طلعت من الاربعين ورجعت بيتي
وزوجي من وقتها تغير من ناحيه الاعتماد على نفسه
يطبخ لنفسه.. يكوي ملابسه.. يرتب اغراضه
يعني تعود يعمل كل شي بنفسه
اوكي شي حلو
ماعدا الطبخ!! صار كل يوم يطبخ
وحتى اذا طبخت ماياكل من طبخي
فجأة صار مايحب المكرونه ولا صواني!!
وصار يحب يشوي ويشوح اللحم والدجاج بنفسه
واذا قلت له خليني اعملها بطريقتك يرفض
يقول لا روحي انا بطبخ الاكل
زمان كان يطبخ بالويك اند اذا رحت لاهلي
وكان يجيني من الدوام ملهوف ويسألني ايش طابخه
وكنت احب يستطعم من طبخي لاني احب الطبخ
حتى ملاحظاته كانت تعجبني واهتم فيها

اليوم مثلا طبخت مكرونه زي ماهو يحبها
جاء وطلع لحم من الثلاجة وقال بيطبخ له!!
انا بداخلي قررت خلاص ما اعمل حسابه
بطبخ لي ولبنتي وبس
حرام الاكل دايم ينرمي لانه ماصار يحب ياكل من يدي


ولمحت له بشي زي كذا
وانفعل وقال احمدي ربك وجاب لي طاري ناس نعرفهم
الرجال هو اللي يطبخ وزوجته ماتدخل المطبخ
قلت له هذي يسمونها (رفله)
وانا سنعه.. واحب يكون لي قيمه ببيتي
والحمدلله طبخي حلو بشهاده الكل
حتى هو كان يموووووت بطبخاتي
الحين طايح لي بموال: نفس الرجال بالطبخ غير!!

والطامه انه كان ينتقد المرأه اللي ماتدخل المطبخ
ويتتكلم عن واحد يعرفه تزوج على زوجته لانها مقصره ولاتطبخ له

طيب انا اقصاني من المطبخ غصبا عني
وبعدين يعني
احس وجودي بالبيت صار زي عدمه
واعرف نوعيه زوجي
بكرا لو صار خلاف بينا بيذلني انه يطبخ
وبيقول مو كافي اني اطبخ لنفسي!!

والطامه الكبرى
اذا طبخ يغير مكان البهارات
والفرن يعلق فيه الاكل
والمطبخ يتكركب
وينقع القدور ليوم ويومين.. مايغسلها بنفس الوقت
وهالشي يقرفني
زمان كنت ما انام الا مطبخي يلمع من النظافه
الحين زوجي يتسلل احيانا اخر الليل ويطبخ له
وصاير كلامه عن تفاصيل الطبخ
كأني جالسه مع وحده مو واحد
انا شخصيا ما احب هالشي

اكثر شي كنت احبه بزوجي لهفته على الاكل اللي من يدي
اتمنى فهمتوني

(تم تعديل العنوان ليتناسب مع المضمون)


مستجدات الرد(97)

http://66n.com/forums/showpost.php?p...9&postcount=97

خليه يطبخ
ويعيش حياته
تراها فتره ويمل ويرجع لطبخك

ما اتوقع يا مبتعثه
الوضع جالس يزيد
اول ماتزوجته ماكان يعرف يسلق بيضه
وانا تعلمت كل الطبخات عشانه
لكن من فتره تعرف على واحد يحب الطبخ
وصار فجأه يعشق المطبخ
قلت براحته
لكن لمارجعت من الاربعين لقيت الموضوع زاد عن حده
لدرجة قال لي يبغى يسوي له مطبخ لحاله
زي صديقه
قلت له لا كذا كثيييير!!
قال امزح معك!!

ده مش وضع طبيعى ..
معنى انه يرفض يعتمد عليكى تفسيره مش فى صالحك .
اتمنى تكون فتره ويرجع .
نعم يحق لكى ان تزعلى كما يحق لك ان تفهمى ..

