السلام عليكم ورحمة الله وبركاته ،،

ابتدي بمشاركة حزينة جداً ،، ويمكن أكون اسم فعلاً على مسمى

الله يعلم كل اللي بقلبي ،، واسال الله الذي لا اله الا هو ان يساعدني ويسخر لي زوجي

مشكلتي وبكل بساطة اني احب زوجي حب جنوني والله يعلم بهالشيء

يزّعلني اراضيه ما اقدر انام بدون ما يحضني ولا اقدر اسوي شيء لو هو زعلان مني

وكل هذا واراضيه ..

أنا عارفه انه يعرف بنات ،، ومن اول ما تزوجته وهو يعرفني على زميلاته في العمل واللي يتعامل معاهم

وانا رضيت لأن الموضوع ما في نقاش ،، خلاص هذي طبيعته ،، وانا حبيته وخذيت بعد حب ومعاناة

وارتبطت فيه رغم ان من البداية الكل لاحظ ان اهله مو مرحبين فيني ، صح ما صارت مشاكل بيني وبينهم ، بس ما دفعوا

ولا فلس لزواجنا ،، تصوروا خذيت قرض من غير اهلي ما يدرون وانا ادفع الحين في هالقرض عشان اساعد زوجي عشان نتزوج ،، واهلي عطونا مصاريف شهر العسل بالكامل وغير الإضافات اللي دفعتهم ،، صحيح عمل لي حفلة زفاف بس بعد ما طلعت روحي والله وكل هذا في سبيل الشخص اللي احبه، ولدرجة ان امه وابوه ما حضروا زواجي والالم والحسرة والاحراج اللي حسيته جدام العالم ومع ذلك رضيت عشان زوجي وسكت عشان زوجي، مع ان اهلي على طول يذكروني باللي صار

بعد زواج داك كم شهر اكتشفت ان ارقام في تلفونه لبنت وصور مطرشهم لها وحركات المهم عفست الموضوع كله والبنت انخطبت وخبرني انه صديقة ولد عمه ،، عدينها بس ابتديت في الشك وعدم الثقة فيه بديت افتشت تلفونه ومرة بالغلط شفت مسج مطرشه لصديقة من صديقاته اللي عرفني عليهما افتقدك 00000 وصارت مشكلة كبيرة وقلت له ان البنت مو عاجبتني وقال ما بيكلمها بعد مشاحنات المهم اكتشفت فيما بعد يكلمها على فترات متباعدة والمسج اللي طرش لها لأنها كانت مسافرة للعلم اهيه متزوجه وعندها عيال

الحين يات الخيانة الثالثة وكلمت البنت في البداية انكرت بس بعدين اعترفت و وتعاطفت معاي ، وعلاقتهم ما استمرت وايد تكلمت مع زوجي اعترف لي قال انها مأذيته وهو ما يبيها والحين افتك منها بعد ما كلمتها وعلى فكرة مسجل اسمها باسم 00000

الرابعة البنت انكرت والزوج قال ان يشوف لها شغل وخاصة انه متخصص في الأمور وصديقها موصيه ومسجل اسمها في التلفون باسم 0000000 ،، وقالت انها متزوجة وزوجي يقول ان النيك نيم لها فهم ويسمونها 00000

هو على طول في الكوفي شوب
مرتين في اليوم يروح متعبني على هالسالفة

والحين الاخيرة الخيانة معاي ،، وهو لا يدري ،، لعبت في اعصابه ابتديت بالعلاقة معاه على اساس اني بنت وصراحة ابتدى يدخل في مواضييع الحساسة لدرجة انه قال يبي يصير معاي جسم واحد على باله اني بنت غير مو زوجته والحين سألته اذا كان يحب زوجته قال لي ايه بس مع المشاكل بيموت هالحب ،، صراحة ذبحني بهالكلام ،،، واعترفت له اني متزوجة وبانفصل عن زوجي واني ما احبه ،، وصار القصة ولازالت

امس لعبت في اعصابه انا ما اطلع الا بشوره، امس قعدت من النوم مسجات مسجات لصديقاتي، وبعدين رحت غرفة ثانية وسويت روحي اني اتكلم مع صديقتي اتفق معاها نتلاقى ،، ولا عطيته اي اهتمام ،، مات مات مات اول مرة اشوف جذي ميت من اللغيرة وعلى طول رفض وما رضى ابدا وانا اصر واقول له لا ابي اروح اغير جو ويسالني مع من اقول مع بنت معاي في الجامعة ويسالني من وين اقول له اقول له ما ادري ولا يرضى اطلع وصراحة والله عجيب شعور حلو

بس يبغى اني انقهر بس تبقى هالخيانة معاي ،، هل استمر معاه ،، اشوف شو في قلبه واحل مشاكلي معاه عن طريق رسايل الخيانة وبعدين اتركه والله شنو اسوي


اخاف عنده علاقات ثانية غير علاقته معاي ،،، والله ان راسي مصدع وخايفة على ولدي اللي في بطني وتعبانه

للعلم انا ادرس واشتغل وابذل جهدي اني ما اقصر مع زوجي ،، بس الغيرة والشك مأساة حياتي ،،


