها حقيقة يجب ان تنتبهي لها

موفقه ياختي ان شالله لكل مايحبه الله ويرضاه

انتم بحكم المتزوجين وعجلوا بزواجكم-- اما الصوره فمن حقه

ان كان عنده الاصل الصوره بتنعز عليه؟!!

بالنسبة للطلب ما اؤيد ان توافقيه

بالنسبة للطلب الثاني فاكيد اعطيه صورتك .... هذا زوجك وهذه ابسط حقوقه

لول

بصراحه انا حابه انصحك لوجه الله
شكله كذا يبغي يختبركي
ثانيا مدام بينكم اتصالات مافيه داعي انك تعطينه صوره
وشكله كذا مو جدي يبغى يلعب عليكي وشكراً

__________________
بـدقيقتين فقط


(...اللهم وفقني لكل ماتحب وترضاء يارب العالمين...)

استخيري اختي

و استخيري في زواجك هذا أيضا

اسأل الله تعالى ان يكون زواجا مباركا

مشكلة ( إذا المشكلة خرجت من البيت )


، إيش الكلام هذا يا أختي ؟

غموض إيه ؟؟ ولا تسوي نفسك فرحانة ليه ؟؟ّ !!


تبغى تخربي البنت

ولا إيه ؟؟