والله تعبت ... ادعولي
صحيح نحب بعض ومانقدر نستغنا عن بعض .. وفي نفس الوقت مانقدر نحل مشاكلنا ...


فعلا تعبت
احيانا اقول انا مااصلح للزواج
تخيلو تقريبا يوميا مشاكل حتى في رمضان لا بل زادت في رمضان
قبل كم يوم كتبت موضوعي .. جهزي عمرك علشان تروحي بيت اهلك ..

وانتهت المشكله على مايرام ولله الحمد لكن في الحقيقه لم تحل هذه المشكله
يعني بصراحه على خبرك في المراه كلمه بسيطه تنسيها جبال هم تحملها بقلبها
وبعدها بكم يوم رجعنا نتكلم في نفس المشكله
فوصل ماوصل بيننا من جدال اليوم فجرا

وفجأه اجده يقوم من السرير ويلبس ثوبه ذاهبا بيت اهله
جن جنوني .. تتركني لوحدي وتذهب
خرج بالصاله وجلس ..

ذهبت انا ولبست عبايتي وقلتله ودني بيت اهلى
لان وراك عمل وما تقدر تنام وانا في الغرفه
صرخ في وجهي هل فعلا جن جنونك ..؟؟


والله ماني داريه وش اسوي واحس المشاكل الي اواجهها اكبر مني
وماني قادر اتحمل اكثر صرت لا شعوري ولاول مره في عمري
ادعي على نفسي بالموت وبعدها استغفر ربي واقول حرام هلي اقوله

قالو المشاكل ملح الحياة وانا مليت ملح ..

اختي هند ترا المشاكل طبيعيه بين الوجين بس سالفه اهلي واهلك طلعوها من حياتكم يعني روحه وجيه لهلك هاذي اسباب تكبر المشكله وتخليها خارج سيطرتكم ولازم تقدمين انتي تنازلات مو كل شي بالعناك .......... وربي يوفقكم........يارب

بودي أعرف وين الصراحة بينكم , ولن تأخذي شي من الرجل بالعناد , وما يضرك لو امتثلت قول النبي صلى الله عليه وسلم: (( ألا أخبركم بنســائكم من أهــل الجنــة ؟ الودود، الـولود، العــؤود، التي إذا ظلمت قالت: هـذه يـدي في يـدـك، لا أذوق غمضــا حتى ترضــى)) رواه الطبراني وحسنه الألباني

__________________

قال ابن الجوزي لأهل زمانه :
أيها الناس ..
لقد دارت رحى الحرب ، و نادى منادي الجهاد ، و تفتحت أبواب السماء ، فإن لم تكونوا من فرسان الحرب ،
فافسحوا الطريق للنساء، يدرنَ رحاها ، و اذهبوا و خذوا المجامر والمكاحل يا نساء بعمائم و لحى .

حاسة فيك والي يلاقيلك حل يلاقيلي صار لنا اربع سنوات والناس يحسدونا على حبنا بس المشاكل فوق الاحتمال العيب مو فيه ولا في بس العيب في اختلاف الطبايع .............لما نفترق ننجن ولما نجتمع تبدي المشاكل تهدي كم شهر وبعدين ترجع وهكذا .................احس اني كبرت عشر سنين .......وياما دعيت على نفسي بس ما في فايدة دايما يزعلني وبعدين يرجع ندمان ................المشكلة اني البنت الوحيدة لاهلي و كنت مدلـله عندهم وحاسة نفسي تعبت جدا

