مرحبا اخواني وخواتي

الموضوع هو عن صديقتي
تقدم لها واحد ما يقرب لها طيب و حنون لكن مشكلته

الشكل... يعني لا تزعلون مني شكله مب يلين وين

قصير ومب حلو

والبنت ماشالله عليها حلوه وايد حتى هو يوم شافها انبهر ولا قدر يشل عيونه عنها وتلخبط ما عرف شو يقول

لكن البنت تقول انها محتاره

وهي رفضت قبله وايدين وفي منهم شباب حلوين واغنياء لكن اخلاقهم مب اوكي

الحين هذا الريال اخلاقه زينه لكنه على قد حاله يعني مب غني



وملتزم ماشالله وفي نفس الوقت مب متشدد وطيب وهي صلت استخاره



البنت تقول اخاف من بعد الزواج وللعلم هو يحبها وميت فيها وطاير من الفرح

ما اعرف شو رايكم في الموضوع سألتني وانا صدق محتاره ما اعرف شو اشور عليها

__________________
"اللهم ارزقني بالزوج الذي هو خير لي وأنا خير
له في ديننا ودنيانا ومعاشنا وعاقبة أمرنا عاجله وآجله"

انــا أشـــوف إنهــا ما تتـــزوجــه
اولا لأنــها في البدايه ما هــي مقتنعه فيــه كثيـــر
ثانيــا المشكلــه بعــد الزواج يمكن تتغير أموره وأخلاقـه
وبالتالي يكون الندم مرتيــن
وأعتقــد طالما انها جميله فأكيد بيجيها نصيبها وعلى الأقل
بتكون اخذت واحد قريب من قلبها ومالي عينها بشكله وحتى لو تغيرة أخلاقه
بيكون شـــي يغطي على شـــي أحســن من لا شــــي
هذا رأيي الشخصي
تحياتي

اختي الكريمة...مســااااء الفل
عليها بصــــلاة الاستخارة اولى اكثر من مــرة
وكمان مدامو متدين وكويس وبيحافظ عليها ليش ترفضوو
وكمان اذا هية حبتو راح تشوفو اجمل ما بلكووووون

توكل على الله وتصلي الاستخارة
والله يجيب الي فية الخيررررر
وطمنييينا وش صاار

__________________
صلــــــــــــــــــو على النبـي الغالـــــي]

اختي الكريمة ..

اولاً عليها بصلاة الاستخارة ..

ثانياً اتفق مع الأخ الكريم ( ولد بثره ) .. ان كانت غير مقتنعة فيه لا انصحها بالموافقة ..

ولا تحاول اقناع نفسها فيه .. عليها ان تفكر ملياً قبل الموافقة او الرفض .. فالناس تتغير ..

اسأل الله لها التوفيق

تحياتي

أنا معاك في هذا الشيء السالفه نوعا ما محيره بالنسبه لها وهي مو عارفه شو تسوي وهي خايفه من
1- أنه ترفضه ولما راح ترفضه راح الناس ينظرو لها نظره أنها ماراح يتقدم لها مره ثانيه بسبب الأشخاص الي ردتهم قبله
2- محتاره فيه وهي أصلا ماتبيه لأنها مو مقتنعه فيه أصلن بس هو خوف في نفسها على حسب النقطه الأولى الي ذكرتها أنا

أنا عن نفسي ما أنصحها أنها تقبل فيه وهي مو مقتنعه وشباب البلد واجد
وخليها تصلي صلاة الأستخاره وتشوف !

صبااااااااااااااااااح الورد

اختي اهم شي الاقتناااااااااع .. لا تقدم على اي خطوه الا و عندها ميـــــــل و ارتياح
و تصلي و تستخير و تطلب ربها
والله يوفقها للي فيه الخير

تحياتي و تقديري

__________________
مانشدت الشمس عن حزن الغياب *** علمتنا الشمس نرضى بالرحيل

إذا كانت تحس بانفرار منه

لا تتزوجه.

صحيح موب لازم تموت فيه لكن على الأقل تتقبل شكله. و تعيش معاه

لأن بنت مثل هذي تحتاج إلى إشباع عاطفي

لكن في نفس الوقت لا تهمل الجانب الديني

و عليها الصبر و تذكر أن الدنيا ليست دار استقرار


و لا تنسى قول النبي (من أتاكم من ترضون دينه و خلقه......إلخ)

اختي الشكل مو مهم المهم هو اخلاق الرجل

السلام عليكم ...

يا أختي هناك شريط في مكاتب التسجيلات الاسلاميه عن الحياه السعيده ..

و أحد الاجزاء يتكلم عن 10 اسأله تسأليها للخطيب عشان تتأكدي منه و يرتاح له القلب ...

السلام

__________________

[blink]

(¯`·._.·[ Boodii ]·._.·´¯)

[/blink]

اشكركم اخواني على ردودكم

الحمدالله البنت صلت استخاره وهي تقول

انها خايفه ترفضه بسبب شكله

و ما تلقى واحد ثاني في نفس صفاته واخلاقه بس يكون شكله جميل

يعني هو مب خسف وايد لكنه شويه اقل من المقبول


اما كل صفاته الباقيه هي حابتنها

وفي نفس الوقت البنت حبوبه وطيوبه ونفسها عزيزه وما تهتم بالغنى او المال

يهمها الاخلاق والاصل الطيب وهذي الصفات موجوده فيه

النقطه الوحيده هي الشكل


والله مادري شو اقول لها

الزواج قسمه ونصيب وما تعرف شو ممكن يصير في المستقبل

__________________
"اللهم ارزقني بالزوج الذي هو خير لي وأنا خير
له في ديننا ودنيانا ومعاشنا وعاقبة أمرنا عاجله وآجله"