[السلام عليكم و رحمة الله و بركاته

اننا اكتب هذه الكلمات و كلي اسى و ندم لما فعلت

اعترف اني غلطت و انه مهما كان ما يجوز اللي سويته

ولكن بدون وعي غصب عني

ما اطول عليكم اقلكم اللي صار

انا لي سنتين و نص متزوجه و ما حملت حتى الان

و كل ما حملت وحده من اهله يخبو عليا و كأني غريبه عنهم

يمكن عشان انا ما حملت و خايفين على مشاعري و لا يجرحني الخبر ؟؟

والله اني لما ادري من احد غريب ازعل و نفسيا اتعب لانهم متعمدين ما يقولولي

بالعكس انا افرح لهم كتير والله


من 4 ايام خرجنا انا و زوجي مع اهله تمشينا و كنا في قمة الانسجام و الصراحة انا احب اهل زوجي جدااااااا و احب ام

زوجي مثل امي تماما

ولكن اول مره اطلع معاهم و يعاملوني كالغريبه و يحسبو لكلامهم الف حساب و هم قدامي

في البدايه ما اهتميت و لكن وقت العشاء على السفره كنا ناكل و ام زوجي و بنتها بعيدين عني و ما كان كلامهم واضح

لكن اللي سمعته (لا تاكلي جرجير كثير مو طيب لك

و لا تكثري من القهوه لانها تسبب الحموضة و ....... و .......... المهم هذي كلها اطعمه تؤذيكي هذه الفتره



كنت مذهوله؟؟؟؟

انا اليوم كله و انا معاهم تكلمنا بكل المواضيع الا ان اخت زوجي تكون حامل

طيب هل هي حامل فعلا؟؟

ما سألتها خفت لا ابكي

بس اللي حصل بعدها هو اللي حيرني

اول ما دخلت السياره راجعين البيت سألت زوجي

هل اختك فلانه حامل؟؟؟

تظاهر انه لم يسمعني و غير الموضوع

رجعت سألته مره تانيه و قال ما ادري

من وقتها و هو كل كلامه معايا في البيت للضروره فقط

انتظرته الين ينام و بكيت بحرررررررررررقه و حسره و الم لما حصل

لكن اللي فا جأني انه حتى اليوم و هو مثل او الهول و لا كلمه ولا حرف و لا ينام معايا بغرفة النوم كأني مو موجوده اصلا

قلت اكيد مشتهي عيال بس ما يبغاني احس بالنقص

هل انا غلطانه في شئ؟

اللي فا جأني و هز كياني اليوم بعد العشاء صحيته من النوم (كان نايم بغرفة المعيشه)

عملت ساندويشات و عصير و جا جلس عشان ياكل






سألني : كلمتي فلانه ......(زوجة صاحبه)

قلت لا خير في شي؟؟

قال لا بس هي دقت اليوم العصر تسأل عنك و انتي نايمه

ما خلص من كلمتخ الا و كان التلفون يرن

طالعت الا هو رقمها

أنا: الو نعم؟

هي دودي كيفكم دقيت اليوم و انتي نايمه و و و

انا : انتي تدري انا كل يوم انا انام دا الوقت

هي بارتباك : ما ادري........... على فكره انا دقيت امس كمان كنت ابغى اعزمك على الغدا في مطعم انتي و زوجك و زوجي طبعا بس زوجك قال انك نايمه

انا قلت لزوجي:ليش ما قلتلي عن العزيمه ؟؟؟

زوجي : خليها تحكيكي عن الحلم

انا : حلم؟؟؟؟؟

هي : ايوه شفت زوجك في حلم و حصل كذا و كذا ..................

انا : المعذره يا ام فلان انا دحين بأتعشى و ما اقدر اتكلم




حسيت ان كل ما بي ينتفض غضبا

و الله مدري كيف مسكت اعصابي و ما غلطت عليها



زوجي : ليش ما حكتلك الحلم ؟؟

انا : اكل اول لا يبرد الاكل ؛ انت احكيلي احسن و ابتسمت ابتسامة غباء

زوجي: لا هي تحكيلك احسن

انا : .......................

ليش ما قلتلي ان مرة صاحبك دقت امس ؟؟

زوجي:انتي نايمه

انا:ليش ما يكلمك صاحبك و يطلبك تخرج معام للغداء؟؟

زوجي: ما ادري

أنا : تحكيك انها حلمت بك و امس تتصل و انا نايمه و تعزمنا و و و و (ذكرته بمواقف سابقه ) و انت لك كم يوم ما تكلمني و لا تعبرني

و يوم في شي عنها ترجع تكلمني؟

هل هي مهمه لهذه الدرجة؟؟؟؟


ما كملت كلامي و انا مقهوره اخذت اكلي و دخلك غرفة المكتب و قفلت الباب بقوة


دخل و قال : عيب عليكي تتصرفي بهذا الأسلوب

ساعتها ما حسيت بنفسي الا و انا اقوم و ادف الباب و هو ممسك بالباب و انا ارفع صوتي و اقله يبعد وهو يعاند

