السلام عليكم ورحمة الله وبركاته
عمري 35 سنة جمالي متوسط بس كان فيني جاذبية وثقة عالية و حب للحياة وتفاؤل
وبصراحة كنت انخطب وعمري 16 بس اهلي كانوا يرفضون ،بعد كذا انخطبت كثير بس كنت ارفض جهل والوم اهلي كثير انهم ماوعوني وفهموني ان البنت حياتها الصحيحة وهي متزوجة انتشر بين اقاربي اني مابي الا رجل بمواصفات خيالية ولم يطرق بابنا احد من بعد الرفض وبفضل الله انخطبت كثير من خارج العائلة وبصراحة كنت اتردد وواخاف رغم ان مافيهم عيوب والف من تتمناهم بس سبحان الله لم يكن لي نصيب معهم مرت الايام ووصلت لمرحلة تمر سنوات مااسمع موضوع الخطبة لو بالكذب مااخفيكم تعبت نفسيتي جدا خصوصا اني رأيت الصديقات والقريبات اللي بسني والاصغر سنا باطفال الله يهنيهم بس قلبي يعورني غصبن علي واحس بغصة بعدها انعزلت عن العالم ولا عاد صرت اطلع اي اجتماع ونفسيتي صارت سيئة وشكلي والله تغير شعري بشرتي حتى الحزن وقسم انرسم علئ وجهي اللي كان كله اشراقة والابتسامة ماتنقطع الان معبس وحزين غصبن عني والله العالم اللي ماشافتني من فترة ماتعرفني وكلن يقول بسم الله ليش تغيرتي ويحطموني اكثر واتردد اتزوج لو بتزوج يعني يوم كنت حلوة ماتزوجت يوم شنت اليحن اتزوج والله نفسيتي دمار المهم 3 لاربع سنوات وانا انتظر النصيب بس للاسف الوضع علي حاله ولان ديننا دين عمل وبذل الاسباب قلت لازم اسعى لنفسي وحصلت عن طريق موقع زواج واحد عربي والاخر اجنبي وجدت 2 مش مقتنعة فيهم كثير بس افضل المووجود
قبل اقولكم نبذه عن كل واحد خل انوه على الموقع
رجاء لا احد يقول لاتدخلين موقع وابعدي عنه مالي الا هذا الطريق والله خير حافظ وفيه شغلة ثانية انا كبيرة وعاقلة وقد مااقدر احرص على الملفات ولو حسيت ان واحد فيه 1٪ نصب ما اتعامل معاه وغير كذا الاعزب بعدت عنه لان اغلبهم لعابين او مواصفاتهم جميلة جدا جدا كذلك صغار السن وحرصت على الكبار لشعوري بجديت اكثر

عموما تجاوزوا التعليق على المواقع والنصب والكذب وركزوا بالصفات وساعدوني ارجوكم في الاختيار والله مالي صديقة استشريها ولا اقدر افاتح احد اهلي بهذا الموضوع

و ان شاء الله راح نسأل عن كل شي لو خطيت الخطوة اللي بعدها

الاول
الموقع العربي
باواخر الخمسين متزوج وله احفاد خالي من الامراض الحمدلله حسب ماخبرني وان شاء الله يكون جاد زوجته تعبانه
مشكلته يرى شهر العسل وحفل الزواج واي شي فيه صرف فلوس هياط و ماله داعي والاهم امرأة راكزه عاقلة تبي الستر
يعني هالشي عيب بالنسبة لي واحسه بخيل شوي والله العالم
عمره كبير يهمني اعرف هل عنده قدرة على الواجبات الزوجية ياليت الرجال والنساء المتزوجات برجال بهذا العمر يخبروني هذي النقطة تهمني كثير وهي احد اسباب بحثي عن زوج ابي اعف نفسي اخاف الحرام

وش رايكم وتقييمكم له ؟
هل اتنازل عن شهر العسل وااقامة حفل زفاف ؟


الثاني
الموقع الاجنبي
رجل اجنبي مش عربي يعيش بالسعودية ومتزوج اصغر مني ب3 سنوات وزوجته غير راضيه ولديه اطفال ولكن يهمه الزواج من سعودية عشان يتعلم العربي وعشان يعيش بالسعودية لان يهمه يكون في دولة مسلمة و قريب من الحرمين وهو داعية وملتزم من جد وان شاء الله اني متأملة انه مو نصاب ولا لعاب ويخاف الله فيني ويعدل ولا اعتقد اهلي بيرفضونه عشان اجنبي لانهم حاسين بمعاناتي وسبق لمحت لوحده من خواتي تكلم اخوي يسعي انخطب قال خير احرج عليها شوفوا العقلية بس رغم بعض صديقاتي اخوانهم خطبوا لهم اه ياقلبي على نفسي بس

