حياكم الله جميعاً

اشكر كل من ساعدني في حل مشكلتي الأولى وهي حينما طلبت الزواج ورفضته الوالده الله يحفظها بسبب اني ما توظفت إلى الأن

الحمدلله انا اخذت بنصيحته احد الأخوان من الذين ردو علي موضوعي وقال اشتغل في الأسهم وراح تنسى شيء اسمه زواج

وانا بصراحه ما نسيت الزواج بس إلا نسيت كل شيء

والحين مرتاح البال دعواتكم لي بالرزق الحلال

لكن المشكله اليوم الي صارت لي مع خالتي والوالده كانت موجوده

كنا نسوالفه ونضحك شوي إلا خالتي تقول ترى فلانه ما تحب كذا <<< تقصد بنتها >>> وردتها ثاني مره فلانه ترى ما تحب كذا اسمع زين

بصراحه كانت تتكلم وهي تناظرني وانا ما حطيت عيني في عينها ابد

وبسرعه بديهيه انا غيرت السالفه ودخلتهم في سالفه ثانيه بدون ما يحسون

انا كنت برد عليها بس ما بغيت اخرب جو الجلسه

فيه احد يمكن يقول وش السالفه
السالفه انها تبي تزوجني بنتها حتى الوالده قبل لا ادخل معها في سالفته يوم اني اطلب الزواج قالت فلانه لك ودخلت معها في نقاش وقالت يكون خير اسكت بس وكنت حزته هذي السالفه عمري في حدود 17 او 18 سنه
وقبل كم سنه اذكر خالتي كانت راكبه معي وقالت إن فلانه متصله علي تبي بنتي لأحد عياله وانا قلت ان البنت لسى صغيره وفعلاً البنت كانت صغيره يمكن عمرها 12 سنه في ذاك الوقت
المشكله الحين ان اهلها واهلي حاطين في بالهم انها لي
حتى اخوها الصغير يقول بتعرس على فلانه
اخوي الصغير يقول متى بتعرس على فلانه منفتك منك

اهلها كلهم حاطيني فوق راسهم ولا يسمعون فيني
حتى في يوم من الأيام اخوها الكبير يتكلم عن الزواج بالمدرسات انه زواج فاشل ومن بد الي في المجلس انا لي كنت اعارض ودخلت معه في نقاش حاد
والسبب في ذك لأنه يبي يصرف عن بالي الزواج بمدرسه مع اني ماني اصلاً متزوج بمدرسه بس اقول كذا عشان لا اتورط بأخته
حتى انه في الاول كان يلمح لي بس يوم تعدى عمري 22 سنه صار يعطينياها في وجهي ودايم يخطبني لخته ويقول فلانه لك
تعال بنزوجك فلانه ولا ما خذين منك ولا ريال حتى إذا دخلنا لسوق يقول انتبه تناظر البنات ترى بعلم اختي عليك

وانا البنت ما ابيها والله ثم والله اني احاول اني اتخيل انها زوجتي وقنع نفسي بس ما اقدر نفس ما تقبلها حتى في الحلم
لأن الفرق بينا كبير ولا هي الي في بالي

حتى اني ادعي ربي ان احد يجي ويخطبها وتتجوز ويكون الشيء جاء منهم مو مني

المشكله البنت الحين صارت في عمر الزواج

وانا خلاص كلها سنه او سنتين ولازم اتزوج

عاد انا ابي حل منكم قبل لا يجي الموعد وتطيح الفاس في الراس

وانا خايف ان يكون بسبب هذي السالفه قطاعه بين امي واختها

واسف على الإطاله بس من القهر وش اسوي

__________________
دعواتكم لي بالتوفيق

اخي الفاضل

كل شئ بالخناق الا الزواج بالاتفاق

لا يمكن تكون المجاملات سببا في ارغامك من فتاه لا تريدها لان هذا قد يكون فيه ظلم لها قبل ان يكون ظلم لنفسك

بما انك مصمم على عدم خطبتها ..فلا داعي لمسايره الامور ..حتى لا يعتقدوا بانك مقتنعا بها ومن ثم تكون وقع الصدمه عليهم اكبر

اخبر والدتك بما يجول في خاطرك ..
حتى تعرف كيف تتصرف وتدرك ما يجب ان تفعله اذا فتحت سيره زواج بنت خالتك من اي طرف في العائله ..

