السلام عليكم و الله انا جدا متضايقه و لجئت لربي و قلت يا رب اهدينا يا رب و اعفو عنا و استغفرت ربنا لانه يقال وقت الضيق اكثروا من الاستغفار ترى الاستغفار يهون المصايب هدا ما يقولوه .........انا قلت لكم انة ولد خالي طالب يتكلم معاي و ما اخبي عليكم اول مكالمه كانت قبل البارحه اتصل عليا و كان باين انه متوتر و انا ايضا ، و اخدنا على بعض بالكلام سبحان الله ما ادري و كيف صار الشيء هذا و البارحه اتصل عليا كمان و قبل ان ينهي المكالمة قالي راح توحشيني لبكرة انا ما سكتت شويه و بعدينه قلت له و انت كمان بس اول ما اقفلت السماعه شعرت انه راح اطييييير من الفرح وبعد قليل لقيت نفسي ابعتله رساله اقول له فيها راح انا عارفه انة رصيدك انتهى بس لا تكدر خاطرك و ان راح تتصل بكرة اعطيني خبر و ان ما راح تتصل انا مقدرة، وهذا الذي حدث ، و من هداك الوقت الى الان ما اتصل ولا بعت رساله هي اخته قالت لي ان رصيده منتهي لكنه راح يعبيه اليوم عشان يكلمني انا خايفه اتعلق فيه اكثر و اكثر والله و اشعر بضييييييق لانه ما اتواصل معاه اليوم نهائيا ايش تنصحوني و كمان مش حلوة انه يشعر اني افرض نفسي هي البنت بطبيعه الحال نوعا ما عاطفيه صح و انتم عارفين هالكلام المهم ايش تنصحوني اعمل اثقل اكثر صح ؟ اخته تشعر كمان انه تعلق بي وانه تغير ، بس المهم خير يا ريت اشوف مشاركاتكم و هل شيء طبيعي الضيق الذي احس فيه ؟ و الاكتئاب حتى تصدقون ان وزني انخفض والله من يوم ما صار الموضوع جد و انا نزل وزني حوالي 2 كيلو خلال اسبوع المهم خير ان شاء الله لا تنسوني من الدعاء اختكم التائهههههههههههههههههههههه ....حنونه

مبروك لك مقدما أختي العزيزة
أختي ليش مكبرة الموضوع !!! أشوف الموضوع ما يستاهل كل هذا الخوف و الضيق !!! المفروض تكوني فرحانة
أختي نصيحة مني خليك على طبيعتك , و لا تغيري شىء من تصرفاتك ...
و كل دعواتي معاك
الله يسعدك و يهنيك

إدعيلي أن يفرج الله كربتي
أختك

ربنا يفرج كربك و كرب كل مسلم يا رب و شكرا على مرورك الكريم

انا قلت كذلك ، انة اثقل بس هو البنات عموماً والله عاطفيات زياده على اللزوم اي كلمه حب او شوق تجننهم و اشعر هدا بالضبط الي صار معاي امس بعتلي رساله يقول انا نفسي اتصل و اسمع صوتك و شحنت رصيدي تاني بس نعم راح يبعت اليوم رسايل و راح يخلي المكالمه لوقت تاني عشان شوقه لي يزيد والله المشكله انتم عارفين المكالمات الدوليه تهد الحيل ما عندكم حل تاني في اجهزة تستعمل للمكالمات عبر الانترنت بس ما اعرف مدى فعاليتها وحده صديقتي معاها جهاز بس مرة يشتغل و مرة يخرب المهم اشكركم والله ربنا يجزيكم خير

السلام عليكم و رحمة الله اخواني و اخواتي لا اجد ملجئ بعد الله سواكم المشكله انا في تضارب عاطفي وتشتت كمانه افكر اسكر جوالي بحيث ما يجدر حد يتصل عليا بالاصح هو ولد خالي ما يتصل ما ابغى استناه كل يوم يعني هو يشوف اشياءه و حياته و انا اظل معلقه متى راح يتصل علي امس ما اتصل بعت ليا رسالة يجول فيها خلينا اليوم رسايل عشان يزيد الشوج و بالاخير كاتبلي سامحيني انا مسامحاه و بس مااحب اتعلج انا كدا والله شيء متعب جدا افيدوني اريح كم يوم و بعدينه افتح الجوال مو احسن صح ؟يا ريت الاجي اجابه منكم راح استنى ردودكم و نصايحكم والله الاولاد كمان يا ريت يفيدوني انا مرة متضايقه اليومين الي فاتوا اشعر بشيء غريب يجتاحني ويضايقني مرررررة

وين ردودكم يا جماعه والله بحاجه ليكم مرة تكفون ...؟

في مو قع عل نت تسوين فيه محادثة وكانه تلفون

وياريت الادارة تسمح لي ابعث لك عنوانه لانه حلو جدا والاتصال من خلاله مجانا لانه من الكمبيوتر للكمبيوتر

الله يجزيك خير و يا ريت انا كمان الان اظم صوتي لصوتك و يا ريت يتكرمون و يسمحولنا ناخده لوجه الله اعتبروه يا جماعه... في انتظار ردكم