الان انا محتارة بين الاثنين بكل اامانة اخبروني من االافضل ومين اتفق معاه للزواج
ارجوكم لاتقولون اصبري وابعدي عن الاثنين لاني مااقدر ابي اتزوج واحصن نفسي اليوم قبل بكرا
الله وكيلكم اني تعبانة جدا ولا احد يشعر باللي فيني لدرجة يوميا يوميا يوميا ابكي وكيف ماابكي وانا اشوف بنات شهدت لما ولدوا وكبروا والان متزوجات معاهم اطفال الكل انشغل عني خواتي قريباتي صديقاتي لهم حياتهم الخاصة وارتباطاتهم واطفالهم وانا حالي نفسه نفسة والمشكلة انا الوحيدة بكل العايلة على كبرها ماتزوجت وبنات 22 سنة متزوجة وعندها عيال
حتى بالعمل كلهم متزوجات والقهر اصغر مني ويتكلمون بمواضيع ولما يوصولن لشي يقولون اسكتوا بينا بنات مو متزوجات حسبي الله عليكم يالبزران وهالموقف دايم يتكرر بمجالس الحريم القهر انا اكون الوحيدة اللي مو متزوجة والمشكلة معاي بزران اصغر مني ب9 سنوات وعادي يسولوفون لما اجي الحريم الكبار يسكتون البنات انه بينا بنت مو متزوجة كرهت اي تجمع بالعمل او بالمناسبات واساسا اعتزلت كل شي والله تمر شهور مااشوف احد حتى اهلي مااشوفهم الا ساعات قليلة لاني في غرفتي اتحسر على حالي
تكفون ادعوا لي بالزوج الصالح والذرية الصالحة وساعدوني اختار مين هالخيارين
اعتذر على الاطالة بس حسيت اني مكبوته وماصدقت احكي

الله يرزقك من واسع فضلة ويسعدك دنيا واخرة ويكتب لك الخير
اذا كان لابد من الاختيار
انا اشوف رقم واحد انسب

__________________
سبحان الله وبحمده سبحان الله العظيم

طيب .. سنحصر حديثنا كما طلبتِ.

الأول باختصار إما بخيل .. وإما يريد أن يستمتع ببلاش.

شهر العسل صرف ماله داعي؟ .. آمنا بالله .... لكن ما تعملين عرس؟!! .. ليش إن شاء الله؟!

وعمره في أواخر الخمسين .. يعني الله أعلم سيكون قادر وعنده صحة أو لا!

لذلك لا أرى أنه يصلح أبداً.



الثاني .. يعتمد على قناعتكِ وقناعة أهلكِ يا عزيزتي .. ضروري أن تضمني موافقة أهلكِ على جزئية اختلاف الجنسية واللغة .. وسيكون من الأفضل أن يوافقوا بسلاسة دون أن تضطري للدخول في نقاشات حادة أو جدال أو محاولات عنيفة لإقناعهم .. ففي النهاية أنتِ لا تعرفينه جيداً ولا تعرفين هل يستحق بالفعل أن تخوضي حرباً مع أهلكِ من أجله.

فإن تم لكِ هذا ووافق أهلكِ فاستخيري وتوكلي على الله .. واجعلي فترة خطبة أو عقد قران كافية حتى تتأكدي ـ ولو بقدر معقول ـ أنه يناسبكِ.

__________________


اللهم طِيبَ الأثر .. وحُسْنَ الرحيل.

الله يجزاك خير مشكور على الرد
الثاني وضعه المادي الى حد ما كويس لو اضمن انه مو بخيل وصحته جيدة مابقى فيالعمر اكثر من اللي راح ودي استمتع واعيش حياتي واخلف لي بنت او ولد قبل اوصل الاربعين

الثاني وضعه المادي مو مره حابة كثير ان حياته كلها دين وهالشي اتمناه انه نحيا حياة مثل الصحابة زهد و تقربك من الله ونفسي واولادي نحفظ القران ونادازسه بالبيت مع ابونا اللييحرص اكثر مني على هذا ا الشي
ترا انا كارهه حياة المهايط اللي بمجتمعي ورافضنها تماما تفكير سطحي جدا وعلى المطاهر لكن مايعنياني ابخلعلى نفسي واذا الله معطيني فلوس ما اروح واستفر واستمتع ولا يعني اني اذا زهدت بالدنيا البس ملابس رثة لكن فينفس الوقت ودي برجل ملتزم صح موحكي وعلى فكرة هذا كان شرطي والله على كثر من تقدمماعمره جاني الملتززم والحمدلله على كل حال
بالتسبة لاهلي رفضهم متوقع للثاني ويمكن الاول بس ماراح اسمح لهم نهائي بوقفون بطريقي
على فكرة سبق واستخدمت الموقع قبل سنة وزي ماقلت اغلب الجادين المعددين والكباركان ملتزم ومن عائلة تشرف وعمره بالاربعين بس شكله مبين كبير ومااكان يهمني وجاءوخطب غلطتي ماخبرت اهلي واوقعت يسالون اذا كويس يوافقون ويسألوني صدموني انهم زحلقوا الموضوع ولاجابوا لي خبر المشكلة اني رفضت اتواصل مع هذا الشخص بس خبرته بالمسجد اللي جنب البيت واسم الوالد وقالي خلال هالاسبوع بكون عندكم رغم انه من مدينة ثانية
لما جا كنا جايين من برا البيت وشفته وعرفت انه هو اهلي مرتبكين ومين وش الشابفة واسألهم مين قالوا واحد يبي سلف تخيلوا بس !
ارسلي بانتظار ردكم قلت ماحد خبرني ولاعاد اقدر اكمل معاك طالما اهلي رفضوا


