السلام عليكم ورحمة الله وبركاته

أنا عمري 23 وخطيبي 26

في 2013 خطبني شخص من جماعتنا بس ما يقرب لي يعني من بعيد بس انوا زمان كنّا جيران بعدين هما نقلوا وخطيبي يعرفني من اول المهم انوا لما خطبني كان ما يشتغل كان دوبه مخلص دراسته من أمريكا بس اتوقع انوا ما كمل لانوا مرا فتحنا هذا الموضوع وحسيت انوا تضايق وسكت وما فتحنا الموضوع بعدها ابدا المهم انوا انا يتيمة بابا حبيبي متوفي من لما كنت صغيرة الله يرحمه واحنا حالتنا المادية أقل من المتوسطة الحمد لله وأهل خطيبي طبقتهم الأجتماعية مرا ممتازة مشاء الله في اول سنتين كان خطيبي كويس معايا شفت فيه أشياء كثيرة حلوهُ وعجبتني مع انوا ابدا مايعبر لي عن مشاعره احسه ما يعرف يعبر بس اشوف حبه لي بعيونه وافعاله يهتم فيني ويهتم بأدق تفاصيلي ماقد طلبته شئ ورفض على كثر ما كنت ازعله وازعل منه بحياته ماقد زعل مني كان يأخذني من الجامعة يرجعني البيت بس عشان يشوفني ولفت عليه ومرا تعلقت فيه صار شئ مهم في حياتي هو الحين يشتغل مع ابوه في الفترة الأخيرة صار يعايرني بمستوانا المادي ويدقني في الكلام كثير يقول انتي وافقني عليا بس عشان مستوانا المادي ولو مستوانا اقل من كذا ما كان وافقني عليا ولو بعيش بصحراء وما عندي شئ بتكوني معايا ولا لا!! وبنت اخويا الصغيرة اصغر وحده في العائلة عندها جواز سفر وانتي ما عندك!!! هذا الكلام مو مرا وحده متفرق بس دوبه قبل سنة تقريبا اللي بدأ يقولي كذا مرا تغير عليا ما كان زي كذا صرت احس انوا حاقرني عشان مستوانا المادي طيب انا راضية ومرتاحة الحمد لله هو ليه ينغص عليا مرا متنرفزا من أسلوبه معايا صح انوا حالتنا المادية ضعيفة بس مااتذكر بيوم حسسته بأني اقل منه اتذكر مرا قال لي ابغا احط لك راتب قلت له ماابغا وحاول يعرف السبب بس مارضيت اقوله وانا اصلا ما كنت ابغا يصير اللي صار ومرا قالي انوا انا بتعب على نفسي واسوي مشروع عشان اعيشك ملكة واعوضك عن كل شئ بس هو الحين يشتغل بشركة ابوه مدير او شئ زي كذا
جد جرحني وجرح مشاعري ما توقعته بيوم بيقولي زي كذا اصلا هو له سنه ما صار يكلمني زي اول يمكن بالأربعة شهور مرا وانا صرت اعاتبه كثير ونتخاصم بهذي المرا اللي نكلم فيها بعض ومرا عصب عليا ومن بعدها صابني برود في مشاعري اتجاهه
وحتى وانا صايبني البرود وما احس اني صرت احبه زي اول صرت اجامله برسالة ويشوفها بس ما يرد عليا اذا مرا تعب نفسه قال هلا.
بقولكم شئ انا مرا جميلة في بيت اهلي مو ناقصني شئ الحمد لله لانوا جد يصرف عليا وانخطبت كثير وقبل ما هو يخطبني كمان انخطبت ورفضت لأسباب مختلفة وكمان كنت صح ابغا شخص مستواه المادي كويس من ابسط حقوقي اختار الشخص اللي ابغا أعيش معاه وأجيب منه عيال ولما هو يدري يقولي اصلا معروف البنت اللي اهلها مو أغنياء محد يبغاها والفلوس تتنادى وكلام كثير يخليني أندم اني جلست معاه وكلمته صرت اخاف بعد مانتزوج كيف بتكون حياتنا مرا قلت له طلقني لما كنّا نتخاصم وقال لي مستحيل انتي خط احمر احس اني ندمت اني قلت له لأَنِّي جد احبه وخايفة اخسره بس ما ابغا أكون معاه وهو كذا تعامله معايا استحق افضل من كذا مشاعري متلخبطة فيه كلام كثير بخاطري ابغا اقول له بس اخاف اجرح مشاعره ويكرهني.
ترا انا في فترة ملكة بس ما احب اقول زوجي

عروسة حبيبتي..