قلتله حرام عليك ما ابغى اشوف وجهك لك كم يوم كأنك ماتدري اني مهمومه و انت ماتكلمني ولا تدري عني

ويوم تكلمني و تضحك يكون السبب زوجة صاحبك؟؟؟

اترك الباب

و صرت ادفه حتى حسيت بألم شديد في ظهري (كنت اعاني منه منذ اسبوع تقريبا ) وقتها للأسف الشديد ((ضربت زوجي ))

هددني ان مديت يدي عليه تاني .......... لكني تركت الغرفة و اغلقت باب غرفة النوم و بكيت من الألم اللي في ظهري و القهر


اعترف اني غلطانه

بس لا تنسو اللي سواه فيني

بعد يمكن ساعتين اتصلت بس زوجة صاحبه تسأل (زوجك خرج)؟

قلت ما ادري و باستهزاء قلت بعدها هو ما قاللك انه خارج او لا؟؟؟

قالت : تجي عندي؟

قلت : لا

قالت: اجيكي
قلت لا

و من وقتها زوجي خرج و ما ادري فينه ولا ابغى اعرف

__________________
رب لا تذرني فردا و انت خير الوارثين

بما انك نادمة كما تقولين سارعي لارضاء زوجك ، وخففي من عصبيتك واسلوبك معه في التعامل ، اختي كلامك يدل على انك تحققين مع زوجك في كل كبيرة وصغيرة ، هذا الاسلوب ينفر الرجل ، جيد منه انه تحمل منك كل ذلك وراعى نفسيتك ولكن لا تتمادي بحجة ان نفسيتك متعبة وهو ايضا لا بد ان نفسيته متعبة .

استعيذي بالله من الشيطان ، وراضي زوجك ، وتوقعي انه ما يرضى من اولها فتحملي وكرري اعتذارك فما فعلتيه يسبب عند غيره من الرجال رد فعل مختلف ، اما رد الضربة او الطلاق او الاثنين معا ، لا بد انه الان يفكر بهدوء ماذا سيتخذ من اجراءات فلا تتركيه وحده واطلبي رضاه.

اختي البتول شكرا على الرد اللطيف ولكن

ما تلاحظو ان الاهتمام الزائد ب زوجة صديقه سبب كافي يخليني اخرج عن طوري؟؟؟

انا ما حملت حتى الان و اقدر صبره و تحمله بس هو بالفتره الأخيره بدأ يقارن بيننا

هي حملت اول ما تزوجت و انا اكبر منها

هي صغيره ما تفهم شيئ يا دودي راعيي مشاعرها ..... و ... و ....

اكيد لو اعطيته وش ح يزودها و يقول جسمها احلى من جسمك

مع العلم احبائي ان زوجها دائما يشكو من قلة اهتمامها ببيتها و الطبخ و من جفاف معاملتها له و من صغر عقلها و تفكيرها الصغير

__________________
رب لا تذرني فردا و انت خير الوارثين

لاحول ولاقوة الا بالله انصحك انك تشغلى سورة البقره فى البيت والله ان اخذها بركه وتركها حسره كما قال الرسول صلى الله عليه وسلم

__________________

تزود من التقوى فإنك لا تدري إذا جن ليل هل تعيش إلى الفجـر

فكـم من فتى أمسى وأصبح ضاحكا وقد نسجت أكفانه وهو لا يـدري

وكم من صغار يرتجى طول عمرهم وقد أدخلت أجسادهم ظلمة القبـر

وكـم من عروس زينوها لعرسـها وقد قبضت أرواحهم ليلـة القـدر

وكـم من صحيح مات من غير علة وكم من سقيم عاش حينا من الدهر

فمــن عـاش ألفـا وألفيـن إنـه لابـد من يـوم يسـير إلى القبر

الله ارزقنى الذريه الصالحه وكل محروم ولجميع المحرومين يارب .
اللهم يامقلب القلوب ثبت قلبى على دينك

معليش لو كنت مكان زوجك , لن تقعدي في بيتي لحظوة واحدة , لأنه الزوجة التي تهين زوجها , ما نرجو منها ,

فقد تجرأت وفعلت ما لم يفعله زوجك فيكِ , وكسرت حاجز الأنوثة , وأهانت رجولة زوجها , فماذا بقي لزوجك امامك

لأنك أصبحتِ كلما رآك كذكرى أهانة , يجب أن يتخلص منها .

