رمضان الماضي كان اول رمضان ليا في بيت زوجي
وطبعا لانه ماكان عندي اي خبره في المطبخ جبت العيد ونحن لسه في رمضان:14:
وزوجي الطيوب طول باله عليا كتير
وفي رمضان هادا حابه اعمل تغيير لاني بصراحه العام زهقت كل يوم شوربه ومعجنات وفي الايام الاخيره قضيناها جبنه وعيش وفول بس
رمضان السنه هادي حابه اعمل ايدامات وارزاز على الفطور وكمان عشان اخللي الاكل للسحور واريح نفسي
ايش رياكم مو فكره حللوه

اكيد اختي فكرة حلوة والمفروض انتي قبل رمضان تكونين مذربة نفسش على طبخ الارز والايدامات ترى اختي طباخ مو صعب بالعكس سهل بس تعلمي اصول الطبخ وراح تكونين انشاء الله طباخة ماهرة والله يوفقش في رمضان وتطبخين احلى طبخات

صح لسانك ام فاطمة

ترى الطبخ مرة حلو ويحلى اكتر لمن يظبط وتنمدحي


الله يعينك بس انا ما احب اكل دسم على الفطور يعني الارزاز على السحور افضل ولا ايش رايكم يا جماعة ؟؟؟؟


تحياتي للجميع

انا اوافق سلطانه وبعدين لازم تنوعين لزوجك ولك كمان عشان ما حاد يحس بالملل م الاكل نفسه
اللهم دمها من نعمه واحفظها من الزوال .

نقل الى عالم التغذية والطبخ

شكرا على مروركم واقتراحاتكم ام فاطمه سلطانه ونجود

تصدقي حبيبتي

انا من عرفت نفسي يعني 25 سنه واحنا كل رمضان (شوربه وسمبوسه وفول) فقط


ولو ايش حطيتي وابدعتي ماناكل غيرها

وامي تحكيلي من ايام ماتزوجة ابويا الله يرحمه ويغفرله وهي في رمضان (شوربه وسمبوسه وفول)


فعشان كذا ماأقدر اساعدك

اذا زوجك ماكان حابب كذا عادي

عندك ابداعات بنات المنتدى شي خطير بسم الله عليهم



وربي يسعدكم ويفرج همكم وينولكم مرادكم

اختكم في الله

__________________

لااله الا انت سبحانك اني كنت من الظالمين .. ربي اني مسني الضر وانت ارحم الراحمين .. إنا لله وإنا إليه راجعون ولاحول ولا قوة الا بالله .. يامغيث أغثني

إلهي احفظ لي(سلطان وسعود) واقر عيني ببرهم وصلاحهم وعوضني واياهم الرجل الصالح الذي يخافك فينا