جبت القصرية في الغرفة ..
و قلت لهم ( مين شاطر يجي يجلس هنا !؟ )

الوسطاني عنيد .. بس يحب التحدي و خاصة من الصغير ..
جري و قال ( اناااااااااا ) و جاء جلس و هو فرحان و يضحك ..
و ما عمل شي ..

الصغير مو راضي .. يتفرج من بعيد و ياشر بيده ( لا )

.
.

هذه اول نص ساعة ..
كيف راح اصبر كمان !!

و اخاف افشل مثل المحاولات السابقة في الأشهر الي قبل : (

.
.

قبل شوية شفت الوسطاني ( يتخبى وراء الكنبة )
عرفت انه راح يسويها .. عرفت حركاته المتعبة

اخدته و جلسته عالقصرية و تشجيع و تصفيق
لكن للأسف .. ما عمل و لاشي ..
طولت و انا استنى و ادري انه - حشران - الله يعزكم
لكن مافي امل

طفش في الأخير و قام و رافض يرجع ..
عيني غفت عنه ثواني .. و اختفى من قدامي ..

عرفت انه رايح يسويها في غرفة تانية و يتخبى مني
و لقيته - تبول - الله يعزكم في الصالة ..

بصراحة ..
ضربته ثلاث ضربات و سحبته عالحمام .. لدرجة زوجي صحي مفجوع ..

ايش الحل معاه !؟
لانه مو اول مرة يسويها ..

قبل كذا عمل - البراز = كاكا - الله يعزكم عالارض
و في الغرف و تعبني .. و يهرب مني و يسويه اي مكان

و اضطر ارجع البسه بامبرز من جديد
و كانك يا زيد ما غزيت

دحين خايف مني ..
اتوقع الصغير راح يتعلم أسرع منه ..

الوسطاني ما يشغل مخه غير في المضاربات و المصارعة و العناد

الصغير كمان سواها على سرواله : (

.
.

الوسطاني رجعته مرة تانية ..
و عرفت السبب ليه !؟

قال لي ( ماما .. يعور )
و هو كلامه قليل أصلا ..

صحيح ..
القصرية ماهي مريحة ..

ابغى اروح اشتري له اليوم نوعية كويسة ..

رحت انيم الصغير ..

و الوسطاني استغل الفرصة و راح سوا - الاوشووو - الله يعزكم
في غرفة الألعاب حقتهم ..

ايش الحل معاه !؟

خاصمته و قلت له ايش هذا !؟

لاني شفته شال سرواله و شفت الارضيّة مبللة

.
.

قام جرييييي بسرعة و خاف اني أعاقبه
و راح جلس في القصرية ..

بس ايش االفايدة بعد ما يخلص !؟
لمتى !؟

*. معليه أزعجتكم ..

دحين رايحة السوق عشان ماعندي أبدا .. ملابس للدوام و اجازة زوجي اليوم ..
لبست أولادي البامبرز عشان الصغير نام .. و الوسطاني حينام بعد شوية ..

طريقتي صحيحة كذا !؟

الله يعينك أختي روح
معليش بتتعذبي شوية بس إن شاء الله يتعلموا بسرعة ، أسبوع المفروض
لا تلبسيهم البامبرز أبدا ، إلا إذا رحت مشوار ويفضل ما تطولي في المشوار

مادام عارف الأوسط وركض جلس على القصرية معناه إن شاء الله قريب يتعلم ، وازعلي منه لما يعملها بثيابه وكافئيه لما يجلس على الكرسي ...
أنا اشتريت له لابني كرسي صغير ينحط على كرسي الحمام الله يعزك
ملون وفيه بطات ورسومات ، كان يجلس عليه ويتفرج عليهم هههه


وبالنسبة للرضاعة أنا رأي خلص لا تعطيه أبدا للصغير ، حتى لو باقي شهر ، هيك تعذبيه أكتر وما تخليه ينسى ...

والله يوفقك يارب ويعينك هالكم يوم ..

__________________

حبيبتي مؤيدة ..
الحمدلله من امس خلاص بدأ يجري و ياشر لي يبغى يروح الحمام ..
لكن وقت ينام .. البسه البامبرز ..

لانه يسويها على نفسه و هو نايم ..
و حتى - الكاكا - الله يعزك اليوم سواها على الارض و راح هرب يتخبى ..

.
.

الصغير لسى بدري عليه .. قلت أدربه لما يكبر شوي ..
و اخليه يشوف اخوه و يتعلم ..

لاني احاول افطمه دحين .. ^^

بالتوفيق أختي روح

لكن بعد الفطام علميه على الحمام مباشرة

عمر السنتين مو بدري أبدا ، هو عمر مناسب ...

الله يحفظهم جميعا يارب ويكونوا قرة عين لك

__________________

تدرين روح اعرف وحده عشان تفطم عيالها تحط مره ع الحلمة مشان تلوع كبده منها

__________________

اقتباس:

المشاركة الأصلية كتبت بواسطة مؤيدة بنصر الله بالنسبة للحمام : أنزع الحفاضة ، وكل ساعة آخذهم للحمام ولما يعملوها أصفق لهم وأنادي بابا يصفق معي وأخوانه الأكبر كمان وأشتري لهم زي كرسي صغير ملون وعليه رسومات ، أحطها فوق كرسي الحمام ، لو تعرفيه يشجعوا كمان ...

جيت أقول كذا،
وإذا حولكم طفل صغير جدا تكلموا أمام ابنك -بغياب الطفل ذاك طبعاً،والأفضل يكون مايفهم حديث ولادة-
بنبرة انتقاص أنه صغيراً جداً لازال يلبس الحفاظة مع ضحكة سخرية مدوية من الجميع،
بعدها تنتقلون مباشرة إلى تفضليه بنبرة إعجاب قوية بالمقارنة مع الطفل: بينما أنت كبير بارك الله تعرف الحمام و تفعل وتفعل..
وبمجرد ما تأخذه العزة بالإثم ..
قصدي يروح الحمام ويجيء تكونين مجهزة مكافأة حلاو مع تصفيق وحالتكم حالة.

استمروا كذا فترة طويلة أيام مب مرة و خلاص،


بعد فترة إذا ماطل ع روحة الحمام
أتحداك تقولين له أنت طفل صغير زي فلان ..
بدون ما ينهار نفسياً خخخ ...
تصيبه في مقتل ،
خلاص
ينجرح كبرياؤه .


أعانك الله.