ساعدوني

ذكر الأسماء مخالف لسياسة الكتابة في المنتدى

كملي معاه علنت والمسجات وحلي مشاكلك بهذه الطريقة وان اضطريتي
كل فترة تغيري شخصيتك وتبدي معو بشخصية جديدة لتكشفيه جربي
يعني زوجك للأسف حابب يتسلى يعني لسا ما لو رجال لسا بسن المراهقة
وانتي كوني أوعى بالمعاملة معاه وخليه يشعر من بعيد لبعيد
انك تعرفي شي بس لا تظهرين له كل ما بداخلك فهذا ما يقهر الأزواج
الله يكون معاكي
تحياتي

شكراً على ردج، بالنسبة للمسجات والله قلبي يعورني بس على الأقل ادري شنو يدور في باله وأقدر اشبعه من غير ما يحس واعرف من خلاله شنو يبي وارضيه ،، وصعب اني اغير شخصيتي كل مرة ،، اكثر احتمالية انه حاب يتسلى بس بدات التسلية تاخذ مجرى ثانية، بالنسبة للمعرفة تراني اعرف اوقات اسكت واوقات اثور من القهر

شكراً مرة ثانية

حبيبتي انا برائي انك تكملي معاه وانك تبتدي تزهقيه بلبنات وانتي تكلميه
وبعد ماتنتهي هل علاقه ابتدي معاه واحده جديده الين يميل ويزهق ويرجعلك
والله يهديه ويصلح باله وبالك وانتي خلي بالك على روحك انتي حامل
ولا تزعلي كثير بعدين ياثر على نفسيت الجنين وتقبلي تحياتي

__________________
]

معقولة في رجال يزهق من البنات ،، والله انا اللي راح اتملل وهو راح يفرفش ويزيد الثقة بنفسه، والله اتمنى يرجعلي والله يهديه ويصلح باله وبالي ،، والله اوقات احاول اتحكم في اعصابي وعارفه ان البيبي حاس فيني ،، بس شاسوي اذا المصيبة هلت علي وانا حامل ،، ومشكورة على ردج عزيزتي

لا حول ولا قوة إلا بالله العلي العظيم
ياأختيتي الدعاء الدعاء له بالهداية هذا الحل فقط ومساعدته على الخير

__________________

دائماً ادعي له بالهداية والله يسخر لي ،، بس ما اقدر اسكت واشوف اخاف يتطور حاله الى الأسوأ ابيه يرجعلي وما ابي احد في حياته غيري وشكراً عيووض

حبيبيتي ... و الله كسرتي خاطري ...

بس بقولج شي ... انتي مب اول و لا آخر وحدة تتعرض لهالشي

و تذكري إنه لو ما كان يحبج كان ما تزوجك


يا بنت الناس خذيه على جنب كلميه بالموضوع بكل هدوء و بدون صراخ .. عاتبيه ... اسأليه انا مقصرة بشو ...؟؟؟

قوليله يا ولد الناس بتخوني و بتطعني بظهري ليش خذيتني ؟؟؟

و بعدين الرجل يحب المرأة اللي تظحكه ... عامليه كأنك ربيعته ... مب زوجة و بس

و إذا كان مرتاح بالفراش تأكدي إنه ما بيخون ... و لو خان مرة ... بيتوب بعدها ...


عطيه فرصة و لا تتريي من موقع في الإنترنت يحل مشاكلج ... تحركي قبل لا يطير من إيدج

__________________
ســـــــــــــــــــــــــــــــــــارة

والله شاقول لج ،، صح انا مو اول وحده ويمكن حال زوجي أهون ،، بس والله الألم نفسه ،، وتمنيت اموت ولا اسمع ولا اشوف كل هذا ،،

هذا مقابل اللي سويته له ،، يجازيني جذي

يا اختي كلمته وتعبت معاها والله ،،، ودايماً ايقول لي مو مقصرة ،، بس الرجال زهق من غيرتي وشكوكي هذا حسب كلامه

يا اختي انا احبه وتصرفاته تدل على حبه لي بس في وسط المشاكل احسه يكرهني وانا اكره

ودائماً احاول ارضيه بالفراش ،، صرت والله غير عن حالي بالأول ،، صرت اتفنن وإغراءات ،، وادري ان ما يقاومني ابداً واعرف اشلون اجرجره للفراش ،، بس اشلون اعرف اذا مرتاح واذا اشبعه ،، وما ابيه يخون ابداً ،، لانه طريقة ما ارضى حبيب قلبي يبتدي فيه ،، ولا ابي انجرح جرح اعمق تراني اموت بعد كل هذا الحب

عطيته فرص بس مع الفرص تبتدي شكوكي تزيد ويطلع عند شكوكي واتعب

الانترنت مثل ما هو سلبي هو ايجابي ،، استخدمت هالاسلوب لأني بحاجة اني اعرفه شنو يدور في باله شنو يبي ،، ولأنه الطريقة الوحيدة اللي ما راح يقدر يكشفني ،، انا متحركة وخايفة والله يعلم بخوفي اني يطير من يدي واموت انا


ومشكورة عزيزتي على ردج

لا حول ولا قوة إلا بالله العلي العظيم
ياأختيتي الدعاء الدعاء له بالهداية هذا الحل فقط ومساعدته على الخير

__________________

اللهم ياودود ياذا العرش المجيد يافعال لما يريد - أسالك بعزك الذي لا يرام وملكك الذي لا يضام ونورك ونور وجهك الذي ملأ أركان عرشك أن تغيثني وتصرف عني كل سوء -- ياحي ياقيوم