تدرين صرت اذا قال شي يبيني اسمعه بدون سالفة اقناع

اقوله نقاش والا بدون ؟ يقول بدون والمشكله فوق هذا ينفعل ويبدى يامرني اسوي اي شي علشان يشوف للحين على عنادي برايه او لا

انا اضحك جوات نفسي لاني عارفة ليه يسوي كذا واقوم اوجبه,, فوق كل هذا ياكلها جمر ووقت الزعل يعيدها كاني كنت اعانده

وش رايك ؟


طبعا لو تشوفينا واحنا نتكلم تقولين هذيلا كناري وانواع الهدوء

بس الحوار كله تكابرين ,, تعاندين ,, اعرفك زين

طيب خل لي فرصه اثبت عكس ما تقول ولو اني مادري شلون اثبت

الله يعينك حبيبتي

وماشاء الله اهنيك ع تحكمك باعصابك

بهالمشكله ماني محل اسداء نصيحه لاني امر بنفس التجربه وامكن اشد

بإنتظار تمارين رجل الرجال عل وعسى تنفك عقدتي وعقدتك

خالص الود

ابنتي الكريمة
أكتبي عبارة كبيرة بدل الصورة
أبي ليس زوجي
وعلى الجدار الآخر زوجي ليس أبي.
وإقرئي كل جملة بصوت مسموع لك عدة مرات.
ابنتي الكريمة ريموت خربان
كيف تبغين الأمور تصلح والريموت خربان؟
قد لا يناسبك التمرين:
حيث يتضح لي أنه لا يوجد لديكِ ما لدى الإبنة الكريمة دنيتي بنتي؟
ويظهر لي أن زوجك عنده فقد قليل لثقته حيث يريد أن يثبت لنفسه أنه الزوج المسموعة كلمته
ويظهر لي أيضاً أن فرق الذكاء لصالحك وهو لا يحتمل ذلك.

__________________

لتوفير الجهد والوقت للجميع :
1- كتابة الوقائع ثم المشاعر ثم المطلوب.
2- ما أقوم به هو التعامل مع عقل صاحب أو صاحبة المشكلة وشخصيتهما ونظرتهما للحياة لترقيتها للأفضل بإذن الله على ضوء ما يكتبان هنا.
3- لا بد أن تكون لدى صاحبة أو صاحبة الموضوع الرغبة في القبول بالنصح والرغبة في التغيير لا طلب الدوران معه على محور شكواه والبكاء معه.
4- لا يمكن بعد الله أن أعدل من ظروف الكاتب أو من شخصيات أطراف العلاقة في مشكلته إلا بتواصلهم معي هنا شخصياً.

ههههههههههههه لا لا ماله خص يوزري بالواقع

لانه يوم اسجل مالقيت اسم وكان قدامي ريموت الرسيفر خربان قلت اجرب وسجلني

ممممممم اما من ناحية ثقته بنفسه فما اتوقع لانه ماشاء الله يحتل مراتب ومناصب في المجتمع

و ذكائه حاد

ولو اني لا اريد ان ادخل في هذه المتاهه واغتاب لكن يجب توضيح نقطة

بزواجه الاول مر بتجربة كان بينه وبين زوجته(( يا انا يا انت )) وترتب عليها مشاكل كثيرة وعدم الاخذ براي الزوج ,, الى انه قرر يتزوج ثاني مرة

لكن انا مو المفروض اكون ضحية سوابق

اسوي كل اللي يبيييه ,,

حتى قلت له كل اللي تبيه مسمووووووووووع اشتبي اكثر قلي والله مستعدة اسويه بس لا تقول عنيدة اكره هالكلمة

وهالحين عندي ولد بدت عليه بوادر الشخصية فيقول ايه مالومك ماخذ عنادك من امك !!

