السلام عليكم

عندي صديقه مقربه متزوجه واحد متعود يضرب اخواته وللاسف خبو عنها انه يحب يضرب النسوان وتزوجته وجلست سنه ماقد مد يده عليها لانه صديقتي هاديه ومطيعه لكن مع وجود الاولاد تعبت نفسيتها وسارت تطلبه بعض الاشياء لاولادها من راتبها ويرفض لانه مستولي ع راتبها ثله له والباقي اقساط ماتاخذ الا جزء بسيط منه ع انه البطاقه معاها واذا اخذت زياده يضربها والمشكله اهلها ماوقفو معاها اخر مره تسبب لها بكسر واخذوها للمستشفى جبرو يدها وقالو لها لا تكلميه وخذي منه فلوس وماادري ايش كله عشان عندها ثلاث اطفال وحامل ومايقدرو عليهم

انا حبيت اتدخل طلبت رقم ابوها وقلت لها بقله يساعدك وكذا
وانا في بالي اقله انا مستعده اساعد بنتك تشتري شقه لكن بشرط تاخذ بطاقتها وتاخذ قرض وانا اكمل الباقي وتعطيني مبلغ شهري من راتبها والبطاقه تكون عندك ماتعطيها ولا تعطي زوجها وهذا الكلام ماقلته لبنتك عشان مااعطيها أمل فقلت اكلمك قبل مااكلمها وبعدها اذا شافت انه العشره معاه ماتطاق تتطلق وعندها بيت خاص فيها ولاولادها المهم سويت كل هذا وكلمت ابوها وقالي مااقدر تكون بنتي مطلقه في شقه لوحدها قلت ماهي لوحدها قال الناس تاكلني بالكلام ومافي مطلقه جلست لوحدها في شقه الا اذا ماعندها أهل

حاولت اتمالك غضبي قلت طيب الشقه خلوها بجنبكم او حتى في نفس سكنكم قال هذي المصيبه يقولو مايبغو بنتهم بينهم ورموها في شقه لوحدها
قلت ماهي لوحدها
قال تصبر حتى يكبرو اولادها ويسوقو سياره وذاك الوقت نطلب مساعدتك
قلت طيب اتمنى ماتجيب سيره لبنتك لو قلت لها رح اقلها ع كل كلامك الي معناه عيشي العذاب 10 سنوات وبعدها كوني حره اذا وصل عمر ولدك 16 سنه وقفلت الخط



قولو لي ايش الحل انا ماخبرت صديقتي بالي سويته من وراها لاني خايفه تحرجني أساعدها رغماً عن اهلها وعن زوجها وبعدين تحصل امور فوق طاقتها وياخذو عليها البطاقه وتروح فلوسي

نفسي تتعدل حياتها كل ماضربها تدق علي وتقطع لي قلبي حتى لما اشوف اتصالها ماارد الا بعد مرور ساعاات تكون هديت

وليش ثلاث اولاد ؟ و حامل ؟!!
وهى تعرف سوء اخلاقه ..!
مدرى كيف تفكيرهم هذولا اللى تشوف سوء خلقه و تروح تجيب اولاد
وبعدين تقول مين يشيل اولادى !!

لا أظن أن تدخلك سيكون إيجابي

أحتويها و انصحيها

و ادعي لها

وجزاك الله خير على سمو أخلاقك

__________________
أنا جنتي وبستاني في صدري أين رحت فهي معي لا تفارقني إن حبسي خلوة وقتلي شهادة وإخراجي من بلدى سياحة
إبن تيمية

وليش ابوها ما عنده بيت؟؟ وشو له الشقة؟؟ بيت ابوها هو بيتها بعد طلاقها .

عايشةمع رجل غير مرتاحة له ومازالت تنجب المزيد من الضحايا !!!
والله مافهمت هذي النوعية من النساء!!!

هي كذا قاعدة تعقد حياتها أكثر وقاعدة تتورط أكثر وأكثر

ساعديها بالنصيحه والتخفيف عنها فقط ..الخوف اذا بتساعديها وبتلاقي لها شقه وبعدها زوجها يراضيها وترجع له... بتطلعي انتي الشريرة اللي تبي تفرقي بينهم..اتركيها تحل أمورها بنفسها ..

اتفق مع هذا الرد
والتدخل بشؤن الغير منقصة

__________________
سبحان الله وبحمده سبحان الله العظيم

__________________

نعم كم مره تطلب مني ادخل زوجي او ابويه لحل مشاكلها تقول ابغى رجال يوقف معاي ولان الفئه هذي مهمشه في مجتمعنا والكل يخاف ع نفسه وسمعته اكيد انا مارح ادخل لازوجي ولا ابويه بكره لو حصل لهم شي بيحطوها في راسي انا فاقترحت عليها تكلم عمدة حارتهم او اي رجل دين عندهم وكلمت امام المسجد ع اساس اذا رفعت قضية ع زوجها بأنه معنفها يوقف معاها ويجيب شهود ورفض وقالها مااقدر الا انصحهم واذكرهم بالله

تطلب مني اساعدها بالبحث عن شقه والبحث عن اي احد يسلفها حتى تشتري شقه وتاخذ بطاقتها وتسدد المبلغ الي عليها
وانا مااقدر اعينها ع البحث عن شقه بدون علم اهلها واجلت هي هذا الموضوع حتى تنجب ابنها

وانا ماقلت لها اني عندي مقدره ع مساعدتها لكني مؤيده لها انها تبحث عن اي احد يساعدها غيري وبتحط اهلها في الامر الواقع وتطلب الطلاق هل بتمشي خطتها زي ماتبغى الله اعلم

لما كلمت ابوها كنت اعتقد ع كلامها انه فقط الماده الي ماتسمح له يطلق بنته من هذا الرجل فلما تأكدت انه مايبغاها من الاساس تروح شقه وهي مطلقه انسحبت
انسحبت حتى من اني اشجعها تشتري شقه باسمها هي تلقاها من زوجها ولا من ابوها 😞

لو مرة وحدة وقفتلو وما استسلمت للضرب كان ارتدع، تحاول ترد الضرب حتى لو كان بدا تضربو.