__________________
تٌجّنِبًوٌا الَوٌحًدٍهّ...فُهّيِ تٌعٌشُقُ الَرجّوٌعٌ لَلَمًاضيِ

ياليت ياعم رؤوف توضح اكثر
مافهمت ردك كويس
واحس عندك كلام مهم تبغى تقوله

كنافه يابنتى كلامى ليس بمبهم واللى عايزه تعرفيه اعرفيه منه هو مش منى ..
احنا قاعدين نستنتج انما انا لافت نظرى موضوع العلاقه الخاصه وعدم تاديتها وزاد عليها تقليل اعتماده عليكى فى شئونه .
ليس المطبخ هو مربط الفرس انما اعتقد ان بداخله شيئ ما من ناحيتك ..
هناك خطا ما يحتاج لتصحيح ..
من حقك ان تنزعجى من دخوله المطبخ واعتماده على نفسه ولا تفرحين كما قال الاخرين ..
المراه سكن والراجل ساكن حتى وان تملك الدار ..
اجلسى معه وابلغيه انك لست منزعجه من دخوله المطبخ او يساعدك فى شئون المنزل ولكن مايزعجك هو عدم اعتماده عليك وانت زوجته وام اولاده .. ربما افصح عما بداخله وافتاك بمبرراته وفى جميع الحالات تقبلى رايه بصدر رحب وانظرى ماتستطيعين فعله لتصحيح ذلك الخلل .
ليس عندى اكثر من ذلك فانا لا اهوى ولا اجيد تفسير كل تصرف ..
اتمنى ان اكون افدتك والا يكون كلامى لازال مبهما ..
دمتى بود كنافه ..

__________________
تٌجّنِبًوٌا الَوٌحًدٍهّ...فُهّيِ تٌعٌشُقُ الَرجّوٌعٌ لَلَمًاضيِ

عطيه جوه، وامدحي طبخه، وقولي له اذا حاب اساعدك علمني
مصيره بيرجع يبيك تطبخين له
والله ياحنا اخذين مقلب بانفسنا ان نفس الطبخ حقنا ماله مثيل هههههه هع
بس تبين الصدز والله يابعض الشباب طباخ بشكل رهيب

ذكرتيني بطليقتي ماتعرف من الطبخ إلا أسمه، وماغير أنا بالمطبخ مسنتر أكثر منها ، رفلة مع مرتبة الشرف.
بس الحلو أنكم كلكم تطبخون ماشاء الله عليكم

.....................................

__________________
ياصبحِ لاتِقبل !!
عط الليل من وقتك..

للامانه طبخه اقل من عادي.. مايعجبني
واذا اكلت تتعب معدتي
كمية بهارات كبيره جدا جدا
المشكله هو ماخذ مقلب بنفسه
لان اصحابه يمدحووووونه ومطيرينه بالعالي
وهو صدق نفسه
وصار يحس انه احسن طباخ بالدنيا
وانا مؤمنه ان المطبخ مملكه المرأه
حركاته هذي تستفزني
هو جالس يوصل لي مسج اني مالي اهميه بالبيت
ما ادري يقصد او ما يقصد
لكن الوضع مستفز
وصعب اغصبه ياكل من يدي

زوجك شكله من النوع اللي يطف بالشيء ويجي جمييييييييييييع
وشكل اخوياه مايعرفون يطبخون ولا شكشوكة، فعلشان كذا لاطبخ انهبلوا على طبخه، أو أنهم ماتسد ذاقوا العيشة.
أنتي طوووولي بالك وخليه يتفلسف بالطبخ، مصيره يمل، وبيطيح بشي غيره مثل الدبابات ولا تركيب اللمبات

وخليه يطبخ وحاولي انك ماتتصادمي معاه خصوصا انه مستانس بطبخه

وانتي خليك ذكية ودبلوماسية، اطرحي عليه فكرة انك تطبخين اليوم، اذا ما اعجبه، اطرحي انك لو حابة تساعدينه، إذا ما اعجبه قولي له حبيبي متى ماحبيت اطبخ لك او الطبخة اللي تعجبك علمني اساعدك فيها، وخلي الامور تمشي بسهولة، ولا تصادمينه او تشعرينه أنه ماعنده دبره أو طبخه مو ذاك الزود، ترانا نفسيات ولا نفهم على طول بنحس انكم بتقللون من قدرنا أو تنكرون جهودنا خصوصا أن زوجك وينهو عند نفسه هو وطبخه

__________________
ياصبحِ لاتِقبل !!
عط الليل من وقتك..

فعلا كلامك صح مليوووون بالميه
زوجي دايما يطف بالشي ويجي جميييييييع
حتى بموضوع الطبخ
يعلق على اكله معينه فتره بعدين ينتقل للثانية وهكذا
وانا صاير وجودي ديكور في البيت
دوري مقتصر على تربية البنت والولد بس