السلام عليكم ورحمة الله وبركاته ،،،،،،،
بصراحة عمي معجب فيني لدرجة أنه في يوم من الأيام قال لي : ترى بنتي ( فلانه ) ما ابيكم تعرفون اسم بنت عمي ههههههه ، قال تراها لك وانا ابصراحة انحرجت وسكت ، في الحقيقة البنت الكل يتمناها لكنها اكبر مني بسنتين ، والحين انا ما ادري شسوي !! خصوصاً بعد ماجاها خطاب ورفضتهم بسبب انها لي وانا ماني بوجة عرس وماااااااااااااااااابي اتزوج الحين لأني ابي اكمل دراستي .
ساعدوني بارآئكم مع اني داري اني في ورطة ومالها حل

والله يااخي اذا انك بتكمل دراستك ولا لك نيه بالزواج ..

ودام انك رجال .. كلم عمك بصراحه تامه ..

لان السلبيات اكثر من الإيجابيات ..

السلبيات ..
1 - اكبر منك ..
2 - ماكملت دراستك
3 - من الأقارب .. والاقارب عقارب الا من رحم ربي ..
4 - مالك نية زواج ..

الإيجابيات ..
1 - ان الكل يتمناها ..

!!!!!

وانت الي تشوفه مناسب سويه ..

لكن رايي تكلم عمك ولاتقطع رزق البنت ..
وقله انا مالي بالزواج وبكمل دراسيت وبكون نفسي ..
بعدين افكر بالزواج ..

لان الزواج صدقني مو سهل ..


والله يوفقك

__________________
سبحان الله وبحمده سبحان الله العظيم

اخوي دام انك مش مقتنع ارفض لان الزواج لازم تفكر فيه عدل لانه مو لعبه وهذي مو حياتك بس حياة البنت بعد ولا تنحرج من عمك لان هذا مستقبلك وما اعتقد ان عمك بيمنعك من انك تهتم في مستقبلك صح واتمنى لك التوفيق في اي قرار تاخذه 0000000000حظ موفق

اخوي الله يعينك..

ورح اثبت لك الموضوع عشان تجد اكبر عدد من الحلول..

يثبـــت

تحياتي لك..

__________________

حقك انك ترفض

والله هالموضوع ما فيه حيا

بصراحه؟؟؟؟ عمك ما عنده سالفه يحط بنته في هالموقف <--- حقدت عليه

ذكرني مره بسالفة واحد يوم انخطبت بنته اتصل على ولد أخته اللي أصغر منها و قال له "ترا بنتي انخطبت و الرجال ما ينعاب فإذا ما تبيها بعد إذنك بأعطيها إياه" عاد الولد مسكين انصفع ما كان يدري وش السالفه بالضبط فقال لخاله "بس خالي أنا أصغر منها" قال له خاله "ايه ما يخالف اذا تبيها فرق السن مو مهم"
(عاد الحوار ما كان كذا بالضبط يعني أنا ما أدري أيش بالضبط اللي انقال ما كنت معهم بس يعني بنفس المعنى )


لو أبوي كان كذا كان..................مدري أيش سويت له

__________________

مافية افضل من توجيهات

هاجس

انا اضم راى مع راية وتوكل على الله
ياخوى هذا زواج ستصبح طول عمرك متحسف
اقطعها من هاالحين قبل لا تصعب عليك

واتمنى للك زوجة تصغرك بثلاث سنيين
بعد تخرجك
والله الموفق

__________________
xxxxxxxxxxxxxxxxxxxxxxxxxxxxxxxxxxxxxxxxxxxxxxx
خوينا مانصلبة بالمصاليب
ولايشتكى منا دروب العزارى
ان كان ما قمنا بحق المواجيب
حرم علينا لاابسات الخزارى

اخويا فرق السن مو هو المشكله المشكله انك عندك استعداد تتزوج ولا لاء ,,, انت ادرى بضروفك بس حرام عليك البت لا تورطها وياك اذا ما عندك رغبه بالزواج حاليااا خليها تشوف حالها ومحتالها حتى لا تنقهر .
وكل ما اسرعت فى القرار كان احسن
تحياتي

اخي نصيحة مني نصيحة من اخت عاشت في اجواء مثل هذه رايت ما صار لناس تزوجوا بهذه الطريقة اخي ابعد عن الشر ان انت ما مقتنع بالزواج من بنت عمك صارحها هي ولا تصارح ابوها لانه الكبار دائما يصعبون الامور ويشجعون زواج الاقارب كلمها بعقل كبير وفهمها واكيد هي راح تفهمك خلها هي اللي تقول لاهلها بكامل الحقيقة لانه ان انت قلتلهم راح ياخذوها بفهم خاطيء

الله يوفقك ويسعدك يارب بس