بسم الله الرحمن الرحيم
السلام عليكم ورحمة الله وبركاته
عسى ان تكرهوا شيئ وهو خيرا لكم
انا متزوجه صار لي 6 شهور وداخله على 7 دورتي غير منتظمه من اولها عمري23 سنه
اول مره جتني الدوره في سنه 1997 (بكتب قصة حياتي شاسوي)ومن اول ماجتني كانت شهر اي وشهر لا مع اني كنت نحيفه ولا اعاني من سمنه ولا شي وكان عددها 6 ايام
ولما تقريبا بكمل سنه جتني 26 يوم متواصلين ومثل دم الدوره كنت اقول استحاضه حتى المستشفى مارحت
بعدها الشهر ماجت وشهر جت ومثل الشي مانقطعت رحت المستشفى وقالوا لي انتي بعدك صغيره ومو متزوجه ومانقدر نسوي فيك شي وضلت معي 17 يوم وصبرت وتحملت والدوره الثالثه بعد نفس الشي رحت المستشفى كنت اقول يمكن في امل وعطوني حبوب اتناوله لمدة 10 ايام يقطعها وبعد الانتهاء من الاحبوب بعد ثلاثة ايام تنزل طبيعي الحمدلله قطعها (من اتناول الحبوم من اليوم الاول يخففها واليوم الثاني يقطعها واستمر لمده عشرت ايام وبعد العشره بعد ثلاثة ايام تنزل دوره جديده منتظمها ) وكنت كل مره تجيني اروح المستشفى ويعطوني من هذه الحبوب
وبعدها من نفسي قلت مابتناول الحبوب كامل من تنقطع الدوره بقطع الحبوب وبوفر الباقي لدوره الجايه (عن الروحه والجيه للمستشفيات) وضليت على هذا الحال الى لين ما انخطبت . احنا عندنا الخطوبه في عقد قران . جتني الدوره وكان ماعندي حبوب فقلت لخطيبي وقال لي لازم اوديك المستشفى ورحت المستشفى فقالت لي الدكتوره انتي الحين مخطوبه وبعدها بتتزوجين الحين منغير لك العلاج قلت ( الحمدلله جاء الفرج )وكان في سنة 2004
من سنه 1998_2004 يمكن بس مره او مرتين الي جتني فيهم الدوره طبيعيه من غير حبوب
عطتني الدكتوره موعد الى شهر 10/2004 ورحت وخدت مني دم في الموعد الثاني قالت لي كل شي عندك طبيعي ماعدا هرمون الحليب مرتفع عندك قليل وكان 27 وقالت 27 عادي مانحسبه مرتفع وعطتني حبوب اقراص اسمه progyluton ومكتوب عليه لا يصلح لغايات منع الحمل وهو عباره عن 21 حبه 11 حبه لونها ابيض والباقي لونه بني وكل يوم اتناول حبه لمده 21 يوم, ويوم 25 تنزل الدوره والحمدلله تنزل طبيعيه ويوم الخامس لدوره ابتدي في قرص جديد (علبه جديده) وستمريت لمدة 3 اشهر وبعدها قالت لي الدكتوره خلاص منخليك بدون حبوب يمكن تنظمت وقالت لي انتظري الدوره تجيك بنفسها الشهر الجاي
انتظرتها وماجت انتظرت الشهر الي بعده جت ولكن غير منتظمه (علما اني بعرف الدوره المنتظمه من الدوره الغير منتظمه من بدايتها لانه الدوره الي غير منتظمه تجيني في البدايه خفيفه نقطات في اليوم الاول والثاني والايام الباقيه نزيف)
رحت لدكتوره وقلت لها ان الدوره ماتنظمت فقالت منتابع لك العلاج فعطتني من نفس الحبوب لمده 3اشهر وبعد الثلاثة اشهر موعد
تناولت الحبوب لمدة 3 اشهر وكل شهر من يخلص الحبوب اليوم الثالث تنزل وكانت منتظمه , و في الشهر الرابع ماجتني والخامس جتني ونفس الشي غير منتظمه رحت المستشفى وقالت لي الدكتوره بعد بعطيك ثلاثة اشهر وتناولت هذه الحبوب لمده ثلاثة اشهر جدد وكانت تجي منتظمه في هذه الشهور الثلاثه
وفي الشهر الرابع ماجت وفي الشهر الخامس جت ولكن غير منتظمه نفسيتي تعبت قلت مابروح المستشفى خلاص ومليت من الحبوب ويمكن له مضاعفات واني ما ادري
استمرت معي الدوره الى ما يقارب شهر رحت الطوارئ النساء وعطوني مثل الحبوب progyluton لمده شهر واحد من تناولته انقطعت وخلص وجتني طبيعيه
معناتها تناولت هذه الحبوب progyluton لمده 10 اشهر 3+3+3+1=10 مع الاشهر الي كنت انزف فيها وانتظر متى يجي الموعد ومع الاشهر الي ماجتني فيها الدوره
مدة علاجي كامله منه سنة 10/2004_7/2006 معناتها تقريبا سنتين ومانها فايده مليت من المستشفيات
ومن شهر 7/2006 صرت لما تجيني اشتري لي حبوب من الصيدليه مثل الي كان يعطوني اياه المستشفى قبل ما انخطب
(علما باني طول هالفتره كل احس دوخه وكل دمي ناقص حتى يوصل لـ 8 (من النزيف) ولا حياة لمن تنادي ولا حتى فكروا يغيرون لي العلاج )
تزوجت شهر 12/2006 وشهر واحد ماجتني لانه كانت جايتني شهر 12 كالمعتاد شهر اي وشهر لا وشهر
وبعدها رحت العمره وشربت حبوب منع الدوره ورجعت جتني تاريخ 14/2 وطبيعيه وبعدها شهر 3 ماجتني وجتني في شهر 12/4 ولكن الحمدلله طبيعيه من غير نزيف وما كنت منتاوله حبوب :14: وشهر خمسه ماجت والحين شهر 6 ماجت والحين صار لي اكثر من شهرين متاخره رحت المستشفى وسويت فحص وطلع مو حامل وسالت الدكتوره عن سبب تاخرها وقلت لها قصة حياتي قالت لي يمكن عندك تكيس في المبايض وعطتني حبوب metformin 500mg. وقالت لي هذه حبوب السكر بيساعدك وبيعالج اذا عندك تكيس في المبايض وحتى يعدل هرموناتك
وقالت لي الحين صار لك اكثر من شهرين ماجتك الدوره المفروض اعطيك حبوب تنزيل الدوره ولكن ماعندنا (وقالت هذه الحبوب مخلص بسبب كثرة الي يجون يطلبونه لسفر) وكتبته لي في ورقه اشتريه من الصيدليه و للحين ماشتريته
ولا ادري وش اسوي
خايفه اروح اشتريه ويمكن اني حامل مع اني ما احس باعراض الحمل
واول مره تتاخر عليي اكثر من شهرين
واني الحين نفسيتي تعبانه ابي احد يخفف عليي
خايفه من المستقبل

