|
المشاركة الأصلية كتبت بواسطة Crestalla
عارفه يا روح الغالي انا مارح اقولك انه انتم يا حظكم فاضيين ماعندكم التزامات ومن هذا الكلام لاني جربت احساسكم قبل اتزوج ..بس عارفه انتي بتطالعي على الجانب الوردي فقط من الزواج ما طالعتي الجانب المظلم واللي هو شيء مفروغ منه كل الزواجات اللي على وجه الارض لازم تمر فيه ..فيه ناس بتمر على هذا الجانب بسلام وفيه ناس بتدخل فيه ولا عاد بتطلع منه بل تدفع الى دوامه ثانيه..
الدعاء فالدعاء فالدعاء وكل شي نصيب.. اقولك قصه طريفه ابوي كان دايما يعملها معايا ،، احيانا القاه يطالع بجبيني بتركيز فاقوله : ليه يا بابا كذا تطالع جبيني ..فيرد عليا وهو يضحك : باحاول اقرى اسم زوجك بس ماني لابس النظاره وموشايف كويس بس كاني اشوف يا محمد يا احمد يا وليد ..وانا اضحك عليه واللي يضحك ولا اسم من الاسماء اللي قالها كان اسم زوجي منهم ![]() عموما على قولة المثل اللي مكتوب على الجبين حتشوفه العين.. وانا اول امس كنت في مكه في الحرم ودعيت لكل بنات المنتدى مع اني ماعرف ولا وحده منكم شخصيا لكن حبيتكم من ورى الشاشه وبصراحه ما كنت ناويه اقولكم على الدعاء عشان كنت ابغاها (دعاء في ظهر الغيب) واسال الله القبول.. بالتوفيق.. |
المشاركة الأصلية كتبت بواسطة الهوى نجدي
الدعاء الدعاء اختي اللهم إنى أسألك بأني أشهد أنك أنت الذي لا اله إلا أنت الأحد الصمد الذي لم يلد ولم يولد ولم يكن له كفواً أحد اقض حاجتي آنس وحدتي فرج كربتي اجعل لي رفيقاً صالحاً كي نسبحك كثيراً ونذكرك كثيراً فأنت بي بصيراً. يا مجيب المضطر إذا دعاك احلل عقدتي آمن روعتي يا إلهي من لي ألجأ إليه إن لم ألجا الي الركن الشديد الذي إذا دعي أجاب هب لي من لدنك زوجاً صالحاً وجعل بيننا المودة والرحمة والسكن. فأنت علي كل شئ قدير يا من إذا قلت للشئ كن فيكون. ربنا آتنا في الدنيا حسنة وفي الآخرة حسنة وقنا عذاب النار. وصلي اللهم علي سيدنا محمد وعلي آله وصحبه وسلم. آمين يا رب العالمين |
المشاركة الأصلية كتبت بواسطة ابو فراس النمري
اختي في الله ..
