السلام عليكم ورحمة الله وبركاته
بدخل في الموضوع أو في مشكلتي على طول
انا عمري 22 وزوجي عمره 25 تزوجت قبل شهر
وسافرت للخارج مع زوجي بعد زواجي بأسبوعين بحكم عمله

بعد حوالي اسبوعين صار يخوف أو صرت أخاف منه جأ كلمني وقال تبي نكون أسعد زوجين وما يصير بينا مشاكل ويكون مكانك بقلبي ما يقدر احد يصله قلت أيه قال شوفي انا أطلب منك 3 مطالب يا تقولي ايوه يا تقولي لا
قلت واذا قلت لا قال بكل برود ارجعك بيت أهلك قلت ايش يعني قال بطلقك قمت و زعلت منه عشان قال كذا وطلعت انام برا الغرفه
قال يعني احجز لك بكره تذكرة سفر كانت طريقة كلامه مستفزة جدا ما عرفت ارد عليه بكيت وبس طلع من غرفته وانا ابكي بشده وكنت مفكره انه جاء على أساس يراضيني قال وهو معصب شوي اسمعي
اول شي
ما ابغى يكون معك جوال... هاتف أرضي يكفيك
المهم تكلمي اهلك ومو أي واحد تجيبي له رقمك ابوك وإمك واخوانك فقط اللي تجيبي لهم رقمك وقولي لهم لا يعطون رقمك لأحد
قال الشي الثاني أشوفك تعرفتي على حريم بهذه السرعه قلت ايه من الجامع قال طيب بس ممنوع تدخل بيتي أي واحده وقال الحرمه اللي تشوفيها محجبه الحجاب الإسلامي ومحترمه تتفضل بيتي غيرها ما تلومي غير حالك
قال و الشي الثالث طلعه ممنوع تطلعي من البيت انا اللي اوديك واجيبك وطلع المهم اليوم الثاني بعد ما رجع من الدوام قلت له انت تشك فيني قال أشك في حالي ولا فيك بس الزمن هذا يخوف وعطاني كلمتين معسوله ومن غبائي وافقت اليوم الثاني في الصباح قمت ادور على تلفوني ما شفته وشفت هاتف أرضي
انا حاليا خايفه جدا
مو عارفه أتصرف خايفه يكون فيه حاله نفسيه أو شكاك جدا وما اقدر أتأقلم على هذا الوضع و ساعات اقول أكلم أهلي وساعات اقول اناقشه وبنفس الوقت خايفه يزودها ويمنع عني شي ثاني وخاصه انا في غربه وما معي أحد ولا أعرف أحد ولا حتى لغتهم وخايفه اسوي شي و أندم عليه ياريت أشوف الحل عندكم
واعذروني اذا كان كلامي في أخطاء ومو مرتب
انا أكتب على الجوال طبعا مو جوالي جوال جارتي

والله يجزيكم الخير

حبيبتي هالكلام م ينفع الجوال ليه حتى م يكون معاك الطفل الحين يحمل ف يده جوال ف كيف انتي ف عربه وبعيده عن اهلك ع اقل تسلي وقتك عليه اذا طال غيابه برا البيت
تفاهمي معاه والله يهديه لك
اغلب الشباب هالوقت م عندهم الا يفرض رأيه وشخصيته ويمكن احد موصيه ع هالنصايخ الا م فيها اي امان لك
وتعرفي ع ناس ثقه تخاف الله وهو مع الايام بيطيح اللي ف راسه الا اذا هو عنيد ف الله يعينك الحياه معاه صعبه
ادعي ربك والله يسخر لك زوجك

__________________
اللهم احفظ لي بنتي فهي فرحة عمري وضحكة سنيني ..

جا فجأه وقالك كدا ؟ ؟بدون اي موقف مسبق حصل ؟؟؟
يمكن سمع شي حصل من اصحابه ؟؟ >> مع انه ما اتوقع توصل لذي الدرجه
موضوع الجوال غريب يعني انت بدوله غير دولتك ولغتهم تقولي ماتفهميها يعني اكيد كل الي بتتواصلي معاهم ناس من اهلك ؟؟ .

صراحه محير بس احس ماحد يقول شي من فراغ او زي مايقولو الي على راسه بطحه يحسس عليها ؟.
ممكن يكون عنده شي ومخبيه عنك ..

