أخي الكريم

أولا الله يوفقك في حياتك ويكتب لك الخير أينما كان



لكن لي تصور أو أنطباع مما قرأته من بين السطور من خلال ردودك

1-يبدو أن دراستك أو تخصصك له تأثير عليك في طريقة تفكيرك وتعاملك مع الامور


2- أنا واثق ثقة تامة أن جميع خططك لتغيير زوجتك _ على الأقل حاليا _ لن تنفع ابداااا


3- أنت انسان عاقل وعاقل جدا لكن تفتقد للحزم


4- المشكلة تكمن في طبيعة وتفكير زوجتك ولولا تفكيرها وقلة عقلها لما صارت المشاكل


..........................................



تنويه واشاارات

يقول المثل ( أقطع عرق وسيح دم )



العود من أول ركزه



استأسد تكن أسدا

__________________
كل ابن أنثى وإن طالت سلامته يوماً على آلةٍ حدباء محمول

ثم ترسل لها رسالة ؟؟؟

أخوي ،، اسمح لي اتكلم بصراحة و لا تزعل لإنه بيكون اخر رد لي إن شاء الله

- إنت مالك قيمة عند أهل زوجتك ، و الدليل إهانتهم لأختك العروس ..
و الدليل عدم تصرف أمها يوم زوجتك طردتك
و الدليل عدم اتخاذ أي موقف منهم تجاه زوجتك يوم إنها سافرت و ما أعطتك خبر أو استأذنت
و كل شئ يدل على الشئ هذا

و إنت تضحك على نفسك و تقول ماحد يقدر يلوي ذراعي
و تقنع نفسك و توهمها إنه ماحد يقدر و إنك عند كلمتك و إنك و إنك ..
مجرد أوهام توهم نفسك بها ، علشان تضحك على حالك

لكن الواقع و اللي الكل شايفه وو اللي الكل عايشه
إنه زوجتك ماهي عاملة لك و لا لاهلك أي مقدار ..


تبغى تسألها ( تريديني ؟؟؟؟؟؟؟؟؟؟؟؟؟؟ )

يعني هذه نهايتها ..؟؟؟ هذه نهاية الصبر ..؟؟؟؟

لا بتسمع لنصايح الأخوان و لا الأخوات .. و تخرب بيتك بيدك ..

مرة تبغى تجيب هدية بعد ما طردتك و رمت بنتك .. و تضحك على نفسك و تقول راح أقول لهم مو علشان الصلح
لكن بداخلك علشان الصلح حتى لو إيش ما قلت .. لكن معناها الإعتذار و الصلح

و بعد ما سافرت من غير إذن منك و لاشئ ..
تجي تتصل على اخوانها تبحث عن صلح و كأنك إنت اللي غلطان مو هي
و تقول أبغى ارسل لها مصروف .. كأنك تقولها ( زيدي كمان )

اسمح لي ، لو واحد غيرك ..
يقفل جواله و لا عاد يسأل و لا يدور عنها و لا عن أهلها و يخليهم ينحرقوا

و دحين تقول ، أرسل لها رسالة و أسألها تريديني ؟؟؟؟ كأنك تترجاها و تنتظر رحمتها ؟؟؟؟؟؟
بدل ما تحسسها إنك ( بايع و مستغني عنها )
و تضحك على نفسك و تقول : وهذا لا يغير من موقفي الحالي واصراري ...ولن يغير ..

معليه ..
اصحى و شوف الواقع اللي إنت عايشه ، و شوف حياتك و واقع اللي بتخربه بطيبتك الزايدة

و للأسف ، طيبتك تتفسر عندهم شئ تاني ..
تتفسر إنك شخص بدون كرامة و تنهان و تسكت ..

تبغى تحط لها أي مبرر علشان ترجعها ،،

في الأخير .. و سامحني على كلامي ..
ولدي طفل مازال .. لكن لو كبر .. عمري ما أتمناه يكون بمثل تصرفاتك و لا أبغاه يكون طيب بالشئ هذا ..
كرامته تندعس و هو ساكت و راضي

ترسل لها و تقول لها ( تريديني ؟؟؟؟؟؟؟؟؟؟ )


إيش تستنى منها ..؟؟؟ تشتمك بيوم قدام أأمك و ابوك و وقتها تقول اسامحها علشان الناس ما تتكلم ..؟؟؟
لا تخلي كلام الناس ( مبرر لنفسك ) علشان تقدم تنازلات

كلام الناس ،، ترى الناس من زماااااااااااااااااااااااااااااااااااااااااان جالسة تتكلم ..
على بالك زوجتك يوم تشتكي لأهلها ،، الكلام عنك ما يوصل لأخواتها و أزواج أخواتها و أخوانها و زوجاتهم ؟؟؟؟؟؟؟؟

ليه سكت لها يوم كانت تنقل لأهلها كل شئ و رضيت
و دحين يوم عمك تكلم ، قمت انقهرت ؟؟؟؟؟؟

مو هي من يومها تتكلم و سيرتكم على كل لسان ..
مو لإن الناس ساكتة قدامك .. يعني ماحد بيتكلم .. زوجتك يوم تنقل لأهلها ،، الكل بيتكلم عنكم
إيش معنى دحين ما تبغى النااس تتكلم ..؟؟؟

تبغى ترسل ، ارسل لها ..
لكن حذرناك كلنا .. زوجتك هذه الله يعينك عليها و إنت اللي بتخربها بتصرفاتك و تعاملك
و طبيعي إنها ما راح تعتذر ، طول ما إنت كذا تصرفاتك .. و مافي شئ يخليها تعتذر لك

تخاف من تصرفات أخوها ليه ..؟؟؟
ماسك عليك شئ ..؟؟؟؟

غلطوا عليك و ما رضيوا يسمعوا لك ، خلاص حريقة ، بكيفهم ..
إنت عملت اللي عليك و بريت ذمتك ..

