مرحبا ..
لطالما عرفت ان الزواج من اسمه يخرع بسبب المشاكل الي تصير فيه .. انا خايفة حيل احس الحب يكون بس بالبداية وبعدين كل مشاكل وهموم .. والولادة حسيتها مو داخلة مخي كيف انجب اطفال واربيهم احس انها مرحلة صعبة..وبعدين قالو ان الزوج يهتم بكل صغيرة وكبيرة بجسم المرأة ..
انا خايفة وايد ومستحية بنفس الوقت انا عشت طفولة مااهتميت بها بنفسي مجرد ويهي وبس يعني جسمي مااهتميت به كلش يعني دايم ازحف والعب لي ماصارت ركبتيني مسمرين واكواعي كمان وغير الاماكن الحساسة .. احاول اهتم بجسمي اكثر بعد ماعرفت ان الزوج يطفش اذا شاف اشيا مو حلوة بجسم المراة وانه يحب الجسم الابيض الناعم ..
افيدوني بخبراتكم ياخواتي المتزوجات وكيف تهتمون باجسامكم وسمعت عن تقشير الجسم والحمام المغربي ليكون الجسم ابيض وناعم .. بشنو تنصحوني ؟؟
الله وهبني جمال الويه والحمدلله وانا بيضا ولكن في مناطق تعور قلبي كل مااشوفها بجسمي.. اتالم كل ماشوفها .. افيدوني بكل يوم ابجي احس مشكلتي مالها حل استخدمت الكريمات والزيوت بس مالها حل ساعدووني..

والله يوفقكم ياالمتزوجين وياالي مقبلين على الزواج ولاتنسون تدعونلي وردودكم لاتنسوني

السلام عليكم

ههههههههههه شكل ما عنك احد يسولف عن السعاده والحب ابد ......... أختي دوام الحال من المحال دام الله اعطاك وجه حلو وجسمك ما هو نشاز ليه خايفه سواد الركب و الأكواع عند 99 % من النساء لا يغرك اللي تشوفينه بالتلفزيون ترا كله ميك اب ........ لما يحبك زوجك ويشوف جوهرك الطيب وتكونين له ام واب واخوان واصدقاء طبعا بحنانك وبامعامه الطيبه صدقيني حتى لو انك ( جيكره ) بيحبك و يشوفك احلى حرمه .........

مو معنى كلامي انك تهملين بحالك وتقعدين معاه وانتي شعرك منفوش وريحتك بصل أهتمي بحالك والبسي احلى ما عندك دايما وتعطري وخليك مرتبه حتى وانت تشتغلين شغل البيت او تطبخين لان العين تحب النظر لكل ما هو جميل ...

وبالنسبه للسواد ما له داعي البكاء عليك بزيت الزيتون داومي على وضعه لمدة طويله وان شا الله تعجبك النتيجة ...
أما الولاده فما راح اقولك إلا ( المال والبنون زينة الحياة الدنيا ) ............. تخيلي حالك بعد كم سنة زواج ما عنك عيال بياكلونك الناس بكلامهم وبعدين العيال يحلون الحياة الله لا يحرمك ويرزق كل اللي يتمنون وبعدين بكبرتك يشيلونك ويبرون فيك اذا ربيتيهم زين ...

حبيبتي توكلي على الله وكوني على طبيعتك ولا تخجلين من اي شي فيك ايش ما كان عيب بل افتخري بحالك وكوني واثقه من جمالك ومظهرك دايما وإذا فيه عيب مره يفشل بجسمك مو إلا تطلعينه وتبرزينه باللبس .......... الله يوفقك خلاص يله مسحي دموعك ما اتحمل شوفتك زعلانه ..........

كلامج حلو يااختي حسسني بذرة ثقة الله لايحرمني من طيبتج وعسى ربي يريحج ويحفظج من كل شي ..

فعلا كلامها يعكس الحقيقه في هذه الدنيا ولما هذا القلق...........................

__________________

اختي العزيزة ماكو امراة بالكون ما فيها نقص وكاملة الجمال كوني واثقة من نفسك ودائما متفائلة وسوي الي تكدرين عليهواتمنالك التوفيق يا رب

ليش ياااختي متشائمه وخايفه
كلنا اكواعنا وركبنا سمر وجسمنا مو متوحده الوانه والحمدلله عايشين
اهم شيء التوفيق من الله ........واللا الباقي لايهمك
وشيء طبيعي اسمرار المفاصل...حتى الاوربييييب ركبهم عنابيه لان بشرتهم الاصليه بيضاء مورده

يعني لاتخلين هالتفاهات تسيطر على مخك


بالتوفيق حبيبتي

مدري شكثر اشكركم خواتي .. الله يوفقكم ويحفظكم وشكرا لدعواتكم لي بالتوفيق .. الله لايحرمني منكم ..
انا كنت خايفة وايد لاني سمعت ان الزوج بهالزمن يحب يشوف المنطقة الحساسة وان تنافر الالوان بها ينفره وهذا الي موترني افيدوني بذي النقطة واتمنى مااكون جريئة بنظركم لاني فعلا احتاج لخبرتكم ونصايحكم الي مااحصلها من أي احد ..

توكلي على الله و لاتخافين من شي ، و هذا المنتدى قدامك مليان وصفات حلووووة جربي منها و اهم شي الاستمرار عليها والله يوفقك

حبيبتي لا تحاتين وايد .. بالنسبة للسواد راح يروح أو بالأحرى يخف تدريجيا مع الحلاوة والحمام المغربي والأكسجين.. ترا الأكسجين يبيض الجسم
أما بالنسبة للأطفال فبس تجيبين أول طفل بتقولين ياليتني تزوجت من زمان وشفت هاي الابتسامه!

يالله لهالدرجة متعقدة من الموضوع خذي الأمور ببساطه ومثل ما قالوا الخوات اللي تشوفيه في التلفزيون كله مكياج واللي تقولك والله العظيم انه صرت مثل اللفته البيضه كلام فاضي هي تقارن عمرها كيف كانت قبل يعني أماكن سمره حيييييييييل وبعد استعمال الكريمات استوت افتح بس توحد اللون ما اعتقد أبداً بس أحب أفيدك بشي إنه الحمام المغربي وايد حلو للجسم تحسي بنعومه وتفتيح في اللون يعني طبعاً موب سنو وايت وبعد الليزر الصراحه فظيييييييييييع أنا استخدمت الليزر لإزالة الشعر ولاحظت إنه ركبتي فتحت واااايد عن قبل