السلام عليكم

مؤخرا .. بدأت اتعجب من نفسي !

حالتي النفسية متذبذبة جدا
مدري حالتي الاجتماعية !
ماني قادرة اصنفها لكن بشرحلكم

مثلا نفسي اعزم ضيوف عندي لكن فيه شعور ثاني قوي
يقول لا لاتعزمينهم .. شعور بين ااستثقال وخوف و ربكة ما اعرف اصنفه
بالرغم اذا عزمتهم انبسط واقضي وقت جميل

انا هنا استعجب من نفسي دامني انبسط ليه هذا الشعور !

مثال ثاني ااذا احد عزمني

اشيل هم وما فحالي وشعور غبي يراودني اني بضيع وقتي والافضل اقضيه لوحدي
بالرغم اانه اذا خرجت ما نفسي ارجع البيت

انا هنا استعجب ليه طيب يجيني هذا الشعور دام النتيجة مرضية ؟


مثال ثالث

فيه مدرسة خصوصية البنات يجيبونها
وانا محتاجتها .. كلمت البنات يكلمونها لي
وكلموها وقالت خلوها بس تكلمني واخر شيء كنسلتها وما كلمتها
ليش كنسلتها وانا محتاجتها والبنات يمدحونها ورخيصة وحبوبه
احس اني اغبى وحدة بالعالم ليش ما اناديها واستفيد
لكن شيء يضغط علي يقولي لا لاتنادينها !


ماني قادرة افهم نفسي !
عارفة ان حالتي مي طبيعية واحسها كل يوم تزيد
بس مدري ايش اعاني منه انا ؟

ساعدوني على ترجمة هذا الشعور

لعله الرغبة في الوصول للكمال

ممكن
لكن اعتقد اللي يسعى للكمال ما يتررد بشي يصب بمصلحته
فقط لانه ةحيكون هناك طرف ثالث بشري !

قاعدة افكر بعمق احس تخبطاتي والشعور اللي يجيني بس اذا كان فيه
مقابلة اشخاص !

لانك يبدو اول مره تعتمدي على نفسك بقراراتك
فتحسي نفسك صعب تقدمي

هو ما اعتمدت على نفسي الا لما اتجوزت من 3 سنوات
وفعلا الشعور بدا من اتزوجت لكن بهذي الفترة زاد

فكنت متعودة زمان اني اخذ اوامر بس ورأيي مهمش بحكم اني وسطانية !

ترددي بالامور الماديه
ولا بامور العلاقات مع الناس

^
مع الناس !