هل جربت ياهند الدعاء بقلب صادق موقن بالاجابه


ادعي والحي بالدعاء وابكي بين يدي الرحمن


ثم موضوع الانجاب ربما هو مايؤثر على علاقتما دون ان يصرح احد منكما للاخر


دعيه يتكلم ويصرح واتفقي معه بان نقوم الليل وندعي ولن يخيب المولى من رجاه

واكثروا من الاستغفار



الدعاء الدعاء مع التوكل ان لايفرج همكما الا الله

وحذاري ان تشتكي لبشر

اشتكي لمن يفرح بسؤال عبده

اللهم ياكريم اجعلها حورية في عينيه واسعدهما

امين

عزيزتي هند

اعذريني حبيبتي ولكن ساتكلم معك بصراحه

لن اقول انت صح بل اخطاتي

نعم اخطاتي حبيبتي --------لا ادري لما تفتحون المواضيع القديمه

عزيزتي بماانك عدتي مع زوجك الى البيت هذا يعني انك راضيه ويعني ايضا انك غفرتي له

والغفران معناه ان تطوي صفحة الماضي الى الابد وتبداي صفحه جديده

نعم انت تحبينه وهو يحبك لكن كثرة المشاكل تؤدي الى الملل

عزيزتي نصيحتي لك اذا انتهيتي من مشكله فاطويها الى الابد ولاتكرريها دائما

فالزوج لايحب المراه التي تحب ترديد المشاكل دائما

غاليتي افتحي مع زوجك صفحه بيضاء خاليه من اي مشاكل وانسي الماضي

وابداو من جديد

وراجعي نفسك وحاسبيها واعرفي اين يوجد الخلل في العلاقه بينكما

وحاولي ان تصليحه

حبيتي اسال الله ان يصلح حالك ويرزقك الذريه الصالحه0

__________________

طيب ياعمري صح المفروض مانفتح المواضيع القديمه
طيب اذا كان مستمر على نفس الخطأ


صدقوني انا في قرارت نفسي ادري انه والله يعاند متى ماالحيت انه
يترك هالطبع ودي اطنشه لانه شيئ تعود عليه مو بسهوله يتركه
معليه بس ياربي ... ياربي .. ربي هو اعلم بقدرتي واحتمالي
دائما اكثر الدعاء لي بالصبر .. ربي يصبرني ويأجرني

الحمد لله مداومه على الدعاء
وصدقيني مثل ماقلتي تأخر الانجاب مأثر بطريق غير مباشر علي انا اكثر
وان قلت للناس انه مو مأثر تراني اكذب عليهم واكذب على نفسي
اشتاق لطفل لي احمله بين ذراعي وربي كريم لكن اين الصبر ..؟؟
لما اشوف بنات خواتي اشفق على حالي احن على نفسي
والله احيانا صدري يألمني يقلون اني المفروض مايكون فيني هالحنان
وانا ماجاتني عيال

لا تخافين انا مأمنه بالدعاء والحمد لله ..

طيب وش المشكلة الحيـن بينكم ... يعني الحين هو فيه عناد هل تقابلينه بالعناد .. طيب وش الفايده ؟؟ اذا زوجتي عنيده وغير مطيعه صراحه تستاهل الي يجيها من هم وكدر ...

البيوت الي فيها امرأة متفهمه وعاقله نادرا ما تشكوا من المشاكل ..بس الظاهر واسمحيلي بذي الكلمه انتي تنكدين على زوجك دايم .. حاولي تعرفين وش سبب المشاكل وحاولي تتنازلين وهو اذا شافك كذا بيستحي من نفسه ... عامليه معامله طيبه خليه يخجل حتى يرفع صوته عليك ... ترا الرجال ما يجي بالعنــاد بالسياسه والمعامله الطيبه تكسبينه ... لا تقولين زوجي غير الرجال صحيح يختلفون بس بالنهاية كلنا بشـر ...



تحياتي لك ..

__________________
رحمك الله يا ابا فيــصل .. رحمة الله عليك

اللهم اغفر له وارحمه وعافه واعف عنه وأكرم نُزُله . ووسع مُدخلهُ . واغسله بالماء والثلج والبرد ، ونقه من الخطايا كما ينقى الثوب الأبيض من الدنس ، وأبدله داراً خيراً من داره ، وأهلاً خيراً من أهله وزوجاً خيراً من زوجه وأدخله الجنة وأعذه من عذاب القبر ( ومن عذاب النار )

عذرا اخي لا اود ذكر المشكله
هو فعلا كما قلت يعاند

ومثل ماقلت اتنازل لكن ليه دائما التنازل من جانب المراه
ليه لانها اضعف ..؟؟


بس صح المفروض اتنازل حتى وان كان هو المخطأ
اللهم صبرني واجرني ..