والله يكتب لك الي فيه الخير

وتقبل تحياااتي

__________________

ياأخوي أنصحك بالإستخارة لا زم تصليها دوووم .. وصدقني لو رضيت بالبنت والله ماكان رايد ماراح يصير نصيب لو شنو .. ولو الله كاتبها لك راح يدخل حبها في قلبك وبتحس انك ماتقدر تعيش بدونها ... انا مريت بنفس التجربة وصلت للخطوبة وانفصلت لاني سويت وايد استخارة بس في النهاية الله كتب لي الخير وكان الانفصال في صالحي وانتهى كل شي بسبب بسيط محد توقعه .. والله يكتب لك الي فيه الخير .. أختك فجر

__________________

السلام عليكم ورحمة الله وبركاته
طيب انت بنت شفتها
والله عسى ان تكرها شي هو خير لك
وديماااااااااااا اخذ الي يحبك ولا تاخذا الي تحبو
شوف بنت بعدين احكم
والله يوفقك

__________________

اللهم ياودود ياذا العرش المجيد يافعال لما يريد - أسالك بعزك الذي لا يرام وملكك الذي لا يضام ونورك ونور وجهك الذي ملأ أركان عرشك أن تغيثني وتصرف عني كل سوء -- ياحي ياقيوم

شجر الدررر

انا عارف ان مافيه مجاملات في الزواج

ويكون في علمك لو تزوجتها وانا ماني راضي فيها الظلم ما راح يكون عليها راح يكون علي

لأنها راح تاخذ كل حقوقها مني وراح اعاملها احسن معامله مع اني اكرها لأن قلبي ما يطاوعني اني ازعل احد

وبالنسبه للوالده اهي عارفه وبس اهي مخيه الوضع لين وقت الزواج

دعواك لي ياخي بالفرج

__________________
دعواتكم لي بالتوفيق

بصراحه انا إلا الأن ما استخرت لأني ما افكر في الزواج ابداً كل همي كيف اكون نفسي الحين

وشاكر لك اختي فكر ودعواتك لي

__________________
دعواتكم لي بالتوفيق

بنت الشام

هذا سؤال انت شفت البنت

اقول هذي بنت خالتي يعني بعض الايام ادخل بيتنا وهم عندنا اشوفها وهي داخله ولا طالعه طبعاً بدون ما اقصدر اني شوفها يعني كذا مره شفتها بكامل زينتها

بس قلبي ما ال يمها احس انها اختي

بعدين انتي جيتي على الجرح البنت على ما سمعت انها تحبني والي يأكد ان اختي في يوم من الايام قالت فلانه تسلم عليك

يعطيك العافيه اختي بنت الشام ودعواتك لي

__________________
دعواتكم لي بالتوفيق

اخي الفاضل

اسئل اللّه العلى القدير ان يرزقك الزوجه الصالحه عاجلا غير اجل وان تكون من السعداء في الدنياء والاخرة

اخي رعاك اللّه هل تعلم انك بهذه الطريقه ربما تؤخر زوجها وهذا لايجوز ان تجعلها واهلها يبنون قصورنا في الرمال

اخي اتقي اللّه في نفسك واجزم ان تكون صريحاناً مع الجميع وانك ليس لدك اي رغبه في اتمام هذا الزواج .

واعلم ان الجميع سوف يعارضك ولكن لا تجعلهم يوثرون عليك .ثم ان الزواج عشرة عمر وليست رحله قصيرة بعدها

يرجع كل واحد الى اهله وحاول ان تكون صريحا مع خالتك واعلمها عما تشعربه تجاهه ابنتها وصدقني انها سوف تتقبل

اسبابك واخير اسئل اللّه ان يجعل لك من كل ضيق فرج وان يرزقك من حيث لا تحتسب ............ اللهم امين

البنت تحب كل من يتقدم لها

لانها ذات قلب خالي

ويستطيع اي شخص ان يؤثر فيه

فما بالك

اذا كان هذا الشخص قريبها

والكل يلمح بحبه وبانه زوج المستقبل

واعتقد انها هي كذلك تظن انك تحبها


عموما

لا مجاملة في مثل هذه المواضيع


صارح اخاها او امها


ثم ابدأ ن الان في السعي في تزويجها

اذا سمعت احد من اصحابك يريد الزواج

اولاد عمتك

ممن يكون كفء

اسعى في ارشاده الى بيت خالتك


او لمح لاختك انها تفهمها

انك تتمنى لها الزواج ممن تحب

وبانك لا تفكر بالزواج من الاقارب


وفقك الله .........

نقل الى عالم المقبلين على الزواج حيث مكانه الانسب للتفاعل