السلام عليكم ورحمة الله وبركاته

مدري كيف افضفض واكتب عن ما أشعر به
ما اعرفه أمر بظرف صعب هالفترة
المشكلة اني أكابر واكتم بقلبي شي كبير من المعاناة افكر بالبلوى والحزن
ومن حولي متعاطفين وكثير من الأسئلة ليه وكيف وشلون يبغون يعرفون
ما ابغى اشكي اصلا مابي حيل وطاقة للكلام ولا الشرح ولا التفسير عفت الحياة
الصبر حللته لو ينطق كان قال نشفتي ريقي.
حتى الدعاء مدري ليش مااقدر ادعي ولا ابكي ولا أتكلم المفروض بمثل حالتي تنهار
الي خايفة منه افقد صبري وأحكي شي كاتمته على اقرب ناسي ما ابغى احد يشيل همي
وخاصة أمي وخواتي.
كيف اتجاوز مرحلة الصمت ولا انهار بوقت مو وقته.
مدري فهمتوا عليه ولا لا اصلا انا مو فاهمة حالتي.

واجهي نفسك وصارحيها اش مشكلتك بالضبط ؟ ماهي الاسباب لي جعلتك توصلي لهذي الحالة ؟

معلمة لو اعرف ما كتبت بالمنتدى !

اختي انت كتومة واتفهم وضعك ان ماتحبي احد من اهلك يشيل همك ..طيب فضفي هنا محد يعرفك :/ .. اش بالضبط معاناتك .. بانتظارك ..

ابنتي الكريمة
لن أخمن سبب الكتم وصعوبة الدعاء وإن كنت عرفته فهو واضح من كلماتك ومن خلال السطور.
وباذن الله له علاج سهل ومهما كبر حجمه عندك فهو مقدور عليه.

__________________

لتوفير الجهد والوقت للجميع :
1- كتابة الوقائع ثم المشاعر ثم المطلوب.
2- ما أقوم به هو التعامل مع عقل صاحب أو صاحبة المشكلة وشخصيتهما ونظرتهما للحياة لترقيتها للأفضل بإذن الله على ضوء ما يكتبان هنا.
3- لا بد أن تكون لدى صاحبة أو صاحبة الموضوع الرغبة في القبول بالنصح والرغبة في التغيير لا طلب الدوران معه على محور شكواه والبكاء معه.
4- لا يمكن بعد الله أن أعدل من ظروف الكاتب أو من شخصيات أطراف العلاقة في مشكلته إلا بتواصلهم معي هنا شخصياً.

هذه المرحلة يسمونها مرحلة التبلد.
من كثر الصدمات أصبحت كذا.

__________________
( قال الله تعالى : يابن آدم إنك ما دعوتني ورجوتني غفرت لك ما كان منك ولا أبالي ، ياابن آدم لو بلغت ذنوبك عنان السماء ثم استغفرتني غفرت لك ولا أبالي ، ياابن آدم إنك لو أتيتني بقراب الأرض خطايا ثم لقيتني لا تشرك بي شيئا لأتيتك بقرابها مغفرة )كربي عظيم ادعوا لي (اللهم لا تكلفني من كرب الحياة ما لا أطيق)..

ربي يفرج همك
للاسف ماحنقدر نفسرلك الا اذا عرفنا الموضوع ممكن نقدر نقدم لك بعض المساعده بقد مايقدرو الاعضاء ..
لكن ان كنتي كتومه وماتحبي تقولي المشكله ف انت هنا عشان نهون عليكي لا للتفسير وحل المشكله ..
بصراحه اشوف لو تفضفضي هنا افضل مو حلو الانسان يكتم بقلبه جدا غلط
انا احب افضفض للغريب ولا افضفض للقريب

اسأل الله العظيم ان يريح بالك ويفرج همك

__________________
لاتسعى لتصحيح ظن احد بك ££ خالقك ينظر لقلبك وهذا يكفيك

حااااسسه فييك
انا مرت علي مثل حالتك لما تعرضت لصدمه قوووويه لدرجه اقوم اصلي الليل با ادعي مو عارفه بـ أيش ادعي ولا الكلام يطلع مني
وكنت كتووووم لدرجه ماتتصورينها حتى البكاء ماكنت ابكي
وكنت اشيل هم اهلي اقول مابضيق صدرهم علي وقعدت على هالحاله 3 شهور وتعبببت الله لايعيدها من ايام الا بالخير
وجت بنت خالتي ودقت على اخصائي نفسي وشرحت له حالتي وانا ماقلت لها ابد لكن لاحظتني على قولتها وسبحان الله كنه ارسلها ربي لي تنقذني المهم وتواصلت معه اول اسبوع تعب معي كنت مكتمه ما اتكلم
بعد اسبوع قدرت اتجاوز معه اشياء كثيره وتكلمت معه وفضفضت له وكنت بحاجه بجد للكلام وجاني انهيار من كثر البكاء لكن الحمدلله قدرت اعدي معه وزانت نفسيتي وتحسنت كثيررر ..
وانتي لازم تتكلمين وتفضفضين وتخففين عن نفسك
انا كان الاخصائي يقولي اجلسي قدام المرآيه و فضفضي لنفسك او اكتبي كل شي بخاطرك بورقه وبعدها قطعيها او ارميهاا
والله يفرجهاا عليك ..

__________________
.. أستغفر الله العظيم .. أستغفر الله العظيم ..

الحمدلله على كل حال.
ماهي مشكلة علشان أتكلم وأقول يمكن ألقى لها حل.
قضاء وقدر اللهم لا اعتراض على حكمك.
دعواتكم ما أُبيح سري واستر أوجاعي عن خلقه.