و ماله داعي تدخل أحد يتكلم عنك و بلسانك ..
عندك لسان ، تكلم بنفسك .. إنت مو بموضع دفاع ،،
إنت بموضوع تطالب فيه بوضع حد لأختهم و تصرفاتها

لا ترضى لأحد يغلط عليك
خليك ( حاااااااااااااااااااااااااااااااااااااااااااااازم ) .. هذا الشئ ينقصك و هو اللي مخرب عليك حياتك
اجلس مع نفسك الفترة هذه ، و أسأل حالك كيف بأغير من شخصيتي ..؟؟؟
كيف اتعامل بحزم مع المواقف ..

و الله يعينك ..
نكرر .. لا ترسل شئ لها ..

خلاص هم خليهم دحين يسألوا عنك ، إنت اتفقت معهم على موعد محدد ..
ما دقوا عليك ، مو تدق إنت عليهم ؟؟؟؟؟؟؟؟؟؟

هم يدقوا ، وو إذا طنشوك .. فخلاص عملت اللي عليك و احتفظ باللي بقي من عزة نفسك و كرامتها
و لا تسمح لأحد إنه يهين كرامتك و يدعسها

لو الكرامة بينك و بين زوجتك ، كنت قلت لك مافيش كرامة بين الزوجين

لكن الموضوع خرج و إنت اتهنت قدام أهلها و هي اللي ااهانتك أكثر من مرة

الاخ الاخلاق
في سؤال جوهري اعتبره

لو زوجتك ماعتذرة وقالت مستحيل اعتذر برجع كذا ايش راح يكون موقفك ؟؟؟؟؟؟؟؟؟؟؟؟؟؟؟
ايش بتسوي بترجع وتحاول تناقش اهلها

او بتتركها
ماابغى اعرف الجواب قد مايهمني انت تجاوب على نفسك وتعرف انت ايش تبي تحديدا ؟؟؟؟


وجهة نظري
انك ماتسألها ولاتهتم اذا تبيك او لا والحين خلاص الكرة في ملعبهم لاتحاول تسوي شي وحاول تحرق اعصابهم شوي
يعني اذا دقو عليك لاترد على طول .’’طول بعد ساعتين حسسهم انك ممكن تبيع في اي لحظة ومو فارقة معك زوجتك وحسسهم لو تبي ترجعها بس عشان البنت وانت نفسك عافتها من بعد الطرده

أختي ليش تقولي آخر رسالة ..تزعليني ..


أنا يا أختي الكريمة ...لما أكتب فكره جتني ....فقط أريد أراءكم فيها ..أدري أنكم جميعا اتفقتوا على عدم الإرسال لها ...ولكن الحقيقة تحركات أخوها خربطتني ...

وكلامك مقنع 100% يا أختي .


ولهجتك أفهمها والله ...أنك مو قصدك تتكلمي فيني ..ولكن تريدين إيصال الرسالة بطريقة تجعلني أستشعر الموقف ...وهذا ما قامت به رسالتك ...

فشاكر ومقدر اهتمامك أختي ...وأنا لا أستغنى عن مشورتكم ...وفي حاجة إلى عقولكم وتجاربكم ..



تحياتي .

حتى لو ما بغيتي أكتب الجواب ....راح أكتبه ..


إذا قالت مستحيل تعتذر ....فأنا راح أشوف لي بنت الحلال اللي تسعدني وأسعدها ..

وهي تضل جالسه ...لين ما يطيح الحطب اللي براسها وتبي ترجع ...حياها ترجع ولكن اعتذارها قبلها بل هالمره راح تقدم اعتذارت وليس اعتذار ...

كلامك مقنع ,....أنا أبحث عن القناعات .


بالنسبة لأخوها ماسك علي شيء وما ماسك علي شيء ....قلتها من زمان الحمد لله أملك من الشجاعة ما يمكنني بها مواجهة أخطائي والاعتراف بها هذا أولا ..

وأنا ما أقصد تصرفاته ....أقصد سياسته في السعي في حل المشكلة عليها علامات استفاهم ...هذا ما أردته ..

وليش أخاف يا أختي ...وأنا أتحدى أي عاقل على وجه البسيطة يقول الحق مو معي ..ويكفي أني أنا مقتنع بأن الحق معي ...وأن الخطأ راكبنها من ساسها إلى راسها .


تحياتي,,

تخصصي إدارة استراتيجية

الله يعينك على أسلوبك واسلوبها

__________________
كل ابن أنثى وإن طالت سلامته يوماً على آلةٍ حدباء محمول

لو لم أكن أسدأ قبل ردودكم الأخيرة لأصبحت أسداً بعدها ...


شكراً لكم أخواني وأخواتي ..


ويشهد الله أن جميع مشاركاتكم هي محل اهتمامي وتأملي ...ولا أقدم على شيء إلا بعد التأمل في ردودكم ...فلا تحرموني منها ..


أنا ألحين أنتظر جلستي معهم ......ولا راح أسوي أي شيء ... وبروق .