قسما بالله لما صاحبة الحادثة قرأت الردود قعدت تصيييييييح بحرقه والله انها تكسر الخاطر لكن تعرفون شنو

السبب الرئيسي اللي سكتها طول هالسنوات ان هي تربت على ان المشاكل الزوجيه مهما كبرت غلط انها تطلع

برا البيت وتحسب ان هذا الغلط الفادح منه هو من ضمن المشاكل اللي تنحل بين الزوجين... من ناحية ان اكيد فيه

سبب قوي يخليه يسوي اللي سواه فوالله العظيم ان مافيه سبب فادح يمكن كان لغو بالكلام وبعدها هو زعل ...وصار

موضوع الالبوم وحط حرته فيها وعلى فكره كانت حامل بالشهر الخامس وسبحان الله مكتوب لهالمولود البقاء على

الضرب اللي شافته

ملاحظه (تحب امه وشايلتها بعيونه تحب ابوه لدرجة انها تدلك رجوله وتحك له شعره تحب اهله وخواته نفس خواتها

تقعد الصبح قبل الكل وتجهز فطوره تلبسه ملابسه وتطلع شماغه و تحط له نعاله كرمكم الله عند رجوله تاخذ دهن

العود وتمسح شواربه يجي من الدوام غداه جاهز ينام يقعد المغرب واحيانا ينام لليوم الثاني وماتحط بفمها لقمه الا

وتوقظه تأكله حتى بفراشه ترسل له احلى كلام الحب عشان تعيش نفسها بوهم الحب الحقيقي تشتري له احلى

الهدايا وتسوي له احلى المفاجآت بكل شي مهتمه بنفسها حتى اللي حواليها يقولون له انتي ماتزهقين من الكشخه

واشياءواشياء )واخر موقف صار لها الليله حطت العشاء وكان وقعدته من النوم وقعد مبوز ويصرخ فالعيال واستأذن ولدها

ان ياكل قال ليش تستأذن كاهو الأكل قدامك وقعد يصرخ ماقدرت المسكينه قالت له بشويش عليه هو قاعد يتعلم

الحين قالها جب ولا كلمه لاضربك بالصحن على راسك المسكينه حذفات لقمتها وراحت غرفتها تبكي لان الموقف صار

لها قدام عيالها وتموا يسئلونها ماما ليش تبكين قالت بطني يعورني الحين باخذ دوا وبيخف ... واسفه عالاطاله

تكفون ابي تعليق او رد ممكن يساعد هالمسكينه والطيبه واللي مافتحت عيونها الا على هالزوج

الله معاك

من ناحيتي انا تعليقي وردي هو

حسبي الله ونعم الوكيل ورأيي هو نفس رأئئ السابق

كان الله بعونها وبعون اطفالها

حسبي الله ونعم الوكيل

اخوك
هلال العالم

__________________

يا اختي كل ما ذكرتيه هو اعراض المشكله .. المتمثله في الضرب والشتم ..

لكن يا اختي لازم صديقتك تتأكد من الاسباب ..

لازم صديقتك تفرّق بين الاعراض و الاسباب ..

ما هي مسببات الضرب عشان تتجنبها قدر المستطاع ..

الحل انها تتكلم معه و تقول له انا ماراح اسكت على هذه المعامله اللي راح تدمرني

و تحطمني و تدمر وتحطم ابناءي .. راح اشتكيك عندي اهلي ..

و مو بس تهدد ولا تنفذ .. لازم تنفذ عشان يرتدع و يعمل لها حساب ..

في بعض الامور لا اشجع الزوجه بان تفضح زوجها ..

لازم تصبر عليه و تحاول تحل المشكله ..

لكن اذا جات على الضرب فهذا امر ما ينسكت عليه .. لازم الوحده من اول مره

يمد زوجها يده عليها تشتكي عليه ..

قولي لها تقوي قلبها و تتصرف بحكمه ..

يا أختى لو ماهى قادرة تخرج من البيت لحالها خليها تتصل على أحد من أهلها ( امها - ابوها - خواتها) وتخبرهم الموضوع بالتليفون وتخليهم ييجوا عندها البيت و ياخذونها فورا ولا يكلمونه حتى يتصل او ييجى هو المهم أحد يوقف جنبها.
هى بروحها ما راح ينفع ولا تتهاون أبدا .
أيش يعنى يضربها وهى حامل !!!! الله المستعان . هو ما يدرى ايش ممكن يصير لها وللجنين . حسبى الله ونعم الوكيل.. هو صاحى للي يسويه!!!
وأبغى أعرف ايش موقف أمه اللى شافتها بهالحاله وليش ما تكلمت مع ولدها او دافعت عن المسكينه هاى!!!!

ليش ساكته عليه؟؟؟؟؟؟؟؟ ليش ما تركت البيت و
راحت بيت اهلها من اول مرة و فضحته عند اهله. ليش صابره على الاهانه
اهي اللى شجعته على كذا. المفروض تترك له البيت و تروح عند اهلها و
ابوها و اخوانها يوقفون له حتي لو في مشاكل بينهم ما توصل للضرب المبرح.
اللي يضرب زوجته انا اشوفه مو رجال و يكون ضعيف شخصيه يعني ما يصير
التفاهم الا بالضرب.
الله يعينها على ما ابتلاها

تصبر على على تقصيره في أي شئ إ لا الضرب لازم توقفه عند حده السكوت يخليه يتمادى تقف تقول أنا ماني عبدة عندك تضربني ولا جيت درب معصية عشان تؤدبني وما اسمح لك تمد يدك علي وترى واراي أهل بيوقفونك عند حدك بس ماحكيت لهم والصبر له حدود بيت أهلي أعيش فيه بكرامة ولا بيتك إلي أعيش فيه بذل وعيالي ماراح يضرهم الطلاق أكثر من ضرر أنهم يشوفون أمهم تنضرب قدامهم وتنشأ عندهم عقد

الله يحميها من شر هذا الذي يسمى بانسان ..

انا لا تعليق لدي لأنني ضد العنف بكافة اشكاله

و هذه معاملة غير انسانية بتاتا ..



و اما بالنسبة للاخ رقم واحد :


لا يوجد مستحيل , بل في الكثير من الأحيان لا تفعل المرأة اي شيء و تنضرب و تنظلم ..
هذا ليس كلامي الشخصي بل مبني على الابحاث و التقارير العلمية الاجتماعية و النفسية ..

و حتى اذا لم تقم المرأة بحقوقها فالضرب بطريقة وحشية اسلوب متخلف لا يمت للانسانية بصلة و هو مخالف لديننا و للتشاريع القانونية البشرية أيضا ..

__________________
اللهم تقبل دعاء

الله بيعاقب اللى يضرب حيوان او يسىء الية فما بالك الزوجة المطيعة
الله يصبرها

__________________