كلمي امك بالموضوع وشوفي رأيها بس لاتكلميها من الارضي والله ينخاف انه حاطط تسجيل مكالمات كمان اذا كان شكاك كدا ..
كلميها من جوال جارتك .. وحاولي تجسي نبضه وتسحبي لسانه بالكلام وتعرفي عنه كل شي بس بطريقه غير مباشره

__________________
لاتسعى لتصحيح ظن احد بك ££ خالقك ينظر لقلبك وهذا يكفيك

انتبهي تحملين حتى تتأكدي من سلامته من كل النواحي، وأنه الزوج المناسب.

__________________
ياصبحِ لاتِقبل !!
عط الليل من وقتك..

أسلوبه غير مريح.

من يسعى للسعادة ويرغب في تجنب المشاكل لا يستخدم أسلوب الاستفراد ولوي الذراع والتهديد.

وما دامت لديه متطلبات قد يؤدي عدم تحقيقها للطلاق .. فقد كان الأولى أن يخبرك بها قبل أن تخرجي من بيت أهلكِ.

__________________


اللهم طِيبَ الأثر .. وحُسْنَ الرحيل.

هذا الكلام صحيح ....

__________________
أشهد أن لا إله إلا الله و أشهد أن محمدا رسول الله صلى الله عليه و سلم

ليه ماقال هالشروط قبل الملكه ؟ يعني الحين بعد ما اخذك يبي يحبسك .. والله مادري وش اقول بس وضعه مو طبيعي ومثل ماقالوا لك انتبهي تحملين قبل يبين وضعه امره غريب والله .. التلفون الثابت ماعاد اشوفه الا بالمكاتب والمستشفيات ..

الله يعينك على مابلاك ..
بس ان ظليتي تخافين من الطلاق بيصير نقطة ضعف يهددك فيها
كل يوم .. قولى له مو موظف انا عندك تهدده بالفصل كل مره ..

الاخت الفاضلة تحية معطرة ...

تتعدد انماط الشخصيات في الجنس البشري ما بين 12 نمط شخصية. كل شخصية من هذة الشخصيات لديها طريقة معينة في التعامل معها. هذا الى جانب اختلاف كل نمط شخصية عن الاخر في التعبير عن الحب.

هنالك نمط شخصية يسمى الشخصية الشكاكة وهذا نمط شخصية محمود اذا كان سوي وذلك لان اصحاب هذا النوع من الشخصية يعدون من افضل الشخصيات للعمل في المهام اللتي تتطلب تحقيق والحسابات لانهم يميلون للتحري وتدقيق .

الان وقد عرفتي نمط شخصيت زوجك فاليكي الطريقة المثلى لتعامل مع هذا النوع من الشخصيات .
1. في حال بدا بطرح اسئلة التحري اجيبية بشكل مباشر وسريع ومنطقي عن ما يرغب بمعرفتة ولا تاخذي الامر على صعيد شخصي اطلاقا.
2. اشعري زوجك بالحب حتى لا تفتحي مجالا للشك لان اصحاب نمط الشخصية الشكاكة قد تتبادر اليهم افكاء سلبية في حال انسحاب الطرف الاخر وقلت اهتمامه . فمثلا. ردت فعلك الغاضبة حينما عرض عليك شروطة من عدم السماح لكي باقتناء هاتف نقال يرفع نسبت التشكك لدية والهدف هو طمانة هذا النوع من الشخصيات فكان من الاولى لك ان تقولي له انا ليس لدي شيئ لاخفية والهاتف الارضي يفي بالغرض ولاكن لو سمحت لي بقتناء الهاتف النقال فساكون سعيدة . وبامكانك يا زوجي الحبيب ان تحصل على prent من شركت الاتصالات بشكل شهري حتى تتاكد مع من اتحدث فراحتك واستقرارك النفسي يهمني .
3. اصحاب الشخصية الشكاكة يقدمون الحب بنكة شك . فمثلا اسالتة الدقيقة والتفصيلية ما هي الا في غالب الاحيان تعبير عن حبة وخوفة عليكي لانه وان لم تعني لة الكثير لما اعار الامر اهتمام.
يرجى فتح الرابط التالي للتعرف اكثر عن الحبيب الشكاك .

https://youtu.be/ZZCF3beV7B4

واخيرا اختي الفاضة تاكدي ان الرجل في بداية الزواج لدية نوع من القلق والتوتر وذلك لان حبكما لم ينظج بعد وان زوجكي في مرحلت لم يتعرف عليكي بشكل كبير . وحينما تستمرون بالعلاقة وتبنى بينكم الثقة والحب والعشرة الطيبة بشكل الكبر فستتفاجئي ان زوجكي اعطاكي مجال كبير من الحرية والصلاحيات .

المستشار Moh ...

مو مريح وشكاك
انتبهي تحملين

__________________
سبحان الله وبحمده ، سبحان الله العظيم