والله مالومك يوم عصبتي وانت ماقصدتي الضرب تبغين تدفينه وماقدرتي فبدون شعور ضربتيه << هذا تحليلي

بس بما انك ندمانة دقي عليه واعتذري وقوليله السبب بسرعة قبل مايتطور الموضوع وماراح احد يخسر في النهاية غيرك

الله يفرج عليك ويسخر لك زوجك ويرزقك الذرية الصالحة

طمنينا عنك

__________________
اللهم لك الحمد والشكر
"ولئن شكرتم لأزيدنكم"

اخوي رادع من جد قهرتني

الحين الانسان مايغلط ياخي كل بني ادم خطا ولا غلطت الشاطر بالف

الحين اذا الرجال اذا ضرب مرته معــــليه تتحمل لازم تصبر زوجها معليه كان معصب وهيه لازم تتحمل عصبيته مو هيه الضعيفه

اما الرجل لازم يبين رجولته ويطردها لانها اهانته

وين الـــــــــــــرجوله يااخي ولا الرجوله كلام وين الحلم والتسامح ولاهدي مهمة المره اما الرجل لا عيب يتسامح حرام عليك ياخي قــــهرتــــــــــــــــــني من جد

عزيزتي ممكن اقلك كلام والله انه مضطره اقوله واقوله وانا يتقطع قلبي

حبيبتي اذا كان المانع منك هل تعالجت ؟؟؟؟؟؟؟؟؟

واذا الحمل صعب ( والله مب طالعه مني ) اسألي اذا حابب يتزوج

اذا حابب يتزوج حبيبتي دوريله على وحده متدينه هاديه اخلاقها كويسه حتى لاتظلمك معها

وادعي في الثلث الاخير من الليل (ربي لاتذرني فردا وانت خير الوارثين ) وتصدقي واكثري من الصدقه

يارب ياكريم يارحيم يارازق ياواهب ارزقها الذرية الصالحه واحفظها وزينها بعين زوجها وحبب زوجها فيها

__________________
اللهم ياحنان يامنان ياحليم يامالك الملك بيدك الخير كله اسألك باسمك العظيم ان تشفي اخي شفاء تاما لا سقم بعده ..

اااامين يارب اللهم تقبل دعوتها و عظمني في قلب زوجي و عظم زوجي في قلبي و اجمعنا على خير

اختي اموني لا تفكري اني ماعرضت عليه الزواج بأخرى و لو على سبيل المزاح

بس بصراحة انا ما اتوقع اني راح اتحمل ولا ادري كيف ردة فعلي راح تكون

__________________
رب لا تذرني فردا و انت خير الوارثين

يا اختي ما انكر ان زوجك غلطان وهذا من عواقب المجتمعات المختلطة
لكن انتي صلحتي الغلط بغلط يعني انتي الحين لازم تراضينه وتبررين موقفك وتوعدينه ما تكررينها لكن لو تصرفتي بهدوء وحكمة كان يصير لك وجه تعاتبينه اما الحين بعد اللي سويتيه خربتي على نفسك يعني ماتقدرين تعاتبينه
اذا هو اهتم بزوجه صديقتك فانتي ضربتيه كلكم متساوين
يعني بعد ماتراضينه وتشرحين له موقفك بيني له ان متضايقه من تصرفه وكيف حيكون موقفه لو انتي اهتميتي بزوج صاحبتك مثلا وبعد كذا انتبهي اثناء الحديث والسواليف قولي مثلا صديقتي تقول زوجي يشتكي من قلة اهتمامي و و مثلا قولي انا رحت بيتهم ولقيته مو نظيف ولما ناداها زوجها ردت من غير نفس وو اي شي عشان يبعدها عن باله وبعد كذا انسيها ولا تجيبين طاريها وخففي علاقتك فيها عشان ما يصير يسمع عنها او يشوفها كثير
اسلوبك كان غلط مية المية المفروض شغلتي مخك ودهائك عشان ترجعين تجذبين زوجك ناحيتك

ازمه وتعدي ان شاء الله

زوجك يمر بازمه نفسيه مثلك
والظاهر قل اهتمام فيه في الفتره الاخيره بسبب حالتك النفسيه
والزوج لمن ايحس ان زوجته ولو اشوي قصرت باهتمامها اله ...احساسه يترجمه على شكل تصرفات..ممكن عصبيه ممكن اهمال كبير وممكن خروج من البيت .

اختي الكريمه ...خللي زوجك يهدي وحاولي جهدك على ارضائه ...اتأسفيله اشرحيله الظروف اللي تمرين فيها ..والضغط النفسي اللي عليكي...يمكن راح اتاخذي وقت على ماترضيه بس ان شاء الله وبالدعاء راح تقدرين
ونصيحه بالوقت الحالي لاتلحي بانك اتراضينه الحاح شديد ...خلليها بالتدريج لاان بعض الرجال وخاصة بحال زوجك بيكونون في حاله عصبيه شديده ....ادعي الله سبحانه انو يللين قلب زوجك ...ومتأكده زوجك مهما كان صحيح أثر فيه الموقف بس متأكده انه للحين يبغاكي ويحبك والا من اول يوم كان له تصرف ثاني غير انه بس يطلع من البيت .

__________________
عمـــيت عينا لاتجعلك عليـــها رقيبا