الزواج هذا ارزاق ..والله انه ارزاق ![]() انا ابذكر لك قصة يمكن تخفف عنك شوي .. الحمد لله انا ماينقصني شي ابد .. الله عز وجل انعم علي بنعم كثيرة لاتعد ولاتحصى من مال وشباب واهل ونسب وعلم ووظيفة ... ولكن قبل ان اتزوج كنت ارى بالشارع مناظر غريبة شوي .. ![]() كنت اشوف واحد راكب سيارة مقربعة وعنده اطفال بالمقعد الخلفي وهو سبحاااان الله لاجمال ولا اناقة ولا شي .. بس جنبه زوجة بمنتهى الجمااااال (لأنها كاشفة وجهها) وماافي اي توافق بوجهة نظري بينهم.. بس عاد ايش تقولي غير ارزاق .. ومنظر اخر شفته بالشارع ايضا .. واحد شاب من كثر ماهو وسيم لفت انتباهي.. شفته ماشي مع زوجته وهي من جنوب شرق اسيا ومافي اي مقارنة بالشكل ابد (بعض الملامح الشرق اسيوية قد تكون حلوة ولكن اللي انا شفته شي عجيب والله ..قبيحة بمعنى الكلمة) استغفر الله ..وعيالهم شبه الام الله يجزاها بالخير .. ![]() ![]() وقد يقول قائل (انتا ويشفيك تناظر ببنات الناس بالشارع ) ![]() ![]() والله ياجماعة كلهم كاشفين وكانت نظرات سريعة وتكفي لصنع صورة وانطباع سريع عن احوال الناس . اعتقد انك فهمتي الان ايش اقصد .. اقصد اني كنت اشوف نعمة الله اللي انعمها علي واقول (انا ايش ينقصني واكون مثل هذولي) ؟؟ ودي بزوجة ولو كانت قبيحة او عمياء او صماء او حتى .... ولكن الحمد لله ..رزقني الله بعد الدعاء والابتهال اليه بزوجة رائعة بمعنى الكلمة ومطيعة الى ابعد حد. اكيد ان الفترة اللي مرت عليك وانتي تنتظرين العريس كانت مشحونة بإستعجال مجيئه خاصة وان زميلاتك وقريباتك الاقل منك جمال ومال قد تزوجن ورحلن الى بيوتهن.. ولكن والله الزواج هذا ارزاق بقووووة .. وعلشان يرزقك الله الزوج الصالح اكثري من الاستغفار بالليل والنهار .. والف مبروك مقدما ان شاء الله |
المشاركة الأصلية كتبت بواسطة كبريائي
وعليكم السلام كيف حالك ياروح الغالي وحشتيني والله ... دخلت المنتدى وانا صدري ضايق وبالقوة قلتلهم باروح بيت خالتي باستخدم النت لاني طفشانه وعلى طول دخلت على موضوعك .. تصدقين عمري مافكرت في الزواج ... لما كنت في الثانوي كان الكل يتوقع انا اول واحدة اتزوج ويتكلموا عن زواجي حتى الاستاذات يعني نفس حالك ... وكنت اضحك واقول لسه بدري مايصير ... دخلت الجامعه انا وصحبتي بس من دفعتنا اللي اتخرجت والباقين مادخلوا تخيلي .. شوية شوية الكل بدا يتكلم ليه ما اتزوجت ؟ كل البنات اتزوجوا الا كبريائي .. غريبة اتوقعناها اول واحدة لدرجة انه في مرة من المرات خالاتي كلهم كانوا متجمعين وكنت جاية من السفر مبسوطة ولما دخلت شهقوا وقالوا الحمد لله اتزوجنا والا كان بنت ( ابوها ![]() طبعا عمري ما اتقدملي عريس الا بس هذي المرة واحس الدنيا كلها اتقفلت في وجهي ماطلع زي احلامي ... ترى اللي تشوفينه وتحلمي بيه شئ طبيعي مرة ويمكن انا اكثر منك والسبب من اللي حوليا بس يتكلموا وشايلين همي متى تتزوج هذي البنت ؟.. ولله صرت داخلة خارجة صاحية نايمة احلم في الزواج وصرت افكر لما تبدا الدراسة اخاف مستوايا يطيح والجداول خلاص نزلت واحس الدنيا كلها سوداء الليلة ... يعني ترى مو انتي لوحدك .. الفرق الوحيد بيني وبينك اني انا في سن المفروض هذا الشئ مايكون اكبر همي ... سامحيني طفشتك وكلامي كثير وانتي تبغى احد يصبرك ويريح قلبك .. بس فعلا احس ما اتقدملي عريس بسبب عيونهم وصرت اكره اروح اي مكان بسبب كثرة الكلام احب اروح اماكن تناسبني ... الله يصبرنا .. واعيد اقلك انا اكثر منك وماعندي استعداد اوقف احلم لانهم هما اللي خلوني كذه .. رغم اني احيانا اكره الرجال بسبب تصرفاتهم ودائما اقول صفي نيتك عشان يجيكي ابن الحلال واصابع يدك الواحدة مو زي بعض ... الله يستر .. وربنا قادر يرزقك باللي تتمنيه لانه قلبك طيب وباذن الله يكون تكفير ذنب |
مواقع النشر |
![]() |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|