امسامحه يا بنت النيل طولت عليك
وجزاك الله الف خير والله يمن عليك بصحه والعافيه
كتبت لك قصة حياتي


اختك
لوجينا

حبيبتي بنت النيل لها فتره تعبانه الله يشافيكي
ان شاء الله تدخل وتجاوبك
في رعايه الله

__________________
سبحانك اني كنت من الظالمين

ادري انها تعبانه والله يشافيها
والله يمن عليها بصحه والعافيه
ولكن اني من كم يوم شفتها داخله المنتدى وراده على بعض الاسئله

واشكرك اختي فوفو

حببتي الله بي عونك ويساعدك الله افضل من الكل اصبري اصبري وادعي الله يا رب يا رب يا رب فرجك لي والمسلمين اجمعين ااااااااااااااااااااااااااااااااااااااااااامين

الله يكون في عونك أختي وفي أنتظار رد من دكتورتنا بنت النيل على مشكلة الأخت الفاضلة وشكرا..

الى الان انتظرك يا بنت النيل
علما بان الدوره نزلت بتاريخ 27/6 والحمدلله نزلت طبيعي
من تاريخ 12/4 الى27/6
تقريبا شهرين ونص
الحمدلله على كل حال
الله يشافيني ويشافي المؤمنين والمؤمنات اجمعين
ويزقهم ويرزقني بذريه الصالحه عاجلا غير اجلا امين

الله يشافيك حبيبتي

الحمد لله رب العالمين

__________________

أن لا إله إلا أنت سبحانك إني كنت من الظالمين

الهم اني اعوذ بك من الهم والحزن..واعوذ بك من العجز والكسل..واعوذ بك من الجبن والبخل..واعوذ بك من غلبه الدين وقهر الرجال..

الهم اقضي عني الدين واغنني من الفقر

؟؟؟

السلام عليكم غاليتي

جزاك الله خيراً على دعوتك الطيبة ..

طبعا الحبوب المنظمة التي تناولتيها و ان كانت ليست العلاج لكنها منعت عنك الكثير من الاضرار التي كانت يمكن ان تؤثر على مبايضك , و انا شخصياً من مؤيدي تنزيل الدورة اصطناعياً طالما لا تنزل بشكل طبيعي ..

ولكن

مهم ان نعرف الاسباب الطبية وراء عدم نزول الدورة بشكل منتظم شهرياً و نحاول ان نعالجه مع استمرار تناول المنظم الهرموني لانه يساعد على تنظيم عمل المبيضين و استقرار الهرمونات ( قدر المستطاع )

اخشى انك تعاني من اضطراب هرموني و تحتاجي لاعادة عمل فحص الهرمونات من جديد و يفضل في اليوم الثاني من الدورة ..

لاحظت ان الطبيب قالت لك " يمكن تعاني من تكيس المبايض " و هذا المرض ليس فيه " يمكن " بل اما تعاني منه او لا؟ و هو يشخص من خلال فحص الرحم و المبايض بالسونار و رؤية التكيس بالسونار مع فحص الهرمونات و هذا هو الذي يؤكد " يوجد تكيس او لا ؟" في هذة الحالة نعم دواء السكري سيكون مفيد في حالتك و لكنه لا يكفي اذ يجب البدء بتناول المنشطات الهرمونية طالما كنتي ترغبين في الحمل و يتم متابعتك بدقة من قبل الطبيبة المتخصصة ..

اذن ما انصحك به هو ضرورة عرض حالتك على طبيبة في عيادة خاصة و ليس مستشفى و طبيبة يشهد لها بالكفاءة لفحصك جيداً و منه تحديد خطة العلاج المناسبة حسب نتيجة الفحص و الفحوصات الهرمونية و تبدئي العلاج و مع العلاج السليم ستنتظم الدورة و منه يحدث الحمل ان شاء الله ..

مع اهمية الحرص على تجنب القلق و التوتر النفسي فالاحظ انك متوتره و قلوقه بعض الشىء و قد يكون هذا سبب كافي لكل ما يحدث لك دون ان تكوني تعاني من اي مشاكل مرضية ..

و طمنيني عنك ..

__________________

شكرا لك بنت النيل افرحتيني بردك