السلام عليكم ورحمة الله وبركاته كيفكم اخواتي
انا حابه بعد يوم اروح الصالون وابغي اقص شعري بس مشكلتي ما اعرف في القصات ولا اعرف شو يناسبني
ياليت الي عنده اي فكره يساعدني باسرع وقت وشرايكم بعد هل اسوي تنظيف بشره ولا لا؟
انا صراحه اسوي ها الشيء عشان زوجي بدي اغير واي شيء يساعدني انا متقبلتنه منكم .........

بسم الله الرحمن الرحيم


والله حلو التغيير للزوج وإن دل هذا فلا يدل إلا على إهتمامك وحرصك على زوجك.....

طبعا كل صالون تروحين له يقول لك ا نواع القصات والي تصلح عليك وعلى وجهك فأكيد راح تساعدك الي بتقص شعرك يعني راح تقول وش الي يصلح لك والي مايصلح.....
القصااات كثيره وإنتي إختاري ولو تبين تصبغين يكون أحلى بعد...عشان يكون تغيير مره وحده ..اثنين في وااحد..
وبالنسبه لتنظيف البشره ليش لا سوي تنظيف بشره ويله من قدنااا...
وفقكي الله لما يحب ويرضى عزيزتي....

شكرا...

بالنسبة لتنظيف البشرة لا تعملي الا في صالون معروف ومجرب ويستخدم مستحضرات معروفة وعالمية ، فقد تكون بشرتك حساسة فتلتهب.

اما بخصوص قصة الشعر ، على حسب شكل وجهك فبعض القصات تكون جميلة على بعض الوجوه بينما نفس القصة لا تليق بالبعض الاخر ، ابحثي في كاتالوج القصات واختاري قصة من يكون شكل وجهها قريب من وجهك اقصد من حيث اطار الوجه فهناك الوجة المربع وهناك المستطيل وهناك الدائري ومن المتعارف عليه ان الوجه البيضوي تليق به معظم الموديلات .

يطيب لي ان اشكر كل الي ساعدوني بآرائهم الحلوه والطيبه
كول 2006
والبتول
واقولكم مشكورييييييييييييييييين وما قصرتوا معاي
واشكر تجاوبكم السريع معاي

الصور مخالفة ، يرجى الالتزام بتظليل الوجه قبل العرض ./ البتول

أختي على حسب الوجه ( بيضاوي أو طويل أو مثلث أو دائري أو مربع ) ؟؟؟؟

و على حسب عرض الجبهة ( واسعة ، ضيقة ) ؟؟؟؟

و على حسب الوجنتين كذلك ؟؟؟؟

ياليت إذا ممكن تذكريها فأقدر أنصحك باللي أعرفه

حبيبتي ايش نوعية شعرك (ناعم متوسط خشن كيرلي) طول شعرك ؟ وشكل وجهك .
من شهرين كنت زيك متحيره انا وجهي بيضاوي وشعري ناعم متعرج شوي واطول من كتفي بشوي وبما انه اول مره يوصل هدا الطول لانه دايما لحد الرقبه قررت احافظ على طوله وقصيته مدرج 3 طبقات وصبغته خصل بلاتيني مع كستنائي الكل بيحكيلي انه القصه روعة عليه لاول مره يصراحه اغير عن الكريه المدور جاوبني عن الاسئله السابقة وانشاء الله بقولك شو الانسب

هلا والله بكل الي ما قصر معاي من اولكم لآخركم
روح الطير
وكارمين
وايمان
شعري طويل وناعم وكثير التساقط وجهي طويل

أختي الدارج الحين الشعر الطويل

وماهو مدرج

__________________
اللهم لك الحمد والشكر
"ولئن شكرتم لأزيدنكم"