السلام عليكم ورحمة الله وبركاته

عروس رجعت لكم وتبي استشاره جديده منكم يالغوالي

بعد استفادتي من نصايحكم وارشادكم لي..

وحبيت اخبركم.. إني ولدت وجبت احلى بنوته ربي يحفظها

لنا.. وبفضل الله ثم من نصايحكم زواجي كان جنبي ومعاي

لين غرفة العمليات~ الله لا يحرمني منه

عالعموم...

موضوعي الحين هو إن عمي (( ابو زوجي))
راح يسوي عمليه وخطيره نوعاً ما.. الله يشفيه ويقومه بالسلامه

ويتمنى جيتنا ونوقف معاه بهالموقف..
انا قلت لزوجي واجبك تكون يمه بهالضروف مثل باقي اخوانك..
مثل ماتعرفون عمي وخالتي واخوان زوجي ساكنين بـ عماره وحده ( كلن بشقته) حتى زوجي وزوجته الاولى لهم شقتهم

سؤالي..
اذا رحت مع زوجي ( لان عمي وخالتي يحنون علي يبون يشوفون بنتي فديتهم )
اذا رحت معاه كيف اتصرف ؟
انا مابي انزل في بيته لاني مابي اضايقها حرام هذا بيتها وانا اجي اغثها فيه مايصير
افكر انزل في بيت احد من اخوانه لانها كلها كم يوم ماراح نطول
شيرو علي تكفون.. مع اني احس مجرد احساس بس ان زوجي بيتضايق اذا مانزلت في بيته
بس انا والله مابي اضايق حد مني ولا ازعج حد في بيته
بحط نفسي مكانها وحاسه فيها
اللي ابيه منكم كيف اتصرف شيرو علي خصوصاً انها اول مره اروح لهم بوجودها
مرتين اروح لهم وهي تكون مسافره عند اهلها
وانا وزوجي نستأجر في فندق
اما الحين الامر مختلف
يارب تكونون فهمتو علي وكلامي ملخبط

فمان الله...

(تم تعديل العنوان ليتناسب مع المضمون)

هل زوجكِ هو الذي اقترح أن تقيمي في شقته؟

وكيف هي علاقتكِ بزوجته؟

__________________


اللهم طِيبَ الأثر .. وحُسْنَ الرحيل.

لا ما اقترح علي

بس احس اذا قلت له مابنزل في شقتك بيتضايق والله العالم..

زوجته انا مااعرفها ولا عمري شفتها

ما دام لم يقترح .. فلا أرى أنه يضع في ذهنه هذا الخيار.

إذا كان ذهابكِ ضرورياً فأرى أن تقيمي مع أم زوجكِ.

__________________


اللهم طِيبَ الأثر .. وحُسْنَ الرحيل.

ام زوجي مالها شقه مستقله

تتنقل بين ابنائها

اذا لها شقه مستقله بنزل عندها بدون نقاش اصلاً

هل ذهابكِ ضروري فعلاً؟!

عمكِ مريض في المستشفى .. ليس في حال يسمح له بمجالسة الطفلة وملاعبتها مثلاً .. والطفلة صغيرة لا تستوعب.

وزوجكِ قد يتقاسم الوقت مع إخوانه في ملازمة والدهم.

وأنتِ عندكِ طفلة صغيرة أحسب أن روتينها لم يستقر بعد .. وقد تسبب لكِ شيئاً من التوتر.

وعمتكِ ليس لديها مكانها الخاص.

وإقامتكِ مع زوجة زوجكِ فيها حرج لكِ ولها.


أرى أن تزوري عمكِ قبل إجراء العملية .. وتسلمي عليه ويرى حفيدته .. ثم تعودين إلى بيتكِ.

وإلا فأقيمي في فندق كالمعتاد.

__________________


اللهم طِيبَ الأثر .. وحُسْنَ الرحيل.

خاطرها بينكسر و سكتي لين تشوفين رأي زوجج .. بس حاول تحسسينه أنكم لو تستاجرون احسن

__________________

ريم الأوطان حبيبتي

اكيد بيقول لي كيف نستأجر وبيني هنا

بكذا كيف ارد عليه..

وانا ربي شاهد علي ماحب اضايق حد مني
ومابي اضايقها واكسر خاطرها وهو بيتها
حرام الله ماحب الظلم

بس كيف اتصرف شسوي قولولي

و ليش ما يكون زوجج محتار و يفكر يعرض عليج تستاجرون و يخاف انج تقولين عنده بيت و يبغينا نستأجر ؟؟؟


ثانيا و لو قالج فرضا عندي بيت ! قوليله نحن عديلتين مش ضيوف عشان تتلوم فيني و تعتزي بيتك عن الشقة المفروشه..

ثالثا سبحان الله احتمال زيارتج تفتك جروح قديمة ف الحرمة او تزيد مشاكلها ما تعرفين شو الأوضاع دامها ولا مره شفتيها الاكيد الاكيد انها بتستوعب الوضع و بتبدا تقارن و تتخيل !!!

ف كوني حقانيه وقوليله زوجتك من حقها راحتها ف بيتها و اسمح لي

__________________

اختي روض مبارك البنوتة الحلوة
اسال الله ان يجعلها من الصالحات ويرزقك برها

ما أتوقع زوجك يعرض عليك النزول في بيت زوجته
واذا طلب منك هالشيء ارفضي حتى لو اضطريتي تدخلي ام زوجك لاقناعه
الله ييسر امرك يا رب

__________________
الحمد لله بلا سبب ولا طلب..
الحمد لله في حياتي وبعد مماتي..
الحمد لله دائمآ وأبدا..