السلام عليكم

مشكلتي هالمره من نوع اخر

ابي اعرف وش وضعي
انا الحمدلله عندي صديقات كثير
وحاليا عمري 21

بس مشكلتي باختصار
لما تجيني اي وحده من صديقاتي وتقول لي انها انخطبت او راح تنخطب
مدري احس اغااااااار من قلبي
انا للحين مانخطبت وبالعكس وربي افرح لهم من كل قلبي واحرص اني اتواجد وياهم واساعدهم بتجهيزاتهم
وحتى وقت العقد او حفلة الخطوبة او حتى الزواج اطير من الفرحه لهم
لكن بنفس الوقت اغار
والله مو حسد بس افكر انا ليش للحين مانخطبت ؟
يعني معقوله انا مافيني ولا صفه تخلي أي احد يفكر يتقدم لي ؟!
انا الحمدلله راضيه بقدري وبنصيبي حتى لو ما تزوجت
بس مدري ليش يجيني هالاحساس

وخصوصا لما وحده فيهم تسألني تقول لي انتي ليش للحين مو مخطوبه ؟
معقوله محد تقدم لك من قبل ؟
يحز بخاطري هالسؤال
مع اني والله صغييييييره وما بقول اني متأخره ع الزواج او شي كذا
لكن اغلب اللي معاي واهلي ماشاء الله تزوجوا بهالعمر واقل

سؤالي ؟
هل احساسي هذا طبيعي ؟ او فيني مرض ؟

أعتقد السؤال موجه للبنات ، لكن أنا أتوقع انه طبيعي جدا !

__________________

عادي طبيعي حالتك الأغلبية مثلك ..

__________________
ما نال أحدٌ من الفضلِ في مالٍ أو جاهٍ أو علمٍ شيئًا بكسب يده، لكن الأمر كله لله، يُقدّم من يشاء بفضله، ويؤخّر من يشاء بعدله.

طبيعي حبيبتي
بس حبيت انبهك طريقة تفكيرك هآذي هي اللي تخليك تغاري
لاتسمحي لهآذي الافكار تجي في بالك عشان ماتتعبي(=

أنت إذا حطيتي الموضوع عقده فصدقيني راح تتطور الأمور وتصبح أكثر من غيرة
مازلتِ صغيرونه ولعل قسمتك ونصيبك أحلى وأحسن من اللي انخطبن
انت بس احسني الظن بالله وما عليك ولا تفكرين كثير في الموضوع وتخلينه شغلك الشاغل
وابعدي عن الناس اللي يثيرون حفيظتك مؤقتاً ويسألون أسئلة أقل ما يقال عنها سخيفة
لحد ما تشحنين نفسك إيجابياً وارجعي خشي في عيونهن
وقيمتك أكبر من انها تظهر إذا انخطبتي ولا تزوجتي
قيمتك أعلى ووجودك أسمى
ولا تحطين العقدة في المنشار تبتلشين
وعيشي وتونسي وانبسطي وفليييييها فيما يرضي الله طبعاً

اللي مكتـوب على الجبيــن لازم تشـوفه العيـن ..
بتنخطبيـن ياقلبـي ..
وبتفرحيـن وبتشاركيـن صديقاتك فرحتك ..
..
رسخـي شي واحـد في بالك وتفكيـرك ..
كل أنسـان يأتيـه نصيـبه..
يختلــف بالزمـن ولكن ..
لايمحيـه القدر..
..
لا تستلميــن للوسوسـه .. وكوني مع ربـك ..
وبأذن الله تلقيـن نصيبـك ..

__________________

ياخ’ـيـل..أنا فيك هـمـ ـ ــ ـ ت’’
وعـشـ ـ ـ ـقي لك’’ ورثـتـه من ورث جـــدودي ’’’’’

ياحبيبتي مداآآم انك بتفرحي لهم وتساعديهم وكل شي ,’~
فأشوف انه عايدي ,’~

الله يزوجك عاجلاً غير اجل بالزوج الصالح اللذي يقر عينيكِ =)

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

اختي طبيعي اللي تحسيه وصدقيني رزقك بيجيك لاتخافي
حيجي اليوم اللي تفرحي فيه ان شاء الله

__________________
اللهم فرج همي

حبيبتي

عمرك 21

ماشاء الله

الله يوفقك يارب

طبيعي تغارين

لكن لاتسمحين للغيره تسيطر عليك

بكلمك عن نفسي عمري في العقدال30

وبنات قريباتي وزميلاتي أصغر مني بكثيييييييييييير

والله في ال20 تزوجن ومعهم عيال

ما أغار

لكن في قلبي أتمنى أني أتزوج

يعني أنتي

تمني أن ربي يرزقكك

مو تغارين اح تتعبين


الله يرزقك ويرزقني بزوج صالح من حيث لانحتسب

__________________
الله يصبرني على فراقكم يا أهلي
الله يجمعني معكم بالقريب العاجل

كل اللي ردوا علي واكرموني بدعواتهم
اللهم آمييين
والله يجزيكم كل خير على ردكم وكلامكم اللي يريح
وبإذن الله راح اسوي اللي نصحتوني فيه

ويااارب ترزق كل وحده من الاخوات اللي ما تزوجوا بالزوج الصالح

انا ادري ان تفكيري غلط
بس بنفس الوقت ساعات اتضايق اقول ليش محد دق بابنا حتى لو ما صار نصيب !!
بس مثل ما تفضلتوا .. انا للحين صغيره وحتى لو كل شيء بيد رب العالمين وانا راضيه بقدري ومتفاءله ان اللي ربي مقدره لي هو الخير لي