بغض النظر إن كان الدافع الحالي مزح أم جد .. هناك أمور إذا قيلت ولم تجد الرد المناسب الذي يوقفها عند حدها .. ستظلين تسمعينها للأبد.

وحكاية الفلوس وكونه أفضل منكِ مادياً .. وأنكِ ما وافقتِ عليه إلا لأنه غني .. هي أحد تلك الأمور.


نعم من حقكِ أن تتمني زوجاً مرتاح مادياً .. ولستِ مضطرة يا عزيزتي لذكر خطّابكِ السابقين .. ولكن الموضوع يحتاج رد واحد صارم وحازم منكِ كي يتوقف تماماً عن قول مثل هذا الكلام إن كان يحترمكِ .. أما إن كان مقتنع بالفعل بأنكِ ما رضيتي به إلا لثرائه وليس لأي شيء آخر .. فالأفضل أن تتوقفا قليلاً وتعيدا النظر في ارتباطكما.

__________________


اللهم طِيبَ الأثر .. وحُسْنَ الرحيل.

مشاءالله في دورات كثيرة هنا الشخص لا يفكر يتزوج بنت افضل منة مادياً بكثير او اقل منة بكثير او العكس .

تواصلي مع زوجك وعطي نفسك فرصة شوفي كيف قبولة معاك في الأيام القادمة اذا يعايرك انك فقيرة كذا سوي حق نفسك STOP لأنة وقت الزواج نكون صريحين بصير شي اكبر عيب الوحد يتكلم بهاذي الأشياء يحترم مشاعر غيرة ويحب زوجتة بقلبها وجمال روحها.

ربي يكتب لكم الخير لا تتعجلي بالأمر لعلى الأيام القادمة ربي يولف بين قلوبكم بالحب

اتوقع ان ردة فعلك اثناء كلامه هي الصمت ؛ عشان كذا تمادى

يا اختي حطي حدود و خطوط حمراء زي لما هو سكتك و قال انتي خط احمر بعدها انتي سكتي ، الموقف يحتاج منك ردة فعل و مصارحة و وضع النقاط ع الحروف ، و بإذن الله يتغير لأن اسلوبه هذا مو متأصل فيه بمعنى انه قبل ما كان هالموضوع شيء بالنسبة له و لكن فجأة تغير

و اذا استمر و ما ردعه شيء فالاحسن تعيدين النظر في ارتباطك به
مثل هالنوعيات صعبة الحياة معاهم ..

وهو اخذك اجر وحسنات لو لم تعجبيه اخذك لجمالك
يجب توقيفه عند حده لا ترسلي له شئ ولا تسألي عنه ما دام من طرفك فقط وان افتقدك وارسل او كلمك
حينها حطي النقاط على الحروف واطلبي الاحترام وان يحسن الفاظه
الله ييسر لك كل خير

__________________

طيب يا أبو مريم.. البنت لم تقل إنها تريد زوج ثري .. بل قالت تريد مستوى مادي جيد .. ترا في فرق.

والبنت لم تتذمر من وضع أهلها المادي ولم تشعر خطيبها بهذا وقالت إنها راضية ومرتاحة ولم تشعره بأنها أقل منه .. بل إنها حتى رفضت عندما عرض عليها راتباً أو مصروفاً .. ومن يكون هدفها الرئيسي في شريك حياتها هو الثراء لن يكون هذا تصرفها.


بالإضافة إلى أنها لم تفصّل في الجانب الديني لخطيبها حتى نحكم هل هو ممن نرضى دينه وأخلاقه أم لا .. وبالتالي لا نستطيع أن نتهمها بأنها اهتمت بمسألة المال والثراء على حساب الدين والأخلاق.



يعني هي لازم توافق على فقير عشان تنجح في الاختبار؟؟

__________________


اللهم طِيبَ الأثر .. وحُسْنَ الرحيل.

__________________

__________________

وعليكم السلام ورحمة الله وبركاته..

عزيزتي بكل صراحة تحدثي عما يزعجك معه، لا ينفع دور الصامت ولا التجاهل بل بالمصارحة ولتكون نبرتك فيها جدية

اسمعي مايقوله ثم بعدها قرري، لا تكبتي الذي بداخلك..

وليكون حوارك راقي كرقي عقلك حبيبتي.

اجعليه يخجل من نفسه بأن يحدثك بهذه النظرة القاصرة مع إحترامي، الإنسان قيمته بنفسه لا بماله ولا شيء غيره

ما فائدة المال لو كانت هذه نظرته!!

وانصحك أن تقتني هذا الكتاب للدكتور جاري تشابمان كنت أود أن اعرف هذا قبل أن أتزوج!