السلام عليكم ورحمة الله وبركاته


اذا كنتي مستعجلة وما عندك وقت للطبخ احلى واسهل ميني بيتزا لعونكم وبلا عجينة وبلا وجع راس من اختراعي ان شاء الله تعجبكم



المقادير


لحمة مفرومة حسب حاجتك
1 بندورة
1 فليفلة خضرا او نص
1 فلفلة حمرا او نص
بصلة
جبنة موزريلا
توست
صلصة خاصة للبيتزا
واذا بتحبي ممكن تضيفي ذرة او زيتون

الطريقة

قطعي البصل والبندورة الفليفلة الى قطع صغيرة وخليها على جنب



الان اقلي اللحمة بشوية زيت وخليها تستوي



بعد ما تستوي اللحمة حطي الخضروات المقطعة فوقها ورشة ملح وقلبيهم منيح





اطفي النار واتركيهم وروحي جيبي التوست
قطعي جواف التوست او بتقدري تتركيها بحوافها متل ما بتحبي



حطي التوست بصينية الفرن وادهنيها بصوص البيتزا (ملاحضة اذا بتحبي التوست مقرمش ادهني التوست بشوية زيت قبل ما تحطي الصوص ودخليه الفرن لحد ما يحمر شوي ووطلعيه وبعدين ادهنيه بصوص البيتزا)



رشي فوقهم شوية جبنة



وجيبي الحشوة وحطيها فوقهم



ورشي جبنة عالوجه ودخليها الفرن





اتركيها لحد ما تحمر وخرجيها وهيك بكون شكلها



صفيها بصحن التقديم وقدميها



وهيدي عملتها مع الحواف وقطعتها ومنظرها روعة



والف صحة وهنا



شو رايكم باختراعي

__________________


لا احلل نقل اطباقي دون ذكر المصدر

(ام علي وريما شخص واحد وهو انا )

واععععععععععع والله زعلتوني 42 دخلو ولا حدا رد شو ما عجبكم موضوعي والله تعبت فيه كرمالكم خلاص معليش مسامحتكم ما فيني ازعل منكم

__________________


لا احلل نقل اطباقي دون ذكر المصدر

(ام علي وريما شخص واحد وهو انا )

شكررررررررررررررررا..
إنشالله بجربها وبحكيلك على النتيجه..

والله شهيتينا على بيتزا

تحياتي

تححححححححفة وتجنن زي صاحبتها اللي اخترعتها

والله من جد تحفة شهيتيني اعملها .

تسلم ايديك.

تمنع الكتابة بغير اللغة العربية

تمنع الكتابة بغير اللغة العربية

الله من جد رووعة وسريعة التحضير ... وهذا اهم شي

وبالنسبة للخطوات والصور والله تنسيق رائع من جد الله يعطيك العافية

ننتظر المزيد من اطباقك المتميزة

تحياتي لك

شكلها يجنن ويهوس

تسلم ايدج حبوبه

__________________
" اللهم اني اعوذ بك من الهم والحزن "



(( ربي أشرح لي صدري ويسر لي أمري ))

جنانننننننننن يا ريما
بلا عجينة بلا ضياع وقت فكرة رائعة تسلمي حبيبتي

__________________
]

يسلمو حبيبتى
شكلن بيشهى يمممممم