اخواني واخواتي عندي مشكلة ومحتاج لآرائكم وكلماتكم الطيبة لي...

زوجتي انسانه طيبه وصادقة ومخلصة لكن فيها صفات اكتسبتها من طفولتها السيئة القاسية تخيلوا احيان تجيها نوبات بكاء وتتكلم وتقول
(( فيه مره عشان سبب تافه جداً ابوي جاب السكين وقالي انا بأقتلك من فين تبغاني اقتلك ... وفيه مره مسكني بيدي وقالي انا بآخذك للبر عشان اقتلك هناك ورحت اجري وهو يتبعني بالعصى وتدخلو الجيران وفكوني منه ، ومره طلب كاس مويه مني وكان مو بارد مره وكبه في وجهي))
وهذا جزء من كلامها وأنا متأكد من صحة كلامها لأني اعرف والدها زين لكن ما تصورته بهذي القسوة الآن أنا في ورطه هي عصبية جداً وأنا احيان اعصب من بعض تصرفاتها ونفسي اخاصمها لكن اخاف ان هذا الشي يأثر على نفسيتها... وانا الآن مدللها على الآخر وهي دايماً تقولي لو الله ثم انت كان الله يعلم كيف حياتي راح تكون وهي متعلقة فيني عالآخر.

سؤالي ( انا طفشت من عصبيتها ومن غيرتها ومن مشاكلها كل ما قلت لها شي جلست تبكي وتقولي انت مثل ابوي حاولت على مدى سنتين اني اصلح من حالها ما فيه فايده ، والله كل ما طلعت من البيت لأي غرض كل شوي متصلة فيني انت وينك تأخرت علي ،،، احيان تجيني مهمات عمل ما تخليني اسافر تجلس تبكي وفي العمل كل شوي وهي متصله ،،،

وانا ما اقدر اقولها شي لأنها والله مسكينة...


ايش الحل مع زوجتي...

__________________
قال صلى الله عليه وسلم " لا تسبو اصحابي فوالله لو انفق احدكم مثل احد ذهبا مابلغ مد احدهم ولانصيفه "

غيرتها عليك لانها تخاف ان وحده تاخذك منها وتبتعد عنها وتفقد حنانك وطيبتك....ولان الي سواه ابوها فيها خلاها تفقد الثقه بنفسها....وعلى سفراتك....تخاف ترجع الي بيت ابوها وتتذكر الي صار لها وتخاف يصير لها مره ثانيه

ممكن اسأل.!!!!!

اهي مخلصه دراسه.....؟؟
اذا خلصت دراستها دخلها اي دوره...للمكياج او لتعلم اللغه الانجليزيه او اي شي اهي تحبه علشان يلهيها عن الغيره والتفكير الي يذبحها....

لاتخليها تشوف مسلسلات فيها عنف الاباء او الازواج.....

وحاول تتذكر معها أيام الزواج الأولى الحلوة .. ولاتنسى الجو الرومنسي والكلام الحلو....

اذا عصبت عليك وصارخت...انت اسكت ونزل راسك وخل شكلك يكسر الخاطر والدمعه على خدك...واذا اسكتت زوجتك..قلها بصوت يكسر الخاطر...انا احبك وانتي تجرحيني... ليش تعامليني كذا...انا شسويت وشنو ذنبي....كل مره تصارخين تكسرين خاطري وتجرحيني...وانا احاول انسيك ماضيك واعاملك احسن معامله...

صدقني بينكسر خاطرها وبتتأسف...

وخلها تداوم على قرائة سورة ((يس)) كل يوم....

والله يهنيكم في بعض

يبدو ان زوجتك تعانى من الفراغ الشديد لذلك فحاول شغل وقتها باى شىء
وايضا اشعرها بانها شريكة لك وليست خادمة اذا اشعرتها بالاولى فستسترجع ثقتها فيك او ستزدادا وستثق فى نفسها اكثر خصوصا عندما تتاكد تماما انك مختلف عن والدها اما لو فعالت الثانية فهى ستظل تقارن دائما بينك وبين والدها وهذه المقارنة ستزيد حياتك جحيما

__________________
... ( بالحب نعيش أجمل حياة ) ...

انا مع اخوي في رايه


واحب اقول كلمة ^^ خليك كل شي بحياتها .... اهي تحبك وتموت فيك .... ماراح تنسى هالشي لك ... عسى الله يوفقك ^^

السلام عليكم ورحمة الله

زوجتك تحتاج لعلاج نفسي من تراكمات الطفولة

اشكر الجميع والله يوفقكم ومحتاج آراء جديدة ...

__________________
قال صلى الله عليه وسلم " لا تسبو اصحابي فوالله لو انفق احدكم مثل احد ذهبا مابلغ مد احدهم ولانصيفه "

رايي من راي الاخ النور والحنان والله يوفقكم

زوجتك تحتاج لعلاج نفسي من تراكمات الطفولة

بعد ان تتعالج عند طبيب نفسي ستتغير شخصيتها وطباعها لأن تلك الطباع كلها بسبب ما حدث لها وهي طفلة .