والناس متكتكة وكله مستخبي تحت البطاطين..

كل البنات خايفين من البرد وتأثيره السلبي على البشرة، خايفين من الجفاف والتقشفات والتشققات و...

وطبعًا مع كل الحاجات دي مفيش مجال لماكياج جميل و"نيو لوك" على الموضة إلا في حالة واحدة بس..

لو قريتِ العدد ده كويس جدًا من أوله لآخره

2. بعد غسل البشرة بالمياه الفاترة يجب تنشيفها جيدًا، وده لسببين: السبب الأول هو تجنب الإصابة بالبرد، والسبب التاني لتجنب التقشفات اللي ممكن تحصل لو البشرة تعرضت للهوا وهي مبلولة.

3. ولو كنتِ في الطبيعي بتستخدمي مستحضرات تنظيف تحتوي على مواد كحولية وعطرية حاولي تتجنبيها هذه الأيام لأن البشرة بتكون أكثر حساسية والمواد دي ممكن تؤدي لحدوث التهابات... وممكن تستخدمي بدلاً منها المستحضرات الخفيفة الخالية من هذه المواد واللي متوفرة في كل الصيدليات، مثل صابون الجلسرين، أو صابون زيت الزيتون.

4. حمامات البخار مهمة جدًا في الأيام دي وخصوصًا للبشرة الدهنية وده لأن -للأسف- أصحاب البشرة الدهنية بشرتهم بتصاب بالجفاف مع ظهور البثور والرؤوس السوداء، والفايدة اللي بيقدمها حمام البخار في هذه الحالة هو توسيع المسام، وبالتالي بيكون من السهل إنك تنضفي البشرة بالمياه الباردة بعد كده لغلق المسام مرة تانية.

5. شرب المياه شيء مفيد جدًا للبشرة في كل الفصول... مش في الشتا فقط علشان كده ننصحك إنك تتناولي كمية كافية من المياه؛ لأن المياه بتعوض الرطوبة اللي بتفقدها البشرة بسبب البرودة...

6. تناول الوجبات التي تحتوي على فيتامين “C” و “A” بيغذي البشرة بشكل جيد وبيبعدها عن مقاومة الجفاف...

7. ما تنسيش الكريمات المرطبة، وعمل تدليك للبشرة بالكريم المرطب بصورة يومية ومن الأفضل كمان إنك تستخدمي الكريم في كل مرة تقومي فيها بغسل إيدك ووجهك...

8. جفاف الشفتين... أثبتت تجارب جدودنا إن المشكلة دي لها 3 حلول...

الأول: هو "الفازلين" وده بإنك تضعي طبقة من "الفازلين" على الشفايف بعد غسلها وتنشيفها. الحل التاني هو "الجلسرين السايل" وده مفعوله قوي وأكيد. الحل التالت، حل من الطبيعة وهو الطحينة واللي أكدوا جدودنا على فايدتها الكبيرة في علاج تشققات والتهاب الشفتين ويتم استخدامها بنفس طريقة استخدام "الفازلين" و"الجلسرين".

9. أما خشونة القدمين فحلها بسيط جدًا.. وحلها حمام المياه والفازلين... ازاي...؟

ضعي رجليكِ في مياه تكون ساخنة على قد ما تقدري. بعد 5 دقائق ادعكي رجليكِ بالحجر الخفافي. اتأكدي من إزالة كل الجلد الميت وبعدين نشفي رجليكِ كويس. ضعي طبقة سميكة من الفازلين على كعوب رجليكِ. البسي كيس بلاستيك في رجليكِ وعليه شراب. انتظري لمدة من 10 إلى 15 دقيقة وصدقيني هتلاقي فيه فرق رائع..

ياترى إيه هي أهم ألوان الماكياج السنة دي..؟

الألوان السنة دي.. ألوان دافئة وتعتمد على الألوان التقليدية..

والجديد هو التخلي تمامًا عن التلميع في الوجه يعني فيه اتجاه لاستخدام ألوان المط في "الروج" والتخلي عن "الليب جلوس" Lip Gloss واستخدام الألوان الجافة في "الآي شادو"، مثل الألوان الترابية والألوان الهادئة بعيدًا عن الألوان البرونزية

فيه فعلاً موضة مش ممكن تنتهي أبداً.. وده كلام بجد مش تهريج...

لو قدرتِ تحددي نوع بشرتك وتقسيمته وكيفية وضع الماكياج المناسبة ليه هتكوني بكده نجحتِ في الحصول على موضة دائمة خاصة بيكِ إنت بس.. يعني موضة ما تنتهيش.. يعني بلاش جري ورا الموضة وزي ما تيجي، لأ اختاري الموضة اللي تناسبك وبس...

وبعد ما تختاري اللي يناسبك لازم تتبعي الخطوات التالية؛ لأنها خطوات أساسية في أي ماكياج:

5. ظل الجفون:

• بيتم دائماً توزيع ظل العين الفاتح على الجفن بالكامل بالفرشاه العريضة..

• يتم وضع ظل الجفون الأغمق بعد كده بالفرشاه الأرفع وقبل "الآي لاينر" "قلم تحديد الجفون".

• عند تحديد العين ابدئي دايمًا بالجفن السفلي ثم العلوي وده بيدي نظرة أعمق للعين

• ودايمًا عند تحديد العين أو وضع ظلال الجفون لازم تبدئي من داخل العين إلى خارجها.