بالله هذا تصرف يُعقل من ام وابو يحبون بنتهم ؟!!!
لذلك قررت اكلم اختي اللي اصغر مني اللي دايم اكلمها واخبرها انهم مم موقع تمهد لاهلي باي شي لانها هي الاقرب لي وفاهمتني الكبار عقليات متحجرة للاسف

نسيت اقولكم خواتي كلهم متزوجات اولاد عمي ومصصيبتي انه مافي ولد عم بسني
خواتي انخطبوا من شباب مناصب وعاوئل كبيرة بي اهلي يخافون يزوجون من برا العائلة حلاة الثوب رقعته منه وفيه وبعض اخواتي مهبلين رجالهم فيهم رغم فقرهم وانفتحت مواضيع عتب بين امي وخواتي على عرسانهم الاوليين بس امي تخاف تزوج ناس ماتعرفهم ياولد عمها يا تخللي في البيت طيب ماعندي ولد عم شسوي

لو حددت واحد من ذولا طبعا اهلي الكرام بيرفضون كعادتهم لكن ناوية اكلم اختي قبل تكلمهم وتفهمهم انهم جاين عن طريق صحباتي واني اعرف مواصفاتهم وموافقة عشان مايفلمون علي مثل اللي قبل بس مين اختار؟؟؟؟

الاول كبير صح مايهمني كثير لو اعيش 5 سنوات او 10 سنوات اللي هو تقريبا عمره الافتراضي
بس اخاف بخيل انا مااحب المهايط بس احب ابسط نفسي واتمتع بالحياة طالما ربي معطينا

الثاني
ماتهمتي جنسيته ولا وضعه المادي الضعيف
لو اضمن فعلا انه بيخاف الله فيني ومايعارني كوني اكبر او اذا مرته زعلت او هددت يطلق مثل كثير قصص تحصل مع السعوديين اللي يعددون عشان كذا انا متعقدة وفي الغالب ماارد على طلبات الموقع الا على اللي عمره فوق 40 اضمن انه اكثر مصداقية ويمكن زوجته تعبانة او منشغلة عنه

الله يجزاك خير مشكور على الرد

(مكانه الأنسب)

__________________
الحمد لله بلا سبب ولا طلب..
الحمد لله في حياتي وبعد مماتي..
الحمد لله دائمآ وأبدا..

الله يفرج همك و يكتب لك الخير

لا تحجري واسع
لو علم أقرباءك بهذه المواصفات التي ترضين بها سيتهافت عليكي الخطاب
كلمي أخواتك يكلمن أزواجهن و أزواجهن سيتصرفون في موضوع إيجاد العريس المناسب
ولكن بشرط أن يكون ثقات

امين يارب ايه اذكروني بدعواتكم بسجودكم
ومشكور على الرد الله يجزاك خير

خواتي كلمت اصغرهم وياحبي لها حاسة فيني وكلمت زوجها وهي متفسلة ومستخية بس عشاني قال اختك يجيها خطاب كثير ومراكز وترفض واللي اعرفهم على قدحالهم يعني بتوافق اختك شايفة نفسها اخواتي والله عدد خطابهم اقل وتزوجوا لكن اختك راسها يابس واسف مااقدر احرج عليها عقليات متحجرة خواتي الكبارلما المح تلميح بس يقولون كل شي مكتوب وارضي بنصيبك لو ممتوب بتتزوجين بيجيك ل عندك قلت مريم عليها السلام الله كان قادر يطعمها بس وهي مخاض امرها تعمل وتهز جذع النخلة يعني لازم الواحد يسعى قالوا نسعى نروح بالشارع ونمسك اي رجل ونقول عندنا بنت تعال اخطب
وصلت اطلب ابوي واخواني كنا جالسين مره وسولفت لهم عن قصة صديقتي اخوها خطب وقلت القصةوثانية ابوها خطبلها وقلت القصة واحد منهم نناظرني قال وشتقصدسن قلت ولاشي اسولف عادي قال تخيلوا نحرج عليها قام يضحك الكبير قال ماعاد فيه نات تستحي ثم امي الله يصلحها ماقصرت فيني خلتني ريال مااسوى
اللي بالدوام مره انخطبت من وحده ووافقت مبدئيا قالت وحده غريبة قلت ليش قالت احسك تبين منصب كبير وماترضين باي احد جتى بالدوام فاعمين تاخري بالزواج غلط

وصلت والله لو سواقنا الهندي يخطبني والله لاوافق والله ما اتمسخر فيه ولا اكذب بجد بتزوج وبس هذا اللي شاغل تفكيري

كان الله في عونك ...


اراكِ دخلت في متاهة لا أحسنُ الظنَّ في عاقبتها ...!
و انصحك بما قيل في الرد ٤#

__________________
أشهد أن لا إله إلا الله و أشهد أن محمدا رسول الله صلى الله عليه و سلم