اخر شي قمت اتكلم بكل اللي في خاطري وارمي بظهري كلمة عنيدة لاني قمت اتنازل عن اساسيات علشان لا اكون بعينه عنيدة

والحمدلله حياتي تعدلت وزانت لكن ماحب يكون في قلبه اني اكسر كلمته واني احط راسي براسه

فهو بالنهاية زوجي حبيبي ابي اكون بعينه نعم الزوجة الصالحة اللي طالما تمناها

حلووو

ومن احين جالسه اردد الجملتين .. بس كيف اعرف انه نفع التمرين ضروري بعد شجار يبان تأثير التمرين علي ؟؟ < الله لايقوله

دنيتي بنتي مو كأني خربت موضوعك بس شفت سالفة العناد فار دمي هههههههههههه

والله زوجي طيب ومب مقصر ويحبني بس لو هالعقدة منه تروح كان انام بسلااام لاني عارفه جواته يقول عنيدة لو سايرني

فدوتن لك الموضوع ولو عزيزتي

وعن كلامك لو اني مكانك يقول لين بكرى دامه مايطلع بصوره بشعه وقت الزعل ويجرح بالكلام وكذا " واتحمل جزء كبير مثل ماقلت"

فانتي دامك بسم الله عليك تقدرين تضبطين حالك وقت الزعل وهو ماعنده الا هالكلمه والله ماكان تضايقت خصوصا اذا مثل ماتقولين مسايرته وبس يرددها .. احسه يبي يحطمك وحاسك افضل منه فيبي يهز ثقتك بنفسك وانه ماتشغلين نفسك بعيوبه تنشغلين بعقدة العناد اللي نسبها لك

مشيله مشيله الحياة عاوزه كده

والله يسخركم لبعض

تسلمييييين حبيبتي ماقصرتي

انا معك مالي الا اسايره بس انتي عارفة ومجربة مرارة هالكلمة وخاصة انك مب مقصرة وتتعبين علشانه,,

اللهم امييين وربي يعطيك مثل مادعيتي لي واكثر حبيبتي

ابنتي الكريمة
هاتان العبارتان ملف تم وضعه في عقلك ويحتاج العقل إلى مدة يومين أو ثلاثة حتى يستوعب الملف الجديد ويعيد تريب الملفات القديمة من أجله مع ملفات عشوائية مثل عدم تصديقك جدوى التمرين وتقييمك لي وتصورك ردات فعل من حولك عما تفعلين وما ترغبين كتابته هنا.
إذا عقلك الآن مشغول فأعطيه فرصه ليرتب الأمور وستجدين النتيجة خير بإذن الله فقط رددي العبارتين.

__________________

لتوفير الجهد والوقت للجميع :
1- كتابة الوقائع ثم المشاعر ثم المطلوب.
2- ما أقوم به هو التعامل مع عقل صاحب أو صاحبة المشكلة وشخصيتهما ونظرتهما للحياة لترقيتها للأفضل بإذن الله على ضوء ما يكتبان هنا.
3- لا بد أن تكون لدى صاحبة أو صاحبة الموضوع الرغبة في القبول بالنصح والرغبة في التغيير لا طلب الدوران معه على محور شكواه والبكاء معه.
4- لا يمكن بعد الله أن أعدل من ظروف الكاتب أو من شخصيات أطراف العلاقة في مشكلته إلا بتواصلهم معي هنا شخصياً.

ريموت يسلمك ربي

وجزاك الله خير غاليتي

رجل الرجال

صدقني والله ارددها وكثير بعد وكل ماطاحت عيني بعين زوجي قلت هذا زوجي مو ابوي "بطلي تزعّل بطلي تحسس بطلي عناد اسمعي كلامه مابينفعك لازعلتي واصبتي بخيبة امل من عدم مبالاته" < يظهر اضفت الكثير غير الجمله بس اهم شي جالسه اقنع روحي واحاول اسوي كنترول ع حالي

وبإذن الله يعدي الاسبوع بدون مشاكل "اتمنى هالشي"

اشكرك استاذي